Yakobus 1:12 - Allah Wene Hurumbik Keron

¹² Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

Yakobus 1:12 ပူးပေါင်းရင်းမြစ်များ

Matius 10:22

Eke An ninuk waruk hisalug, it obohen inambit hisahup-o. Inambit hisahubon oke, eke hiren hinindi bugsoho welamuhup halug, fobik hinili og hinabu­hu-o.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Roma 5:4

Eke ninindi bugsoho welamon etno fam ninindi oag werehon etno og nisaruk-o. Eke ninindi oag werehon etno fam demat fanoroho ninombisahaku ulug ninahla bukon etno og nisaruk-o.

Roma 8:28

Eke it At Allah obam inindi hunduhuk werehon epmano it ninen yi angge di angge dahon inobam umburuk-at oke, At Allahen fano inabiog ulug-at suruk-o. Eke it Allah udaki ari, At Allahen ahla buruk apareg-at wol isebag-o.

1 Korintus 2:9

Eke wene misig du Alkitab fam weregma yig nisaruk wilil, “It aben inilanggen haruk apag fuhon etno inim eke inesanggo holtuk apag fuhon etno inim eke inindi ebetuk apag fuhon etno inim, At Allahen nit aphe At obam hinindi hunduhuk welaheon etno og nisiog ulug dugsoho ninombisahabag-o.”

1 Korintus 8:3

Eke at ap misig indi Allah inim hunduhuk wereg halug, At Allahen ap etno iluk wereg-o.

1 Korintus 9:25

Eke it obog inambik homagmag aptukon ari inoag wereg amag ulug fikfag suruk wilil, inunggulasum filik atukon epmano huluog ulug suruk oke, eke nit hag filik atuk elehon epmano huluog ulug suruk ahe-o.

2 Timotius 2:15

Eke At Allah hat yabuk fano suruk ahen ulug yig nemag ulug yabuk etno henggali elegsoho wilil suruk amin-o. Eke Allah wene demat ulug yig nisebahon etno fikfag aphe yanggul isaruk amin-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 10:32

Ari halug, hiren nit bilin ariroho welatukuk ulug hinindi ebetuk amuk-o. Eke o ari sambit At Allahen o seleg Aren angge etno og hisarisireg fam, it ninen dahon epmano hinobam umburuson oke, hinindi oag weregsoho-at welatikip-o.

Ibrani 11:17

Eke At Allah etno indi demat ulug ebetuk halug, At Allahen aren baliug ulug yig ituk heheg, at Abraham etno amloho Ishak Allah ake waroko imbiug ulug sebag-o. Eke at Abraham etno bilin At Allahen hudaki hetamuki anggolo og hiruhuk ulug hurumbik yig epahon oke, at amloho misig-at endepahon etno Allah ake imbiug ulug sebag-o.

Ibrani 12:5

Ariroho hinahla buruk atikip fuhon oke, At Allahen hit At udaki epmano hinindi oag weregsoho welamag ulug yig hisebahon etno hinapeleg atikip ano? Eke At Allahen yig hisaruk wilil, “Nudaki-o, Anden winimug hisaruk wilil, hinesanggo holukag ulug yig hisaruk ahion ari, hiren ari hai ulug hinambit nearuk wilil ebebuk fug-o.

Ibrani 6:15

Yig ituk apagma, at Abraham etno indi seberoho wilil, og umon etno aso weregma, At Allahen abug yig epahon etno arat og epag-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

Yakobus 5:11

It bilin inindi oag weregsoho welapag ari fam nit kidia it fano welapag ulug uruk ahe-o. Eke misig at Ayub etno hinindi eberiek-o. At ebe indi oag weregsoho welapareg fam, At Allah ninabua nisarukon etnowen fobik yi angge di angge anggolo og epag etno hiniluk-o.

1 Petrus 3:14

Eke fano suruk hisalug, it ninen dahon hinobam umburukmu, fanowon-at og hisahu-o. It aphe hinakol eleg wilil, hinindi seneni ebebuk fug-o.

1 Petrus 4:13

At Kristus welapag etno ilitoho atikipseg, hinahientoho wilil, fobik At ninim ilitoho suon amuhuk-o, ulug hinindi ebetuk amiek-o.

1 Petrus 4:14

Iren dahon hinobam umburuk ari, hit Kristus omini wereg hisalug ariroho suruk-o. Iren ariroho surukmu, eke hiren, At Roh Kudus suon etno nit ninobam belabik waharisi-o, ulug hinahientoho wilil hinindi ebetuk amiek-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

1 Yohanes 4:19

Bilin nit ninebe At Allah indi hunduhuk welapareg fam, eke ninim hunduhuk welahe-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.

Wahyu 3:19

Eke it aphe obog nindi hunduhukon epmano inonggalem mot amag ulug winimug yig iseheg, inesanggo wareheg suruk ahi-o. Ari halug, hinobabut fano amag ulug hiren dag suruk ahebon epmano sohorep isiek-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.