Yakobus 2:25 - Allah Wene Hurumbik Keron

²⁵ Eke bilin hwe inuk Rahab inilag warukon etnowen suruk apahon etno hinindi ebetuk amiek-o. At hwe etnowen it Yahudi ap lahap isebahon etno heahi war inaptuk apareg, kwalem werlekke wilip amag ulug yanggul isaruk apagma, At Allah ahien obam embebag-o, ulug ari fam hit hinindi ebetuk amiek-o.

Yakobus 2:25 ပူးပေါင်းရင်းမြစ်များ

Matius 1:5

At Salmon uhwe Rahab etnowen amloho Boas endepag. At Boas uhwe Rut etnowen amloho Obed endepag. At Obed etnowen amloho Isai endepag.

Matius 21:31

Ari halug, it biren ariroho ebahon etno at sa hag iniknien yig isebahon etno ilitoho sebag buruk ahep-o?” ulug At Yesusen yig isaruk apagma, eke it etnowen yig ituk wilil, “At owe etno hag ilitoho sebag buruk ahe-o,” ulug yig epag. Yig ituk apagma, eke At Yesusen yig isaruk wilil, “Ari halug, Anden yig hisamin-o. It ap uang onggo kino urukon etno inim, eke it hweap yuhun-at wanggik surukon etno inimen hit hinebe fobiksep hisahalug, it dag bilin o Allah wereg ambeg epmano kuhup-o.

Kisah Para Rasul 17:7

at Yasonen ninim nohulen ulug wol inaptisimu inim welatusa. Inim welatuson etanowen-at Kaisar une sahaltuk wilil nit Ninowe ari Yesus at-o ulug uruk-o,” ulug yig isaruk atusama,

Ibrani 11:31

Eke at hwe misig yuhun-at wanggik surukon inuk Rahab etno indi demat ulug ebetuk wilil, it ap o inilanggen wenahik wapahon epmano inaohi esag inapag etno fam, it aphe Allah wene inesanggo holtuk apag fuhon epmano inim war inaptuk wilil, at hwe etno hag sohorep isebag.

Yakobus 2:18

Eke at ap misihen uruk wilil, “An hag Allah wene fanoroho suruk ahion-o, hat hag huneyen-at Allah wene waruk ahen-o,” ulug yig nitlepmen eke anden ap etno yig ituk wilil, “Ap misig uneyen Allah wene urukon oke, ilitoho suruk eleg wilil, keroho neken yuhun-at wereg-o. Eke yi angge di angge fanoroho surukon etno fam it aphe obohen, ap du Allah wene demat uruk-o, ulug yig imuhup-o,” ulug anden yig itle-o.

Yakobus 2:22

Eke at Abraham ariroho waruk wilil, Allah wene weheg, eke ilitoho seheg suruk apag etno fam, alem neken Allah wene waruk apareg wilil, enggabuk neken ilitoho sebag-o, ulug aren ariroho sebahon etno fam yig nisaruk-o.

Yakobus 2:24

nit kidia bilin Allah wene weheg, fobik ilitoho seheg suruk nisalug, At Allahen ahien ninobam umbuhu-o; eke bilin Allah wene waruk wilil, fobik ilitoho sukon etno sohorep iseheg suruk nisalug, At Allah ahien ninobam umbuhu fug-o.