Wahyu 9:20 - Allah Wene Hurumbik Keron

²⁰ Waratuk atusama, eke it nin iniluk welatuson epmanowen du Allah ilitoho ulug ininggi­ken haloko umburuson etno sohorep isarusa fug-o. Sohorep iseheg eleg wilil, iblis iren angge emas, perak inim, eke helep e inim fam halehon etno inilanggen wereg oke, yet isaruk elehon, ine­sanggo wereg oke holtuk elehon, iniog wereg oke laruk elehon epmano-at obam inindi ebetusa-o.

Wahyu 9:20 ပူးပေါင်းရင်းမြစ်များ

Matius 21:32

Eke at Yohanes aphe ikma belap inaptukon etno hinambeg waharuk apareg, kwalem moron etno lawag ulug yig hisebahon oke, hiren demat yig nisehek ulug hinindi ebetikip fug-o. It ap uang onggo kino urukon etno inim, eke it hweap yuhun-at wanggik surukon etno inim hag, demat yig nisaruk ulug inindi ebetusa-o. Ariroho ebetuson etno hit hinilanggen isaruk atikibon oke, hiren fobik demat yig nisaruk ulug hinindi ebebuk sohorep isalug, we yuhun-at welatikip-o,” ulug yig isebag.

Kisah Para Rasul 17:29

Ariroho yig hisarusa halug, nit At udaki wilil, At Allah ebe emas hahon, perak hahon, helep hahon, it ap inindi enggaronen walsuruk etnorohon wereg ulug hinahla buk fug-o.

Kisah Para Rasul 19:26

Eke kidia at Paulus etnowen yig isil larukon etno hiniluk-o. At Paulus etnowen yig isaruk wilil, ‘Aphe ininggiken waltehon ari Allah ebe fug-o,’ ulug yig isarukmu holtikip-o. Eke aren ariroho yig isarukmu, it aphe o Efesus duma, o Asia obog wene etno eberoko waruk atusa.

Kisah Para Rasul 7:41

fobik iren-at wam sapi misig emas fam ilitoho minduhupfuruk apareg, obam sembahyang uruk wilil, inonggarehen haloko embebahon etno inahien haruk apag.

2 Korintus 12:21

Eke an fobik hinambeg waruhukseg fam At Allahen hit hinanggelegma epmen seberep nahaku ari nambit-o. Eke it ap nin hinanggelegma werehon epmano bilin dag suruk wilil, wanggik seheg, eke dahan fahan seheg suruk atuson epmano sohorep iseheg eleg-at wereg isalug an ioba yaruhuk ari nambit-o.

1 Timotius 4:1

At Roh Kudusen duroho ulug bukaloko yig nisaruk-o, eke fobik it ap ninen Allah wene demat urukon etno seberoho umbulug, it setanen inenggal wene urukon etno yanggul isaruk amuhup-o.

Wahyu 15:1

Eke fobik boholma nilanggen lahap haruk atikikmu, it malaikat inebe sabiren angge inasine werehon epmano weregma nilanggen isarikik-o. Nilanggen isarikikon ari, At Allahen aphe war inabukon etno atog neken-at war inabuog ulug surusa-o.

Wahyu 16:8

Holtuk atikikseg weregma, eke fobik at malaikat misig etno larisireg, ahik oag fam honanggowon etno mo fam deloko belabik waharisi-o. Belabik waharuk atisimu, aphe inobam mo olok imbiug ulug sirisi-o.

Wahyu 9:19

Wilik waharuk atisimu, hondok ambulpul inim, hubu inim, hondok anggen inim etnowen inarisimu, aphe anggolo waratusa-o.

Wahyu 9:21

Ariroho ebetuk wilil, it aphe epmanowen ap war inabeheg, eke usa seheg, eke wanggik seheg, eke inalomnangge herahakeg surukon epmano sohorep isarusa fug-o.