Wahyu 9:18 - Allah Wene Hurumbik Keron

¹⁸ Ariroho surukmu, it inanggom kuda inungguluag wam singa neken wilil, inelmen hondok anggen wilik waharukon etno fam aphe war inabeheg, eke inahe walo ungguluag neken werehon etnowen aphe ayeg bal inabeheg surusa-o. Ariroho suruk wilil, inelmen hondok ambulpul inim, hubu inim, eke hondok anggen etno inim wilik waharisi-o.

Wahyu 9:18 ပူးပေါင်းရင်းမြစ်များ

Wahyu 8:10

Ariroho suruk atisimu, eke fobik at ma­laikat misihen ambinggon uneap siri­si-o. Uneap suruk atisimu, soholoal suon etno hondok ambulpul neken naruk wilil, boholmen belabik waharisi-o. Belabik waharuk atisimu, ik larukon inim, eke ik eleruk inim, biren sohorep iseheg, misig sebe seheg sirisi-o.

Wahyu 8:11

Ariroho suruk wilil, soholoal ari inuk Sihon soa­leg etno fam, ik induk sihepfirisimu, it apheyen ik sihon etno naruk atusama, inebe nin waratusa-o.

Wahyu 8:12

Waratuk atusama, eke at malaikat misihen ambinggon uneap siri­si-o. Uneap suruk ati­simu, mo inim, bikalem soholoal inim femag fil kahaloko elehep­furuk atisimu, o seleg atukon etno minggiroko eleg atisi-o. Ariroho eleg atuk atisimu, ilingge minggiroko, hubanggo minggi­roko hik atisi-o.

Wahyu 8:7

Suruk atusama, at malaikat misig etno ambinggon uneap sirisi-o. Uneap suruk atisimu, osit haplanggen arikon etno inim, hondok ang­gen inim, mep inim obog-at dambuksoho kweanma belabik waharisi-o. Belabik waharuk atisimu, kweanmen o ahik biren sohorep isalug, misig hondoken obog narisi-o. Naruk wilil, e inim biren soho­rep iseheg, misig nenggeg sirisi-o. Suruk wilil, isinggangge obog narisi-o.

Wahyu 8:8

Naruk atisimu, eke fobik at malaikat misihen ambinggon uneap sirisi-o. Uneap suruk atisimu, dom suon enggabuk hondoken naru­kon etno ik laut ikma belabik wahari­si-o. Belabik waharuk ati­simu, ik laut namut biren sohorep isalug, misig mep sahal atisi-o.

Wahyu 8:9

Ariroho sahal atuk wilil, it ikma werehon epmano nin sohorep iseheg, nin war inabeheg sirisi-o. Ariroho suruk wilil, it so fam ikma larukon epmano inim nin sohorep iseheg, nin war inabeheg sirisi-o.

Wahyu 9:15

Yig ituk atisimu, it malaikat inebe empat etano hele hibiltisi-o. Hibil­tuk atisimu, it malaikat inebe empat etanowen o ari sambit aphe anggolo war inabuog ulug surusa-o.

Wahyu 9:17

Yig nituk atusama nilanggen isaruk heheg, it wam kuda inim, inamboloag fam laru­kon epmano inim obog sing wantehon waharusa-o. It waha­ruson epmano inasing nin olohore mebon wanteheg, eke nin olohore bohol sinon neken wanteheg, eke nin olohore selehenon wanteheg suruk atusa-o.

Wahyu 9:19

Wilik waharuk atisimu, hondok ambulpul inim, hubu inim, hondok anggen inim etnowen inarisimu, aphe anggolo waratusa-o.