Yakobus 2:7 - Allah Wene Hurumbik Keron

⁷ Eke At Allahen hininuk fanowon soal hinapahon oke, hinobam sabele neken denggeltuk ari, it inaharek werehon epmanowen-at inapmarep hisaharuk-o.

Yakobus 2:7 ပူးပေါင်းရင်းမြစ်များ

Matius 1:23

At nabi etnowen hurumbik yig isaruk wilil, ‘Hwe duhumon misig udag ahumla aruhuon etno du ha manu-o. Aren fobik udag etno ap angge-at enderuhumu, inuk Imanuel soaluhup-o.’ Eke, inuk ari, ‘Allah ninim welahe-o’ ulug soaluhup ulug at nabi etnowen ebahon etno yig hirihi-o,” ulug at malaikat etnowen Yusuf yig epag.

Matius 12:24

Uruk apagma, it Farisi ap epmano inesanggo holtuk apareg, yig isaruk wilil, “Setan inowe Beelzebul etnowen oag werehon etno og itukmu, setan lisoko wilip inaptuk-o,” ulug yig isebag.

Matius 27:63

yig ituk wilil, “Ninowe-o, At ap enggal urukon etnowen awan iluk wilil, ninggik henahanam welaruhukseg fam niluksoho minduhup nahaku-o ulug yig nisarision etno ninindi ebetuk ahe-o.

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 15:17

Eke it yi aphe di aphe o ahik ya da obog Anden nudaki-o ulug inayonggo umburuk aruhukmu, iren Ninikni-o ulug nombolim mug naplug lahup-o,’

Kisah Para Rasul 26:11

Yig isaruk atikikseg, eke fobik it o Allah wene uruk ambeg etno kuruk atikikseg, iren Yesus wene ninambit ukag ulug yikangge anggolo waroko wilip isarikik. Wilip isaruk atikikseg, eke fobik mondog nasine atuken o yatma inim heako war inabil nuruk atikik,” ulug at Paulus etnowen yig isarisi.

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

1 Timotius 1:13

Eke anden At Yesus nune dahon yig ereheg, eke At udaki muko wilip iseheg suruk atikikon epmano At Yesusen hindi wereg atuk halug, an nanggimbu welaruhun-o, ulug sohorep naharisi fug-o. Eke an bilin Allah wene napelegma dag suruk nealug, At Allahen nabua nearisi-o.

1 Petrus 4:16

Yuhun-at welatlebon oke, eke Kristus inuk warikipseg fam dahon etno hinobam umburuk isalug, hinenggali haruk am fug-o. Hit At Kristus inuk warukukseg welahe-o, ulug At Allah wa yig ituk wilil, sembahyang uruk amiek-o.

Wahyu 19:13

Ariroho holal baleg wilil, asum wantirision etno mep are sirisi-o. Eke At etno inuk soaltuson misig Allah wene ulug soaleg welatisi-o.

Wahyu 19:16

Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.