Yakobus 1:21 - Allah Wene Hurumbik Keron

²¹ Eke ari halug, hit hinobabut dag suruk ahebon epmano mondog seberoho imbisiek-o. Hit hinebe At Allah apma-at weregma, aren hinili wawon wene etno hinindimu og hisaruk halug, eberoko waruk amiek-o.

Yakobus 1:21 ပူးပေါင်းရင်းမြစ်များ

Matius 5:5

Eke hit hinindi misig-at welahebon halug, wa. O kweanma hiren angge-at aruhu-o.

Yohanes 6:63

Ari halug, iniluk inaptuk ari, At Roh Kudusen-at iniluk inaptuk-o. Eke hit ebe nawon etno-at hinahla buruk ahep du, we hai neken-at buruk ahep-o. Eke An wene yig hisihi etno At Roh Kudusen iniluk inaptukon etno farim-at yig hisihi-o.

Yohanes 6:68

Yig isaruk apagma, at Simon Petrus etnowen yig ituk wilil, “Ninowe-o. Nit sa ambeg lul-o? Hat wene niniluk welamon etno unde wilil, yig nisaruk ahen-o.

Kisah Para Rasul 10:33

hat hebe wamag ulug it etna hambeg yonggo lahap isarikik-o. Lahap isarikikmu, nomin, hat nea wahen ari fano. Eke kidia At Ninowe Yesus etnowen duroho yig isimuk ulug yig hitukmu, haren yig nisamihinon etno ninesanggo holtulen ulug At Allah il fam nit obog wonggaloko welahe-o,” ulug at Korneliusen Petrus etno yig epag.

Kisah Para Rasul 13:26

Ariroho yig isebag etno hag, eke kidia yig hisaruk ahi-o. Eke hit nomini Abraham etamuki inim, eke hit o duma Allah wene waruk ahebon inim obog-at yig hisamin-o. Wene ninili wawon etno nit-at yig nisaruk-o.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 11:17

Ariroho wereg ari ilitoho, e misig anggen fanowon yihirukon etno inggik nin yumbuksoho amburuk atusareg fam, at ap misihen e inggik werlekon anggen yihiruk elehon etno ubulukmu imbirisi-o. Eke e werlekon etno ilitoho hit bilin Allah wene hinapeleg welatikibon epmano welahep-o. Ari fam, it inubulukmu hit e fanowon etno fam hinombisaharisimu, e fanowon omanggen etnowen hinebe oag werehep hisahakeg, eke yi angge di angge hinahla laharuk wilil hinebe suontep hisahakeg suruk-o.

Roma 6:17

Eke hiren At Allah wa ulug yig ituk amuk-o. Eke hit o amuk at alem dag surukon etno anggimbu neken welatikibon oke, kidia wene etno warikipseg, wene demat yanggul nisarukon du ninesanggo holtug ilitoho-at suruk amuk-o, ulug hinahientoho ebetuk ahep-o.

1 Korintus 15:2

Eke hit hinindi ebetikibon ari werlek-at ebetikip fug-o. Eke ari halug, hit anden yanggul hisarikikon etno seneg wereg hisalug, At Allahen wene ari fam hinili og hinaptuk aruhu-o.

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

Efesus 4:22

Eke ari halug, hit bilin kwalem dahon etno laruk wilil, hinindi dahon wilil, hinebe dahapsarikibon oke, kidia hinobabut amukon etno obogsoho sohorep isiek-o.

Efesus 4:25

Eke ari halug, aphe hinenggal yig isawon etno dahon neken loloko imbiuk-o. Ariroho loloko umbulug, eke hit obohen hinomini wene demat yig isaruk amuk-o. Eke nit ninebe obog-At Kristus ebe misig-at welahe-o.

Efesus 5:4

Hiren At Allah akeleg-at wa ulug yig ituk amuk-o.

1 Tesalonika 1:5

Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.

1 Tesalonika 2:13

Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

Titus 2:11

At Allah indi hunduhuken og nisebahon etno it yi aphe di aphe inili wawag ulug selegma apag-o.

Ibrani 12:1

Eke nit hag, it aphe inindimu demat ulug ebetuk apahon epmanowen yig nisaruk isalug, ninonggarehen ninonggalem halepateheg, eke alem dag sukag ulug ninobam waharukon epmano elehepfeheg, eke ninonggalem yanggul nisebahon epmano ninahlahiroho laheg suruk amuk-o.

Ibrani 2:3

Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Ibrani 4:2

Eke bilin it Israel aphe Allah wene inesanggo holtuk apag etno hag, nit wene fano wene etno ninesanggo holtukuk-o. Eke iren wene etno inesanggo holtuk apareg oke, eberoko webag fug etno fam, wene yig isarukon-at oke, inindi mot apag fug-o.

Yakobus 4:8

Eke hit hinebe At Allah hinim welamuog ulug ambeg horogsoho laruk amiek-o. Hit dag suruk ahebon halug, hininggik sabele ho simiek-o. Eke hit hinune hinenggal-at uruk ahebon halug, sohorep isaruk amiek-o.

Yakobus 5:20

Eke hiren ap dahan fahan sil nurukon etno onggalem mot amag ulug indi werehap suruk hisalug, ap etno ebe ili oko aren yi dag di dag surukon epmano sohorep isalug, obam apelegsoho apma umbuhu-o. Eke ari halug, hit obog alem ari fam hinindi fikfag ebetuk amiek-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Petrus 1:9

fanoroho hinombisahukon etno hinindi ebetuk ahep halug, etno-at waruk ahep-o.

1 Petrus 2:1

Eke ari halug, it apheyen yi dag di dag surukon epmano seberoho sohorep isiek-o. Eke hinenggal urukon inim, nambit hambit urukon etno inim, aphe inobam denggeltukon epmano inim obog-at sohorep isiek-o.

1 Petrus 2:11

Nomini-o, hit o kweanma huso neken welahep ulug yig hisihi-o. Kweanmen surukon epmano hinindimu kuk nowen ulug yaharoho welamiek-o.