Wahyu 8:2 - Allah Wene Hurumbik Keron

² Eleg atuk atisimu, nilanggen haruk heheg, it malaikat inebe sabiren angge At Allah olohotma minduhuk werehon epmano inambing­gon sabiren angge og isarusa-o.

Wahyu 8:2 ပူးပေါင်းရင်းမြစ်များ

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Matius 24:31

Inilanggen nearukmu, binggon suon etno une uruk heheg, Anden nomalaikat epmano o ahik ya da lahap isahuk-o. Lahap isaruk aruhukmu, it Allah udaki o ahik ya da fuloko imbisebahon epmano kweanmon inim, boholmon inim obog-at wonggal inabuhup-o,” ulug yig isebag.

Lukas 1:19

eke at malaikat etnowen yig ituk wilil, “An ninuk Gabriel At Allah olohotma welahion etnowen wene fanowon wene du yig hemag ulug yonggo belap nabik waha-o.

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

1 Korintus 15:52

Eke inil hubun suruk etno hag, fobik hetnogsoho binggon une uhu etno fam, ninolohore akeleg neken amuhuk-o. Aren ambinggon une uruk halug, it warapahon epmano dag atuk elehon etno neken min inabuhu-o, eke nit obog ninebe keron neken-at ninombisahaku-o.

1 Tesalonika 4:16

Eke aren duroho suhu-o, at malaikat inowe etnowen une suon uruk aruhumu, eke Allah ambinggon etno une uruk heheg, At Ninowe etno ambik waruhu-o. Ambik waharuk aruhureg, it At Kristus obam ebetuk wilil waratuson etno bilin iniluksoho minduhup isahu-o.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 15:1

Eke fobik boholma nilanggen lahap haruk atikikmu, it malaikat inebe sabiren angge inasine werehon epmano weregma nilanggen isarikik-o. Nilanggen isarikikon ari, At Allahen aphe war inabukon etno atog neken-at war inabuog ulug surusa-o.

Wahyu 16:1

Eke fobik une suon o Allah ibam epmen it malaikat inebe sabiren angge epmano yig isaruk wilil, “At Allahen aphe kweanmon war inabukag ulug hinahik oag sabiren angge fam honanggowon epmano deloko belabik watlihip-o,” ulug yig isarisi-o.

Wahyu 8:13

Hik atuk atisimu, eke fobik sue mayo misig boholmen dahag suruk wilil, lenggaltukmu nilanggen harikik-o. Nilanggen haruk atikikmu, at sue etnowen une suon uruk wilil, “It aphe obog inabua-o. It malaikat hena­han epmanowen inambinggon etano uneap suruk isalug, it aphe kweanma werehon epmano oloken suruk wilil, inakol anggolo hahup-o,” ulug irisi-o.

Wahyu 8:6

Eke fobik it malaikat inebe sabiren angge epmanowen inam­binggon uneap suog ulug surusa-o.

Wahyu 9:1

Ariroho uruk atisimu, eke at malaikat misihen ambinggon uneap sirisi-o. Uneap suruk atisimu, nilanggen lahaboho wereg neyeheg, soholoal misig boholmen kweanma bule ambik waharuk atisimu, kwean etno kahal ariog ulug ahuli larisi-o.