Yakobus 2:20 - Allah Wene Hurumbik Keron

²⁰ Eke hat hebe Allah wene uruk ahenon oke, ilitoho suruk ahen fug ari, urunangge neken suruk ahen-o. Allah wene waruk wilil oke, ilitoho suruk eleg isalug ari, Allah wene waruk elehon neken wereg etno hat hapeleg ano?

Yakobus 2:20 ပူးပေါင်းရင်းမြစ်များ

Roma 1:21

Eke it aphe epmano At Allah iniluk wilil oke, ari At Allah at-o, ulug At inuk suontepfeheg, eke wa ulug yig ereheg suruk eleg-o. Ariroho suruk eleg wilil, inindi eleg neken atlug o hubanggo neken inapelegsoho wereg-o.

Roma 3:28

Eke ari fam, ap misig At Yesus obam ebetuk halug, etno fam At Allahen alem dahon obam werehon epmano elehepfuruk-o. Eke wene duroho suruk amuk eke duroho suruk am fug ulug ebahon etno ilitoho surukon etno fam alem dahon obam werehon etno elehepfuruk eleg-o.

Roma 9:20

nomin, hat At Allah wene onggo yig ituk ahen du, hat hebe kerohon welahen-o? Eke sohorluk kwean kabohon etnowen at ap sohorluk haloko umburukon etno yig ituk wilil, “An duroho welahi du hat keroho ulug seko nombaharikin-o?” ulug hinog wao ari mondog hai-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Galatia 6:3

Eke ap kimbuangge misig etnowen an suon welahi ulug ahla buruk halug, onggarehen urunanggerepataruk-o.

Kolose 2:8

Eke ap misihen hinindi kahaltuk wilil, hiren angge wene etno diloko wak waharukim ulug hinindi yaharoho welamiek-o. Eke it apheyen yi angge di angge inahla burukon epmano inim, eke ari walhan ulug urukon etno inim obog-at yig hisaruk wilil, hinindi kahaluk nowen ulug At Kristus obam ebetuk wilil, awene etno-at waruk amuhup-o.

1 Timotius 1:6

Ariroho yig nisebahon oke, eke it ap ninen sohorep isalug, yi wene di wene ebe eleg atukon etno uruk wilil,

Titus 1:10

Eke it nin hag, inindimuen an suon ulug buruk wilil, an-at niluk-o, ulug yig iseheg, eke it aphe nin inindi kahaleheg suruk-o. Eke it bilin Yahudi ap wela­pahon epmano ariroho suruk-o.

Yakobus 1:26

Eke ap misihen, an Allah wene fano-at waruk ahion welahi-o, uruk halug, at ap etnowen dahon nobam denggelepatihi ha nowen ulug, ambilik fam urukon etno fikfag yaharoho welamag-o.

Yakobus 2:17

Ari Allah wene hinambilik selema-at uruk wilil, ilitoho suruk eleg hisalug, ap warehonen yi angge di angge suruk eleg etno hag wilil, Allah wene waruk ahep-o.

Yakobus 2:26

Eke ap misig ebe wereg oke, ahut eleg halug, warehon neken wereg etno hag, eke ap misig Allah wene warukon oke, wene atog ilitoho suruk eleg halug, warehon neken wereg-o.