Yakobus 1:22 - Allah Wene Hurumbik Keron

²² Eke Allah wene etno hinesanggo holtuk wilil, arat holehe-o, ulug sohorep isa fug-o. Sohorep isaruk eleg wilil, wene holtuk ahebon etno ilitoho suruk amiek-o.

Yakobus 1:22 ပူးပေါင်းရင်းမြစ်များ

Matius 12:50

It aphe An Nikni boholma werehon etnowen une yig isarukmu inesanggo holtukon halug ari, An nomini nisina nosi-at wereg-o,” ulug yig isebag.

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Lukas 11:28

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.

Yohanes 13:17

ulug Anden wene demat uruk amon etno yig hisaruk ahimu, arat hiniluk aha-o. Hit yig hisihion etno hiniluk wilil, ilitoho suruk amuhup fam hinahien hahup-o.

Roma 2:13

Eke wene duroho suruk amuk eke duroho suruk am fug ulug ebahon etno inesanggo holtuk isalug-at, ari fam At Allahen alem dahon inobam werehon epmano elehepfuhu fug-o; wene duroho suruk amuk eke duroho suruk am fug ulug ebahon etno ilitoho suruk isalug hag, At Allahen alem dahon inobam werehon epmano elehepfuhu-o.

1 Korintus 15:33

Ari halug, eke hit hinindi kahalik wam nowen-o. Eke wene dahon epmano mutlug laruk nisalug, ninobabut fanowon epmano mondog eleg aruhu-o.

1 Korintus 3:18

Eke hit hinonggareg hinune hinenggal-at hinobam ombataruk am fug-o. Eke ap misig hit hinim welahebon etnowen, “Ap o kweanma nindi werehon an-at welahi-o,” ulug indimu ebetuk halug, ap etno demat indi wereg amag ulug bilin ebe kimbu neken welamag-o.

1 Korintus 6:9

Eke it aphe dag surukon epmano fobik At Allah weregma lahup fug etno hit hinapeleg ano? Hinindimuen hinenggal-at ebetuk am fug-o.

Galatia 6:3

Eke ap kimbuangge misig etnowen an suon welahi ulug ahla buruk halug, onggarehen urunanggerepataruk-o.

Galatia 6:7

Eke wene inenggal urukon etno mutlug la fug-o. Eke hiren suruk ahebon epmano hinenggal-at Allah yig ituk hisalug, Aren demat ulug ahla buhu fug-o. Eke at ap misig aren yag sarukon epmano-at bal sahu-o. Eke it inindien dag surukon epmano-at i neken yag sahup halug, o dagma welamon etno anggen neken bal sahup-o.

Filipi 4:8

Eke yi angge di angge fanowon inim, eke ari suk fano ulug urukon etno inim, eke demat urukon etno inim eke fanoroho surukon etno inim eke motoho surukon etno inim eke sabele elehon etno inim eke ninindi hunduhuk welamon etno inim eke it apheyen ari fano ulug suontepfukon etno inim eke yi angge di angge arion-at huluog ulug hinindi ebetuk amuk-o.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.

2 Timotius 3:13

Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

Titus 3:3

Eke nit bilin ariroho-at urunanggeroho wilil, ninik­nisi inune holeheg eleg-at dag suruk atukuk-o. Eke nit ninin­dien-at yi dag di dag suruk atukuk-o. Eke nit nambit ham­bit uruk wilil, niren it aphe ninambit hun inabeheg, eke it apheyen nit inambit hun ninabeheg suruk atukuk-o.

Yakobus 1:26

Eke ap misihen, an Allah wene fano-at waruk ahion welahi-o, uruk halug, at ap etnowen dahon nobam denggelepatihi ha nowen ulug, ambilik fam urukon etno fikfag yaharoho welamag-o.

Yakobus 4:11

Nomini-o, hat misihen homin misig obam denggeleheg, eke hat misig homin misig obam denggeleheg ari suruk am fug-o. Eke homin misig hinune dahon obam umburuk wilil, obam denggeltuk hisalug, wene duroho suruk amuk eke duroho suruk am fug ulug ebahon wene etno inim-at obam denggeltuk ahep-o. Eke wene duroho suruk amuk eke duroho suruk am fug ulug ebahon wene etno obam denggeltuk wilil, wene ebahon etno hinesanggo holuk sohorep isalug, hinapma umburuk ahep oke, eke komo yig nisaruk wilil, ninaren baltukon ari At Allah-at wereg-o.

Yakobus 4:17

Eke ap misig fanoroho sukon etno iluk wilil oke, ilitoho suruk eleg halug ari, dag-at suruk-o, ulug hinahla buruk wilil, hinesanggo fanoroho holtuk amiek-o.

2 Petrus 2:13

Eke it inenggal wene urukon epmanowen aphe inambolma dahaltuk isalug, o dagma-at imbisahu-o. Eke it dag surukon epmano inenggali eleg wilil, o kweanmen surukon epmano selegma-at suk inindi-o. It ariroho surukon etno hinim orom naruk wilil, hinenggali war hinaptuk-o.

1 Yohanes 1:8

Eke nit ninindi dahon eleg-o uruk nisalug, ninenggal neken uruk wilil, demat uruk ahe fug-o.

1 Yohanes 2:3

Eke At Allahen komo yig nisarukon etno suruk nisalug, At udaki-at welahe-o, ulug kidia niniluk atuk-o.

1 Yohanes 3:7

Nomini-o, at misihen hinindi kahaluk nowen-o. At Kristus obabut fano wereg etno hag, eke at misihen fano suruk halug, obabut fano wereg-o.

3 Yohanes 1:11

Nomin-o, it dag sil nurukon epmano inahengga senebuk fug-o. Fano sil nurukon epmano halug, inahengga seneriuk-o. Fanoroho surukon halug At Allahen angge-at wereg-o. Dag surukon halug, At Allah apeleg-at wereg-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 22:7

Yig nituk atisimu, eke At Yesusen uruk wilil, “Hit hinesanggo fanoroho holtuk amiek-o. An fobik wamon etno horog fanggog ehek-o. Anden holal baleg du fam hurumbik yig hisarikikon etno inesanggo holtukon halug, inahien hahup-o,” ulug irisi-o.