Yakobus 2:11 - Allah Wene Hurumbik Keron

¹¹ Eke wene misig ari, “Hwe ap uhweon diloko wa fug-o,” ulug yig nisaruk wilil, eke “Ap wabuk fug-o,” ulug inim-at yig nisaruk-o. Eke ap uhweon diloko waruk eleg wilil, ap watuk hisalug wene duroho suruk amuk eke duroho suruk am fug ulug ebahon etno obog-at dahap suruk ahep-o.

Yakobus 2:11 ပူးပေါင်းရင်းမြစ်များ

Matius 19:18

Yig ituk apagma, at etnowen yig ituk wilil, “Wene duroho suruk amuk eke duroho suruk am fug ulug ebahon etno ari nongge wene farim ehen-o?” ulug hinog waruk apagma, At Yesusen yig ituk wilil, “Ap wabuk fug-o. Eke hwe ap uhweon diloko wa fug-o. Eke hinalomnangge herahuk fug-o. Eke hinenggal wene ap inobam denggeluk fug-o.

Markus 10:19

Ari halug, wene duroho suruk amuk eke duroho suruk am fug ulug ebahon etno hiluk-o. Ap wabuk fug-o. Eke hwe ap uhweon diloko wa fug-o. Eke hinalomnangge herahuk fug-o. Eke hinenggal wene ap inobam denggeluk fug-o. Ariroho suruk imbisalug hiniknisi hinisasi inune-at fanoroho holtuk wilil, suontep isaruk amuk-o,” ulug yig epag.

Lukas 18:20

Ari halug, wene duroho suruk amuk eke duroho suruk am fug ulug ebahon etno hiluk-o. Hwe ap uhweon diloko wa fug-o. Ap wabuk fug-o. Eke hinalomnangge herahuk fug-o. Eke hinenggal-at wene ap inobam denggeluk fug-o. Ariroho suruk imbisalug, hiniknisi hinisasi inune-at fanoroho holtuk wilil, suontep isaruk amuk-o,” ulug yig epag.

Roma 13:9

Eke wene duroho suruk amuk eke duroho suruk am fug ulug ebahon etno yig nisaruk wilil, “Hwe ap inuhweon diloko wa fug-o, eke ap wabuk fug-o, eke yi angge di angge hinalomnangge herahuk fug-o, eke ap inaharek epmano hulik ulug hinahla buk fug-o, ulug ariroho komo yig nisebahon etno alem neken wene misig du wereg-o, eke hit hinebe hinonggarehen hinabua saruk ahep etno hag, it hinomini hinim welahebon epmano fanoroho inabua suruk amuk-o,” ulug yig nisaruk-o.