Wahyu 8:12 - Allah Wene Hurumbik Keron

¹² Waratuk atusama, eke at malaikat misihen ambinggon uneap siri­si-o. Uneap suruk ati­simu, mo inim, bikalem soholoal inim femag fil kahaloko elehep­furuk atisimu, o seleg atukon etno minggiroko eleg atisi-o. Ariroho eleg atuk atisimu, ilingge minggiroko, hubanggo minggi­roko hik atisi-o.

Wahyu 8:12 ပူးပေါင်းရင်းမြစ်များ

Matius 24:29

Yig isaruk apareg, eke fobik yig isaruk wilil, “Dahon epmano inobam umburuk aruhumu, fobik dulum-at mo olok eleg aheg, bikalem yatukon etno eleg aheg, eke soholoal boholmen ambik waheg, eke bohol alem aplohok seheg suhu-o.

Matius 27:45

Yig ituk apagma, o ilingge bul jam dua belas fam o ahik ya da epma obog-at hup atuk apareg oke, eke jam tiga fam nin witebag.

Markus 13:24

Yig isaruk apareg, eke fobik yig isaruk wilil, “Ariroho suruk wilil, dahon epmano inobam umburuk aruhumu, mo olok eleg aheg, bikalem yatukon etno eleg aheg,

Markus 15:33

Yig ituk apagma, o ilingge bul jam dua belas fam o ahik ya da epmano obog-at hup atuk apareg oke, eke jam tiga fam nin o webag.

Lukas 21:25

At Yesusen yig isaruk wilil, “Eke fobik mo inim, bikalem inim, soholoal inimen sukfugangge elalintoho suruk aruhumu, eke it aphe kweanmon obohen ik suon etno lek hondo suruk wilil, sebel ninabuhureg, o kweanma dumen keroho ninusuhu-o, ulug inakolen anggolo suhup-o.

Kisah Para Rasul 2:20

Mo il hik aruhu-o, bikalem il mep neken sahal aruhu-o. Obog ariroho seg atuk aruhureg fam, fobik At Ninowe inuk suon alon werehon etno waruhu-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Wahyu 12:4

Waharuk atisireg, boholmen ahe silug watuk wilil, soho­loal anggolo kweanma belabik waharisi-o. Belabik waharuk atisi­reg, at hwe udag enderiug ulug surukon etno olohotmen minatisi­reg, epma welatisi-o. Minduhuk wilil, udag endag atuk halug, naminen ulug welatisi-o.

Wahyu 16:10

At inuk suontepfeheg eleg-at weregma, eke fobik at malaikat misig larisireg, ahik oag fam honanggowon etno at walo suon etno horie uruk ambeg deloko belabik waharisi-o. Belabik waha­ruk atisimu, at walo suon horie uruk ambeg epmano obog hik atisi-o. Hik atuk atisimu, it aphe epmano ukmu oloken suruk wilil, inambilik anggen inayehen siroho ketereg wilil inele areg welatusa-o.

Wahyu 6:12

Yig isaruk atusama, eke fobik At Wam Domba Udag etno holal baleg hele homahowon etno misig yumbuk surukmu harikik-o. Haruk atikikmu, fobik o yugul suon misig sirisi-o. Ariroho suruk atisimu, eke mo ilanggen mondog sinon aheg, eke bikalem ilanggen mep sahal aheg sirisi-o.

Wahyu 9:15

Yig ituk atisimu, it malaikat inebe empat etano hele hibiltisi-o. Hibil­tuk atisimu, it malaikat inebe empat etanowen o ari sambit aphe anggolo war inabuog ulug surusa-o.

Wahyu 9:18

Ariroho surukmu, it inanggom kuda inungguluag wam singa neken wilil, inelmen hondok anggen wilik waharukon etno fam aphe war inabeheg, eke inahe walo ungguluag neken werehon etnowen aphe ayeg bal inabeheg surusa-o. Ariroho suruk wilil, inelmen hondok ambulpul inim, hubu inim, eke hondok anggen etno inim wilik waharisi-o.