Yakobus 3:1 - Allah Wene Hurumbik Keron

¹ Nomini-o, hit obohen, an ap yanggul isarukon welaruhuk ulug uk fug-o. It aphe werlekon hag inaren baluhu oke, nit ap yanggul isarukon etno hag fikfag ninaren baltuk aruhureg, hinog anggolo og ninabuhu oke, niren dahan fahan suruk aheon epmano niniluk-o.

Yakobus 3:1 ပူးပေါင်းရင်းမြစ်များ

Matius 10:24

Eke it yig isarukon epmano at yanggul isarukon apma wereg etno hag, it anggim­bu epmano at inowe apma wereg-o.

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Matius 23:14

It hweap suhweon epma inabua iseheg eleg wilil, inibam muko wilip isalug, hit imig saruk ahebon oke, nit fano-o ulug aphe inil fam sembahyang yaron uruk ahep-o. Ari halug, hinebe oag deloko o dagma-at hinombisahaku-o.

Matius 9:11

Horie uruk apareg weregma, it Farisi ap nin inilanggen isaruk apareg, At omini epmano yig isaruk wilil, “At hinowe du it ap uang onggo kino urukon inim, it dag surukon inim keroho ulug inim dambuksoho orom naruk-o?” ulug yig isebag.

Lukas 16:2

Yig ituk apagma, at etnowen anggimbu etno wol haruk apareg, yig ituk wilil, ‘Haren suruk ahenon etna keroho yig nitusa-o? Halug, haren neyabuk suruk wilil, uang anggen og isaruk atikinon epmano fikfag dindiloko yig nipmihin-o. Yig nituk healug, hat fobik an nanggimbu neyabuk surukon welaruhun fug-o,’ ulug yig epag-o.

Lukas 6:37

At Yesusen yig isaruk wilil, “At Allahen hinabug baluk nowen eke hiren aphe inabug baluk fug-o. Eke At Allahen oag del hinabuk nowen, hiren aphe oag del inabuk fug-o. Eke At Allahen hit dag sirikibon epmano hinobam hinapalegsoho apma hinombisahukag ulug, eke hiren it nin dag surukon epmano inobam inapelegsoho hinapma imbisaruk amiek-o.

Yohanes 3:10

At Yesus etnowen yig ituk wilil, “Hat hebe it Israel aphe epmano yanggul inaptuk ahenon-at oke, An wene yig hirihion etno hapeleg atuk ano?

Kisah Para Rasul 13:1

Eke it o Antiokhia aphe Yesus wene webahon epmano inanggelegma wilil, Allah wene yig iseheg, eke yi wene di wene yanggul iseheg surukon epmano ininuk Barnabas inim, Simeon eke inuk misig Niger etno inim, eke at Lukius, Kirene ap etno inim, eke at Menahem, inowe Herodes endag inapahon etno misig inim, eke at Saulus etno inim it obog welapag.

1 Korintus 12:28

Eke At Allahen At udaki inanggelegma epmanowen aphe inebe minduhup isaruk wilil, bilin it wene yig isil nuruk amag ulug mondep isebahon epmano minduhup isebag. Eke fobik it Allah wene inindimuen walug yig isarukon epmano minduhup isebag. Eke fobik it wene yanggul isarukon epmano minduhup isebag. Eke fobik it aphe sukfugangge surukon epmano inim, eke it uk warehon fano inabukag ulug og isarukon epmano inim, eke it yalmag isarukon epmano inim, eke it aphe inaso werehon epmano inim, eke it inune akelehon urukon epmano inim obog-at minduhup isebag.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

Efesus 4:11

Eke wene yi angge di angge epmano og isarisi ulug wereg ari, At Kristusen it nin At Allah wene yig isil lawag ulug mondep isarukon etno inim, eke it nin Allah wene hurumbik yig isarukon epmano inim, eke it nin wene fano wene yig isil larukon epmano inim, eke it nin Allah udaki inaso wilil yanggul isarukon epmano inim og isaruk wilil minduhup isarisi-o.

1 Timotius 1:7

“Nit At Allahen komo yig nisebahon etno yig isarukon nit-at welahe-o,” ulug uruk-o. Ariroho niniluk welahe, ulug urukon oke, wene ebe undamon inapeleg heheg uruk-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

2 Timotius 1:11

Eke wene fano wene yig isil laruk wilil, yanggul isaruk amag ulug At Allahen minduhup naharisireg fam, an kidia hele war naptusa-o.

Ibrani 13:17

Eke hit it hinowesien yig hisarukon epmano hinesanggo holtuk wilil, ilitoho suruk amuk-o. Eke it hinowesi epmano yabuk duroho surukuk ulug At Allah il fam bukaloko yig imuhup etno fam, it kidia kelseheg eleg-at hinindi aso wereg-o. Eke hiren it inune hinesanggo holtuk hisalug, it inahientoho-at suruk amuhup-o. Eke hiren holtuk eleg hisalug, it epmano inindi inambitoho suruk wilil, hit hinindi yabuk fanoroho suruk amuhup fug-o.

Yakobus 1:16

Nomini, hit fikfag hinindi ebetuk amiek-o.

Yakobus 1:19

Nomini nindi hunduhukon wai. Hit kidia an yig hisaminon etno hinindimu fikfag ebetuk amiek-o. Ari ninesanggo holtukon etno hag, dulum neken ninesanggo holtuk amuk-o. Eke ninune uruk aheon inim, ninasine haruk aheon inim hag orog-at uruk amuk-o.

Yakobus 3:10

Ariroho uruk wilil, sembahyang urukon etno inim, eke ninune dahon urukon epmano inim, alem ninambilik misig-at wereg oke, ariroho uk ari hai-o, nomini.

1 Petrus 5:3

Eke At Allah udaki hinapma welamag ulug og hisarision epmano ninasineroho yig isahuken, ulug hinahla buruk eleg wilil, hiren fano suruk ahep etno ilitoho iren fano suruk amuhup-o.