Wahyu 9:4 - Allah Wene Hurumbik Keron

⁴ Ariroho umburusa famen, isinggangge inim, e inim, engga werehon epmano inim naruk am fug-o; eke it aphe duma At Allahen angge ulug inilaho­ag fam holal elehon halug hinayeg bal inaptuk amiek-o, ulug yig isarusa-o.

Wahyu 9:4 ပူးပေါင်းရင်းမြစ်များ

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

Wahyu 14:1

Eke fobik an nilanggen haruk atikikmu, At Wam Domba Udag etno dom Sion etno fam minduhuk welatisi-o. Epma minduhuk wi­lil, it inebe seratus empat puluh empat ribu epmano At inuk inim, eke At Ikni inuk etno inim inilahoag fam holal baleg werehon epmano inim minduhuk weregma, an nilanggen isarikik-o.

Wahyu 6:6

Haruk atikikseg, nesanggo holtuk neyeheg, it inebe empat iniluk werehon inanggelegmen une misig uruk wilil, “Uang anggolo fam wirlin gandum dorat onggo balukon wereg-o. Eke e anggen ambusu etno inim, eke anggur ambusu etno inim dahapsuk fug-o,” ulug irisi-o.

Wahyu 7:1

Eke fobik it malaikat inebe empat etano o kweanma eng­gatgat femag femag minduhuk weregma isarikik-o. Isaruk neyeheg, iren hiahne inebe empat epmano kweanma inim, ikma inim, onggama inim fil ha nowen ulug senetusa-o.

Wahyu 8:7

Suruk atusama, at malaikat misig etno ambinggon uneap sirisi-o. Uneap suruk atisimu, osit haplanggen arikon etno inim, hondok ang­gen inim, mep inim obog-at dambuksoho kweanma belabik waharisi-o. Belabik waharuk atisimu, kweanmen o ahik biren sohorep isalug, misig hondoken obog narisi-o. Naruk wilil, e inim biren soho­rep iseheg, misig nenggeg sirisi-o. Suruk wilil, isinggangge obog narisi-o.