Wahyu 7:9 - Allah Wene Hurumbik Keron

⁹ Eke fobik an nilanggen haruk heheg, it aphe obog wanereg eleg wonggaleg welatusa-o. Wonggaleg welatusa ari, o ahik ya da inune urukon inim, o kweanma inungguluag obog inim wonggaleg welatusa-o. Ariroho wilil, At horie uruk ambeg etno inim, At Wam Domba Udag etno inim inolohotma minatuk atusareg, inasum huluon wanteg wilil, ininggikmu werale engga hahon etno dikiksoho seneg welatusa-o.

Wahyu 7:9 ပူးပေါင်းရင်းမြစ်များ

Lukas 12:1

Eke fobik it aphe beribu-ribu anggolo-at wonggalik waharuk apareg, aphe inebe keleg atuken iniog anduhunmu apma obam dambuk welapag. Ariroho weregma, At Yesusen omini epmano yig isaruk wilil, “It Farisi ap epmano inindi biren wilil, roti su amag ulug umburuk etno hag suruk isalug, hiren fikfag yaharoho welamiek-o.

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

Yohanes 12:13

werale engga baloko walug At Yesus inim heahi wabuog ulug olohotma laruk apareg, inune suon uruk wilil, “Niren At Allah inuk-at suontepfuk-o. Ariroho suontepfuruk wilil, At ap Ninikni etno inuk fam waharukon du At Allah ahien obam umbukag ulug ehe-o. Ariroho ehe ari, nit Israel ap Ninowe inuk suon etno At Allah ahien obam umbukag ulug ehe-o,” ulug uruk apag.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Efesus 6:13

Alem ari fam, at ap dahon etno omini inim wamuhup ari sambit, hit hinim aptuk wilil, hinoag dohaleheg, kohog weheg suruk amuhupseg, minduhuk welamag ulug At Allahen oag werehon og hisarukon etno-at holaruk amuk-o.

Ibrani 11:12

Ariroho indi ebetuk wilil, ebe anggohon ine eleg apareg oke, at etno fobik udaki etamuki anggolo endag inapag. At udaki etamuki epmano inebe ik sorli, soholoal ilitoho ininggik wane suk fugsoho endag inapag.

Ibrani 12:22

Eke hit hag dom Sinai alma epmano laruk atikip fuhon oke, dom Sion ari At Allah iluk mondog werehon etno ibam, o Yerusalem boholmon, it malaikat inebe anggolo beribu-ribu wereg ambeg epmano hag horogsoho waharikip-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 22:3

Ariroho heag nitisireg weregma, eke yi angge di angge inim, aphe inim At Allahen wene homali neken inobam umburuson halug o epma welamuhup fug-o. At Allah inim, At Wam Domba Udag etno inim horie uruk ambeg etno weregma, At anggimbu etno eyabuk suruk wilil, o epma welamu­hup-o.

Wahyu 3:18

Ari halug, hiren suruk amag ulug yig hisamin-o, hina­harek epmano wereg amag ulug emas olohore fanowon etno onggo bal simiek-o. Eke hinebe hineabie-at wilil hinenggali haruk ahebon etno eleg amag ulug hinasum huluon onggo bal salug wan simiek-o. Eke hinilanggen buhon ari fenggen amag ulug, minyak ambusu etno onggo bal salug are simiek-o.

Wahyu 4:4

Mase surukmu, eke At horie uruk ambeg etno horogsoho it penatua epmano inasum huluon yiko inunggulasum emas fam sehon epmano wanteg wilil, inebe dua puluh empat it horie urukon epmano fam dahagsoho horieg weregma isarikik-o.

Wahyu 5:11

Uruk atusama, eke fobik it ma­laikat inebe anggolo beribu-ribu, sepuluh ribu neken waharuk atus­areg, At horie uruk ambeg werehon etno inim eke it inebe empat iniluk werehon epmano inim, eke it penatua inebe dua puluh empat epmano inim dahagsoho minatuk atusareg,

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.

Wahyu 6:11

Og isaruk atusareg, yig isaruk wilil, “Hit war hinapag epmano hag hinomini nin awan war inabukon etno aso wilil, sat kelsaruk amuhup-o,” ulug yig isarusa-o.

Wahyu 7:8

eke it inungguluag Zebulon ap epmano inebe dua belas ribu inim, eke it inungguluag Yusuf ap epmano inebe dua belas ribu inim, eke it inungguluag Benyamin ap epmano inebe dua belas ribu inim, inilahoag fam holal etno umbu­rusa-o.