Yakobus 1:9 - Allah Wene Hurumbik Keron

⁹ Eke at ninomin aharek elehon etno At Allahen yi angge di angge og ituk halug, indi ahien hawag-o.

Yakobus 1:9 ပူးပေါင်းရင်းမြစ်များ

Lukas 1:52

eke it ap inowe suon neken minduhuk werehon epmano horiep iseheg, eke it inonggarehen seberepatarukon lehep iseheg suruk-o.

Lukas 10:20

Eke it setanen hinune holtukon ari fam hinahien haruk am fug-o. At boholmen hininuk holal imbirision etno fam hinahien haruk amuk-o,” ulug yig isebag.

Lukas 14:11

Eke it aphe inonggarehen suontepatarukon halug, seberep isahu-o. Eke it inonggarehen seberepatarukon halug, suontep isahu-o,” ulug yig isebag.

Lukas 9:48

yig isaruk wilil, “It udag nin ariroho-at An ninuk baloko og inaptuk amuhupseg, heahi war inaptuk hisalug, An nebe-at og nabuhup-o. Eke An nebe og nabuhup halug ari, At lahap nabik waharision etno At wahup-o. Eke ap misig hinanggelegmen seberepataruk halug, fobik suon welaruhu-o,” ulug yig isebag.

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

Filipi 3:14

Ariroho suruk wilil, onggo fanowon etno huliog ulug bikit-at laruk ahi-o. Ariroho laruk ahi ari, At Allahen onggo fanowon etno og hisahuk ulug wol nisaruk etno fam laruk ahi-o. Eke onggo fanowon ari, At Kristus Yesus ninonggo balfag etno fam boholmen ninim niniluk welamon etno og nisahu-o.

Filipi 3:3

Eke nit hag Roh Kudus etno fam At Allah inuk weheg, eke At Yesus Kristus ninim wilil ninahientoho welaheg suruk ahe fam nit hag niniyunggul ambilik baleg neken welahe-o. Eke it iniyunggul ambilik balehon epmano inenggal-at wereg-o. Eke nit hag yi angge di angge nininggiken surukon epmano fam ninili wahu fug buruk ahe-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.