Yakobus 2:21 - Allah Wene Hurumbik Keron

²¹ Eke bilin at ninetamu Abraham etno keroho surukmu At Allah ahien obam embebag ulug buruk ahen fug ano? Ari at Abraham etnowen amloho Ishak etno Allah ake waroko imbiog ulug sebag etno fam At Allah ahien obam embebag-o.

Yakobus 2:21 ပူးပေါင်းရင်းမြစ်များ

Matius 12:37

Eke hinuneyen irikibon epmano fam hit hinaren baluhu-o. Hinune dahon irikibon halug, hit o dagma hinombisahaku-o; eke hinune fanowon irikibon halug, hit fanoma hinombisahaku-o,” ulug yig isebag.

Matius 3:9

Eke hiren at Abraham ninikni wereg ulug hinahla buk fug-o. At Alla­hen helep du famen Abraham udaki endag inabukon iluk-o.

Lukas 1:73

Yig isaruk apareg, eke at ninetamu Abraham etno yig ituk wilil,

Lukas 16:24

Isaruk apareg, une suon yig isaruk wilil, ‘Nikni Abraham wai. Hahmu niyimin-o. An kidia o hondokma duma wilil olok anggolo haruk ahi du, at Lazarusen inggik dum fam ik yuhuloko nambilik sako ukagsoho nelma belapfik ambik wamagsoho yig imin-o,’ ulug uruk apagma,

Lukas 16:30

eke at ap aharek welapahon etnowen yig ituk wilil, ‘Eleg-o, nikni Abraham wai. Holal ari fam inesanggo holuhup fug-o. At ap waratision misig iluksoho minatlug yig isa watlepmen, it dag surukon epmano sohorep iselep-o,’ ulug yig epag-o.

Yohanes 8:39

Ariroho yig isaruk apagma, eke it etnowen yig ituk wilil, “Nit ninetamu ari at Abraham at-o,” ulug yig ituk apagma, eke At etnowen yig isaruk wilil, “Hit hinebe at Abraham etamuki demat welatlepmen, aren sebahon etno ilitoho selep-o.

Yohanes 8:53

Ari halug, at ninetamu Abraham warapahon etno doron, An suon ulug suontepataruk ahen ano? Eke it nabi ap obog warapag etno fam, Haren An-at ulug uruk ahen ari, sa ulug uruk ahen-o?” ulug yig epag.

Kisah Para Rasul 7:2

Hinog waruk apagma, at Stefanus etnowen yig isaruk wilil, “Niknisi, nomini-o, hit an nune holtuk amiek-o. At ninetamu Abraham etno o Haran wariog ulug o Mesopotamia weregma,

Roma 3:20

Eke wene duroho suruk amuk eke duroho suruk am fug ulug ebahon etno ilitoho suruk ari fam ap misig At Allah il fam alem dahon obam werehon epmano elehepfuhu fug-o. Eke wene duroho suruk amuk eke duroho suruk am fug ulug ebahon etnowen it aphe obog dag suruk-o, ulug bukaloko yig nisaruk-o.

Roma 4:1

Eke at ninetamu Abraham etno keroho welapag ulug uruk amuk-o?

Roma 4:12

Eke it iniyunggul ambilik balehon etno ari fam at Abraham ninikni ulug wereg eleg-o. Eke at ninetamu Abraham iyunggul ambilik awan baleg eleg wilil At Allah obam ebetuk apag etno hag, it iniyunggul ambilik balehon epmano At Allah obam ebetuk isalug, at Abraham ebe inikni neken wereg-o.

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

Ibrani 11:17

Eke At Allah etno indi demat ulug ebetuk halug, At Allahen aren baliug ulug yig ituk heheg, at Abraham etno amloho Ishak Allah ake waroko imbiug ulug sebag-o. Eke at Abraham etno bilin At Allahen hudaki hetamuki anggolo og hiruhuk ulug hurumbik yig epahon oke, at amloho misig-at endepahon etno Allah ake imbiug ulug sebag-o.

Yakobus 2:18

Eke at ap misihen uruk wilil, “An hag Allah wene fanoroho suruk ahion-o, hat hag huneyen-at Allah wene waruk ahen-o,” ulug yig nitlepmen eke anden ap etno yig ituk wilil, “Ap misig uneyen Allah wene urukon oke, ilitoho suruk eleg wilil, keroho neken yuhun-at wereg-o. Eke yi angge di angge fanoroho surukon etno fam it aphe obohen, ap du Allah wene demat uruk-o, ulug yig imuhup-o,” ulug anden yig itle-o.

Yakobus 2:24

nit kidia bilin Allah wene weheg, fobik ilitoho seheg suruk nisalug, At Allahen ahien ninobam umbuhu-o; eke bilin Allah wene waruk wilil, fobik ilitoho sukon etno sohorep iseheg suruk nisalug, At Allah ahien ninobam umbuhu fug-o.