Yakobus 3:13 - Allah Wene Hurumbik Keron

¹³ Eke ap indi enggaron misig hinim welahep ano eleg ano? Ebe wereg halug, indi enggatoho wilil, yi angge di angge fanoroho seheg, obabut fano mondog wilil onggarehen seberepateheg suruk halug, ap arion-at welamag-o.

Yakobus 3:13 ပူးပေါင်းရင်းမြစ်များ

Galatia 5:23

eke inindi seberoho welamon etno inim, eke inonggareg inindi aso welamon etno inim, it aphe yiroho diroho fanoroho suruk amon etno obog-at suruk isalug, fobik inebe dag seko imbisahu fug-o.

Yakobus 3:17

Ariroho surukmu, boholmen inindi iniluk amag ulug og isarukon ari fam, fano wene etno eheg, aphe inim dambuksoho welaheg, eke inune fanowon-at yig iseheg, eke nabua habua seheg, eke yi angge di angge fanoroho seheg, eke nambit hambit ukon etno sohorep iseheg suruk-o.

Matius 5:5

Eke hit hinindi misig-at welahebon halug, wa. O kweanma hiren angge-at aruhu-o.

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

1 Petrus 2:12

Eke it aphe Allah wene waruk elehonen yig hisaruk wilil, hit Allah udaki dag suruk hisehe-o, ulug hinobam denggeluog ulug inahla buruk wilil, iren urukon epmano eleg amag ulug, fanoroho suruk ahebon epmano inilanggen hawag-o. Ariroho hisaruk amuhupseg, iren fobik At Ninowe waruhumu, inuk suontepfuhup-o.

Titus 3:2

Eke hinenggal-at ap misig obam denggeluk fug ulug yig iseheg, eke aphe inim inindi hunduhuk welamon etno inim, eke inindi seberoho welamon etno inim eke it yi aphe di aphe obog inim fanoroho welamon etno inim, ariroho sukag ulug yig isaruk amin-o.

2 Timotius 2:25

Eke it hag inindi wereg atlug ioba yatuk wilil, wene demat urukon etno iniluk atuk amuhupseg,

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

1 Timotius 6:11

Eke hat hebe Allah amloho neken welahe halug, haren yi angge di angge dahon epmano sohorep isalug, fanoroho surukon etno inim, eke Allah wene ebahon ilitoho surukon etno inim, eke Allah wene demat ulug ebetukon etno inim, eke aphe hinim hunduhuk welamon etno inim, eke ap winimug yig isaruk elehon etno inim, eke hindi seberoho welamon etno inim obog epmano mutlug laruk arik ulug hindi ebetuk amin-o.

Yakobus 2:18

Eke at ap misihen uruk wilil, “An hag Allah wene fanoroho suruk ahion-o, hat hag huneyen-at Allah wene waruk ahen-o,” ulug yig nitlepmen eke anden ap etno yig ituk wilil, “Ap misig uneyen Allah wene urukon oke, ilitoho suruk eleg wilil, keroho neken yuhun-at wereg-o. Eke yi angge di angge fanoroho surukon etno fam it aphe obohen, ap du Allah wene demat uruk-o, ulug yig imuhup-o,” ulug anden yig itle-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

Yakobus 1:21

Eke ari halug, hit hinobabut dag suruk ahebon epmano mondog seberoho imbisiek-o. Hit hinebe At Allah apma-at weregma, aren hinili wawon wene etno hinindimu og hisaruk halug, eberoko waruk amiek-o.

1 Timotius 4:12

Ariroho suruk healug, it apheyen, hat hebe doron atma, bok amin-o, ulug yig hum ari hai-o. Eke haren uruk ahenon etno inim, eke hobabut fanoroho suruk ahenon etno inim, eke aphe hinim hunduhuk welahebon etno inim, eke Allah wene demat ulug ebetuk wilil ilitoho suruk ahenon etno inim, it aphe obohen inilanggen healug, nit ari ilitoho suruk amuk-o ulug inahla bukagsoho suruk amin-o.

2 Korintus 10:1

Eke an Paulusen wene misig yig hisamin-o. It ap ninen an nabug uruk wilil, at Paulus etno hinim wilil une wiogsoho-at yig hisarukon oke, ebe yatma wilil une winimugsoho-at yig hisaruk-o, ulug ariroho nabug urukon oke, At Kristus obabut fanoroho wilil yig isaruk apag etno hag, yig hisaruk ahi-o.

Matius 11:29

Anden angge etno waruk amuhupmu, hinomalo fam umburuk aruhukseg, Anden hit yanggul hisahuk-o. Yang­gul hisa­hukon ari, An fanoroho nindi seberoho wilil sat yal hinaptuk aru­huk-o.

Yakobus 3:1

Nomini-o, hit obohen, an ap yanggul isarukon welaruhuk ulug uk fug-o. It aphe werlekon hag inaren baluhu oke, nit ap yanggul isarukon etno hag fikfag ninaren baltuk aruhureg, hinog anggolo og ninabuhu oke, niren dahan fahan suruk aheon epmano niniluk-o.

Efesus 4:2

Ariroho suruk wilil, hinindi seberoho welaheg, eke hinune fanoroho yig iseheg, suruk amuk-o. Eke hinomini hinim hinindi hunduhuk wilil, fanoroho hinim welamuk-o.

Galatia 6:4

Eke hit obog hinobabut suruk ahebon epmano inim-at fanoroho aso welamuk-o. Eke fanoroho suruk wilil halug, an fano welahi ulug hinahla buruk amuk-o.

Galatia 6:1

Nomini-o, at ap misig indi oag eleg wilil, dahan fahan suruk halug, hit Roh Kudus hinindimu werehon etnowen ap etno fikfag moturuk amuk-o. Moturuk wilil hinune fanoroho yig ituk amuk-o. Ariroho wilil, hit hinonggareg inim-at hinindi kahaluk nowen ulug hinindi aso fanoroho welamuk-o.

2 Korintus 8:24

Eke ari halug, it inebe obog hinim hinindi hunduhuk neken welamuk-o. Ariroho wereg hisalug, it Allah udaki obohen hit hinaren surukon epmano iniluk atlug, niren suontep hisaharuk aheon etno demat urusa ulug inahla buhup-o.

Matius 21:5

“It aphe o Sion werehon epmano At Hinowe etno kidia hinambeg waharuk ulug yig isimuk-o. Eke At ebe indi seberoho wilil, fano mondog werehon etno wam keledai udag etno amboloag fam laruk-o, ulug hurumbik ebahon demat seg atisi-o ulug inahla bukag,” ulug ariro­ho yig isebag.

1 Petrus 3:4

Ariroho suk fug ulug yig hisihi ari hinindi fanowon welamuhuben ulug yig hisihi-o. Hinobabut fano wilil, hinindi uwa bal bal uruk elegma, At Allah ahien hisaruk-o.

1 Korintus 6:5

Ari halug, an hinenggali warep hisahaki-o. Eke ap misig indi weregsoho wilil at ominion alem heako yig isarukon etno hit hinahla epma mondog eleg ano?

Matius 7:24

At Yesus etnowen yig isaruk wilil, “It aphe obog An nune du inesanggo holtuk atlug ilitoho-at surukon etno inawene du ilitoho neken yig hisamin-o. It etno ap indi enggaron etno ilitoho wereg-o. Eke at ap etnowen ibam aloma-at oag weregsoho falepataruk apagma,

Ibrani 13:5

Eke hiren hinaharek erlog wereg heheg, uang nin obam umbukon ulug nindi nindi il nuruk am fug-o. Eke At Allahen yig hisaruk wilil, “Anden sohorep hisaharuk aruhuk fug-o,” ulug ebag etno fam,

1 Petrus 1:15

Eke At Allah wol hisarision etno akeleg neken fanowon-at wereg etno ilitoho, hit ariroho-at hinakeleg neken fanoroho welamiek-o.