Yakobus 2:5 - Allah Wene Hurumbik Keron

⁵ An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

Yakobus 2:5 ပူးပေါင်းရင်းမြစ်များ

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 5:3

“Hit hinindi sebero­hon halug, wa. Boholma At Allah weregma hiren angge ulug og hisahu-o.

Markus 7:14

Yig isaruk apareg, it aphe obog epmano At ambeg wonggalik wamag ulug wol isebag. Wol isaruk apareg, yig isaruk wilil, “Hit obog-at An nune etno hinindi ebetlihiben hinesanggo fanoroho holiek-o,” ulug yig isebag.

Lukas 12:21

Yig epahon etno At Yesusen yig isaruk wilil, “Ari halug, it aphe At Allah il fam inaharek eleg neken werehon epmano inonggarehen yi angge di angge anggolo ombataruk oke, ariroho-at waratuk-o,” ulug At Yesusen yig isebag.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Lukas 16:22

Naruk iseheg, at Lazarus etno bok welapareg, fobik waratuk apagma, it malaikaren walug, esoho etno nawag ulug At Allah ambeg imbik lahabag-o. Imbik lahabagma, boholma epmano wereg heheg, eke fobik at ap aharek werehon etno warapag-o. Waratuk apagma, ebe kweanma salepfebag-o.

Lukas 16:25

at Abraham etnowen yig ituk wilil, ‘Namloho-o, hat hiluk wilil, yi angge di angge fanowon epmano obog seneg wereg heyeheg, at Lazarus yi angge di angge dahon obam welatisi etno hag, kidia hat o hondok olokma wereg heyeheg, at Lazarus duma wilil, ahientoho ninim welahe ari hindi eberin-o.

Lukas 22:29

Eke fobik An Niknien it aphe obog Inowe suon welamag ulug minduhup nahaku etno hag, hit suon welamag ulug minduhup hisahakukmu,

Lukas 6:20

Eke fobik At Yesusen omini epmano yet isaruk apareg, yig isaruk wilil, “Hit kidia hinaharek elehon halug, wa. At Allah weregmen hiren angge ulug og hisahu-o.

Yohanes 7:48

Eke ari halug, it ninowesi etno misig inim, eke it Farisi ap etno misig inim At obam ebetukmu isaruk atikip ano? Ari eleg-o.

Kisah Para Rasul 7:2

Hinog waruk apagma, at Stefanus etnowen yig isaruk wilil, “Niknisi, nomini-o, hit an nune holtuk amiek-o. At ninetamu Abraham etno o Haran wariog ulug o Mesopotamia weregma,

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

1 Korintus 2:9

Eke wene misig du Alkitab fam weregma yig nisaruk wilil, “It aben inilanggen haruk apag fuhon etno inim eke inesanggo holtuk apag fuhon etno inim eke inindi ebetuk apag fuhon etno inim, At Allahen nit aphe At obam hinindi hunduhuk welaheon etno og nisiog ulug dugsoho ninombisahabag-o.”

2 Korintus 4:15

Eke yi wene di wene ihion ari, hit hinake-at ariroho seg atuk-o. Eke ari ilitoho At Allahen ninabua nisarukon wene etno it aphe obohen nin bilin weheg, it aphe nin fobik weheg eberoko waruk amuhupseg, At Allah inuk suontepfuruk wilil, wa ulug uruk amuhup-o.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

Efesus 1:18

Eke hit fanoroho hinindi ebetuk hisalug, fano hinabiog ulug wol hisarision etno inim, eke At udaki ahien inobam umburuk wilil, og hisahuk ulug abug yig hisarision etno inim,

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

1 Tesalonika 2:12

Eke hinesanggo wareheg, eke yonggon hinabeheg suruk wilil, At Allahen an weregma ninim suon welamuhuken ulug wol hinaptuk-o ulug ariroho yig hisaruk wilil, At Allah ahien hisawagsoho hit Allah wene etno ilitoho suruk amiek-o, ulug yig hisaruk atukuk-o.

2 Tesalonika 1:5

Eke it ninen dahon etno hinobam umburukmu fanoroho welahep etno fam fobik onggo At Allah weregma-at kuhup-o. Eke ari fam At Allahen aphe ninaren baltug demat oag del ninaptuk ulug ninahla buruk ahe-o.

1 Timotius 6:18

Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

2 Timotius 4:18

Eke it apheyen dahon epmano nobam umburukmu At Allahen nili waruk aruhu-o. Nili waruk aruhureg, boholma At wereg ambeg epma nombahaku-o. Ari halug At inuk-at nintul nantul suontepfuruk amuk-o, ulug an demat yig hisaruk ahi-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 11:26

Ariroho ahla buruk wilil, an At Kristus ahurumbik etno waruk nealug, inune dahon nobam umbuk ari fano oke, eke it Mesir ap epmano inaharek obog holao ari hai-o, ulug ahla buruk wilil, fobik At Allahen og umon etno aso welapag-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

Yakobus 1:16

Nomini, hit fikfag hinindi ebetuk amiek-o.

Yakobus 1:19

Nomini nindi hunduhukon wai. Hit kidia an yig hisaminon etno hinindimu fikfag ebetuk amiek-o. Ari ninesanggo holtukon etno hag, dulum neken ninesanggo holtuk amuk-o. Eke ninune uruk aheon inim, ninasine haruk aheon inim hag orog-at uruk amuk-o.

Yakobus 1:9

Eke at ninomin aharek elehon etno At Allahen yi angge di angge og ituk halug, indi ahien hawag-o.

1 Petrus 1:4

Nit ninebe ketoho ninombisahiog ulug weregma, fobik fanowon etno At udaki og nisahu ulug ninindi ebetuk ahe-o. Og nisahuon etno dag atlug, eleg am nowen ulug, o boholma dugsoho umburuk-o.

2 Petrus 1:11

Yi wene di wene yig hisihion epmano obog hiniluk weregma, an ninim nintul nantul dahagsoho yig hisaruk amuhuk-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.

Wahyu 3:18

Ari halug, hiren suruk amag ulug yig hisamin-o, hina­harek epmano wereg amag ulug emas olohore fanowon etno onggo bal simiek-o. Eke hinebe hineabie-at wilil hinenggali haruk ahebon etno eleg amag ulug hinasum huluon onggo bal salug wan simiek-o. Eke hinilanggen buhon ari fenggen amag ulug, minyak ambusu etno onggo bal salug are simiek-o.