Wahyu 9:1 - Allah Wene Hurumbik Keron

¹ Ariroho uruk atisimu, eke at malaikat misihen ambinggon uneap sirisi-o. Uneap suruk atisimu, nilanggen lahaboho wereg neyeheg, soholoal misig boholmen kweanma bule ambik waharuk atisimu, kwean etno kahal ariog ulug ahuli larisi-o.

Wahyu 9:1 ပူးပေါင်းရင်းမြစ်များ

Lukas 10:18

Yig ituk apagma, At Yesusen yig isaruk wilil, “Ari demat ehep-o. At setan ebe sehenyabog neken boholmen bule ambik waharukmu harikikseg fam, hit kidia hinesanggo holtuk amiek-o.

Lukas 8:31

it setan indimu welapahon epmanowen, “Ninebe lisoko bulema epma wilip nisa fug-o,” ulug At Yesus hinog yig epag.

Roma 10:7

Eke alem misig du wene holal umburuk wilil, “Hit hinindi famen at sa hag kwean apma ambuhu ulug uruk am fug-o,” ulug ariroho ebag ari, it apheyen At Kristus ebe it warehon wereg ambeg epmanowen walug lahik wam nowen ulug ebag-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 11:7

Minduhup isarisimu, eke iren At Allahen hurumbik suhuon etno aphe obog yig isarusa-o. Yig isaruk atusa­ma, eke fobik kwean kahaleg ambeg epmanowen walo etno lahik waharisireg, inim wim aptusa-o. Inim wim aptuk atusama, at walo etnowen war inaptisi-o.

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.

Wahyu 20:1

Eke fobik at malaikat misihen kwean kahaleg ambeg sok hobog inim, hele bisuemanggenon etno inim inggikmu seneg wilil, boholmen ambik waharukmu nilanggen harikik-o.

Wahyu 20:10

Ariroho war inaptuk atisi­reg, at iblis enggal wene urukon etno o hondok olokma hik hari­si-o. Hik haruk atisimu, at iblis etno inim, at walo suon etno inim, at nabi enggal wene yig isarukon etno inim o hondok olok­ma weregma, it etano nintul nantul hondoken inaruk aruhu-o.

Wahyu 6:13

Ariroho suruk atisimu, eke e soglarle hiahneyen fil harukmu laheg waheg suruk wilil, anggen wirik atukon loloko amburuk etno hag, soholoal epmano boholmen kweanma ambik waharusa-o.

Wahyu 8:10

Ariroho suruk atisimu, eke fobik at ma­laikat misihen ambinggon uneap siri­si-o. Uneap suruk atisimu, soholoal suon etno hondok ambulpul neken naruk wilil, boholmen belabik waharisi-o. Belabik waharuk atisimu, ik larukon inim, eke ik eleruk inim, biren sohorep iseheg, misig sebe seheg sirisi-o.

Wahyu 8:12

Waratuk atusama, eke at malaikat misihen ambinggon uneap siri­si-o. Uneap suruk ati­simu, mo inim, bikalem soholoal inim femag fil kahaloko elehep­furuk atisimu, o seleg atukon etno minggiroko eleg atisi-o. Ariroho eleg atuk atisimu, ilingge minggiroko, hubanggo minggi­roko hik atisi-o.

Wahyu 8:2

Eleg atuk atisimu, nilanggen haruk heheg, it malaikat inebe sabiren angge At Allah olohotma minduhuk werehon epmano inambing­gon sabiren angge og isarusa-o.

Wahyu 9:2

Ahuli la­ruk atisireg suon kahal atuk atisimu, soholoal etno kwean apma ambirisi-o. Amburuk atisimu, ombolim, sahno naruk wilil hubu laharuk etno hag, hondok hubu suon etno laharuk wilil, mo il yatukon etno hik atisi-o.