Wahyu 8:10 - Allah Wene Hurumbik Keron

¹⁰ Ariroho suruk atisimu, eke fobik at ma­laikat misihen ambinggon uneap siri­si-o. Uneap suruk atisimu, soholoal suon etno hondok ambulpul neken naruk wilil, boholmen belabik waharisi-o. Belabik waharuk atisimu, ik larukon inim, eke ik eleruk inim, biren sohorep iseheg, misig sebe seheg sirisi-o.

Wahyu 8:10 ပူးပေါင်းရင်းမြစ်များ

Matius 25:1

Eke fobik At Yesusen yig isaruk wilil, “Fobik o ari sambit o boholma Allah weregmen sukon etno it holani nomaloen angge epmanowen sebag etno hag suhu-o. It holani epmanowen inaheral lampu ilitoho epmano holalug, at misig hwe onggo wiog ulug wapahon inim salkal uog ulug lebag-o.

Lukas 10:18

Yig ituk apagma, At Yesusen yig isaruk wilil, “Ari demat ehep-o. At setan ebe sehenyabog neken boholmen bule ambik waharukmu harikikseg fam, hit kidia hinesanggo holtuk amiek-o.

Yudas 1:13

Ik ulu suon urukmu, ebe wereg buruk ahe etno hag it ap etno wereg-o. It ap epmano soholoal da sulug larukmu bule ambik waharuk etno hag, At Allahen hondok olokma lahap isawon ulug wereg-o.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 12:4

Waharuk atisireg, boholmen ahe silug watuk wilil, soho­loal anggolo kweanma belabik waharisi-o. Belabik waharuk atisi­reg, at hwe udag enderiug ulug surukon etno olohotmen minatisi­reg, epma welatisi-o. Minduhuk wilil, udag endag atuk halug, naminen ulug welatisi-o.

Wahyu 14:7

“Hit At Allah hinakoltoho wilil, At inuk-at suontep­furuk amiek-o. Kidia Aren aphe inaren balukon etno horog fang­gog ehek-o. Ari halug, At Allahen bohol inim, kwean inim, ik inim obog-at wal hebahon epmano olohotma wilil, hinut wanduk­soho sembahyang uruk amiek-o,” ulug at malaikat etnowen irisi-o.

Wahyu 16:4

Waratuk atusama, eke at malaikat misig etno larisireg, ahik oag fam honanggowon etno ik elerukmu inim, laruk ambeg inim deloko belabik wahari­si-o. Belabik waharuk atisimu, ik etno obog il mep sahal ati­si-o.

Wahyu 6:13

Ariroho suruk atisimu, eke e soglarle hiahneyen fil harukmu laheg waheg suruk wilil, anggen wirik atukon loloko amburuk etno hag, soholoal epmano boholmen kweanma ambik waharusa-o.

Wahyu 8:7

Suruk atusama, at malaikat misig etno ambinggon uneap sirisi-o. Uneap suruk atisimu, osit haplanggen arikon etno inim, hondok ang­gen inim, mep inim obog-at dambuksoho kweanma belabik waharisi-o. Belabik waharuk atisimu, kweanmen o ahik biren sohorep isalug, misig hondoken obog narisi-o. Naruk wilil, e inim biren soho­rep iseheg, misig nenggeg sirisi-o. Suruk wilil, isinggangge obog narisi-o.

Wahyu 9:1

Ariroho uruk atisimu, eke at malaikat misihen ambinggon uneap sirisi-o. Uneap suruk atisimu, nilanggen lahaboho wereg neyeheg, soholoal misig boholmen kweanma bule ambik waharuk atisimu, kwean etno kahal ariog ulug ahuli larisi-o.

Wahyu 9:15

Yig ituk atisimu, it malaikat inebe empat etano hele hibiltisi-o. Hibil­tuk atisimu, it malaikat inebe empat etanowen o ari sambit aphe anggolo war inabuog ulug surusa-o.

Wahyu 9:18

Ariroho surukmu, it inanggom kuda inungguluag wam singa neken wilil, inelmen hondok anggen wilik waharukon etno fam aphe war inabeheg, eke inahe walo ungguluag neken werehon etnowen aphe ayeg bal inabeheg surusa-o. Ariroho suruk wilil, inelmen hondok ambulpul inim, hubu inim, eke hondok anggen etno inim wilik waharisi-o.