Yakobus 1:25 - Allah Wene Hurumbik Keron

²⁵ Eke wukahi fam ninahut wenaharuk ahe etno hag, wene duroho suruk amuk eke duroho suruk am fug ulug ebahon etno fam, hinindi werehap hisaharukon etno-at wenag haruk wilil, ilitoho suruk amiek-o. Eke wene etno nintul nantul hinesanggo holtug oke, eberoko weheg eleg-at hinapeleg atuk ari hai-o. Wene duroho suruk amuk eke duroho suruk am fug ulug ebahon etno ilitoho suruk nisalug, At Allah ahien ninobam umbuhu-o.

Yakobus 1:25 ပူးပေါင်းရင်းမြစ်များ

Lukas 11:28

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.

Yohanes 13:17

ulug Anden wene demat uruk amon etno yig hisaruk ahimu, arat hiniluk aha-o. Hit yig hisihion etno hiniluk wilil, ilitoho suruk amuhup fam hinahien hahup-o.

1 Petrus 2:16

Eke hit Allah anggimbu wilil, ap inindi werehonen fanoroho suruk etno hag suruk amiek-o.

Yakobus 2:12

Eke At Allahen oag del ninabuhuon etnowen nit kimburep nisahuk nowen ulug, hit hinune eheg, yi angge seheg, di angge seheg fanoroho-at suruk amiek-o.

Galatia 5:1

Nit ninebe seberoho neken welamon etno sohorep isalug, arat ninili ohowon welahe-o. Eke At Kristusen ninili warisi-o. Eke ari halug, ap inili ohowon neken minduhuk welamuk-o. Ariroho wilil, nin fobik inim seberep hisahuk nowen ulug yaharoho welamuk-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

1 Timotius 4:16

Eke hat hag, aphe wene yanggul isaruk wilil, fano-at yanggul isaruk ahi ano, ulug honggarehen hindimu ebet saruk amin-o. Ariroho suruk wilil, hat hili holeheg, eke it hat hune inesanggo holtukon epmano inili weheg suruk aruhun-o.

2 Korintus 13:5

Eke hit hag, nit demat Yesus obam ebetuk ahe ano ulug hinonggarehen hinahla buruk wilil, hinaren bal saruk amuk-o. Eke hit hinobabut dag suruk eleg hisalug, At Kristus Yesus hinindimu wereg etno hit hinapelehen suruk ahep ano?

Roma 11:22

Eke ari halug, At Allahen it nin ahmu iseheg, it nin ambit iseheg surukon epmano hinindi ebetuk amuk-o. Eke it bule amburuson epmano ambit isaruk wilil, hit hag ahmu hisarisi-o. Eke Aren ahmu hisaruk heheg, hiren fanoroho obam ebetuk eleg hisalug, yumbuksoho sohorep hisahaku-o.

Roma 8:15

Eke Roh Kudus At Allahen og hisarision etnowen hit hinebe anggimburep hisaharuk wilil, hinakoltep hisaharuk eleg-o. Eke At Roh Kudusen hinebe At Allah udaki welamag ulug hinombisaharukon etnowen yig hisarukmu, At Allah obam (Aba) Ninikni ulug yig ituk ahe-o.

Galatia 2:4

Eke it ninen inenggal-at iyunggul ambilik balukag ulug uruson epmanowen nit Allah wene waruk aheon at-o, ulug it Allah udaki epmano inim herako neken dambuk atusa-o. Eke it dambuk atuson epmano inilanggen yenal wuog ulug kik waharusareg, it ap du Kristus wene waruk wilil, it Yahudi aben ariroho siuk ulug wene ebahon etno ilitoho suruk eleg ari keroho ulug suruk-o, ulug ninebe it inanggimburep nisahuog ulug waharusa-o.

Yohanes 8:36

Eke An Allah Amloho etnowen hele hibiloko hinombisaharuk nealug, hit hinebe ap yi angge di angge unde wereg ilitoho welamuhup-o.

Wahyu 14:13

Uruk atisimu, eke fobik boholmen une misig uruk wilil, “It At Ninowe eyabuk suruk atlug war amuhubon epmano fobik inahien hahup-o,” ulug at une etnowen yig nituk atisimu, eke At Roh Kudus etnowen uruk wilil, “Demat-o, it Allah yabuk fanoroho suruson halug, onggo og isaruk aruhumu, fanoroho wilil, kelsaruk amuhup-o,” ulug yig nitukmu, nesanggo holtikik-o.

1 Timotius 2:15

Ari halug, it hweap epmano inindi seberoho wilil, Allah wene eberoko weheg, eke aphe inim inindi hunduhuk welaheg, eke fanoroho seheg suruk wilil, inudaki endag inaptukmu, fobik inili wahu-o.

Roma 7:12

Ariroho sirision oke, wene duroho suruk amuk eke duroho suruk am fug ulug ebahon etno akeleg neken og nisebareg fam, wene komo yig nisebahon etno moron fanowon-at wereg-o.

Kisah Para Rasul 26:22

Ariroho suruson oke, eke At Allahen nili oko ninim weregma, o yoho du fam hit suon inim, doron inim, obog-at nawene yig hisaruk ahi-o. Eke anden yig hisaruk ahion etno hag, it nabi ap inim, eke at Musa inimen hurumbik yig nisaruk wilil,

Kisah Para Rasul 13:43

Yig isaruk apareg, it aphe nin wilip atuk iseheg, it nin Yahudi ap inim, eke it Yahudi aben wene yig isarukmu, warukon epmano inim, it Paulus Barnabas inombolim lebag. Laruk apagma, it mondep isebahon epmanowen yig isaruk wilil, “At Allah hinabua hisarukon awene etno eberoko waruk amiek-o,” ulug inesanggo wapag.

Ibrani 12:15

Eke hit obog At Allahen hinabua hisaruk heheg, at misig nambit ulug wilip am nowen hit hit hinesanggo war war uruk amuk-o. Eke hit e bim engga fag halug olok haruk ahep etno hag, at hinomin misig indi minduhukon halug, hit obog hinindi olok am nowen hit hit hinindi ayeg war war uruk amuk-o.

Kisah Para Rasul 2:42

Eke ikma belap inapahon epmano inindi misig-at weregma, At Yesus omini mondep isebahon epmanowen inim dambuksoho wilil, Allah wene yig iseheg, orom nenggeg, sembahyang eheg, suruk apag.

Wahyu 22:14

Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.

1 Yohanes 2:24

Ari halug, bilin yig hisebahon etno-at hinindimu ebeberiuk-o. Ebetuk hisalug, At Yesus Ikni Allah hinim dambuksoho welamuhup-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Roma 2:13

Eke wene duroho suruk amuk eke duroho suruk am fug ulug ebahon etno inesanggo holtuk isalug-at, ari fam At Allahen alem dahon inobam werehon epmano elehepfuhu fug-o; wene duroho suruk amuk eke duroho suruk am fug ulug ebahon etno ilitoho suruk isalug hag, At Allahen alem dahon inobam werehon epmano elehepfuhu-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

Galatia 6:2

Eke yi angge di angge angginon hinobam werehon epmano hit hit yalmag yalmag suruk amuk-o. Ariroho suruk wilil, bilin At Kristusen yig hisebahon etno ilitoho suruk amuhup-o.