Wahyu 7:2 - Allah Wene Hurumbik Keron

² Seneg weregma, at malaikat misi­hen it aphe du At Allah iluk werehon etno udaki at-o, ulug fuloko imbisiog ulug waharuk atisireg, eke it malaikat inebe empat o kweanma inim, ikma inim, dahapsukag ulug At Allahen minduhup isarision etano at malaikat misig etnowen yig isaruk wilil,

Wahyu 7:2 ပူးပေါင်းရင်းမြစ်များ

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 26:63

At Yesus etno une ilik eleg-at bok apag. Bok apareg weregma, eke fobik at ap Allah unde inowe suon etnowen yig ituk wilil, “Hat hebe Kristus Allah Amloho welahen ano ulug hinog yig hirihi ari, At Allah ilukon etno inuk fam demat yig nisawag ulug yig hirihi-o,” ulug yig ituk apagma,

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

2 Korintus 1:22

Eke aren og hisahuk ulug abug yig nisebahon etno demat og nisahu ulug ninahla bukag ulug At Roh Kudus etno ninindimu og nisarisi-o.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

1 Tesalonika 1:9

Eke nit hit bik hisa waharukmu, heahi war ninaptuk atikibon epmano inim, eke At Allah ilukon awene etno demat ulug ebetuk wilil, anggimbu welamuog ulug hinongganangge epmano obog sohorep isalug At Allah obam ebetikibon etno inim,

2 Timotius 2:19

Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

Ibrani 12:22

Eke hit hag dom Sinai alma epmano laruk atikip fuhon oke, dom Sion ari At Allah iluk mondog werehon etno ibam, o Yerusalem boholmon, it malaikat inebe anggolo beribu-ribu wereg ambeg epmano hag horogsoho waharikip-o.

Wahyu 1:3

it buku du inilanggen haruk wilil wane surukon epmano inim, eke it hurumbik ebahon du inesanggo holtukon inim, eke it buku du fam weregma ilitoho surukon epmano inim, obog-at inahien ha­wag-o. Eke kidia hurumbik ebahon atog ilitoho sukon etno fanggog ik wariog ulug suruk-o.

Wahyu 10:1

Eke fobik an nilanggen haruk heheg, at malaikat suon misig etno boholmen ambik waharisi-o. Ambik waharuk wilil, hena asum neken wanteheg, walobikal unggulasum neken wanteheg, olo­hore mo neken seg aheg, iog hondok ambulpul ilitoho seg aheg suruk wilil ambik waharisi-o.

Wahyu 10:4

Uruk atisimu, serlemban etnowen irision etno an holal imbiug ulug suruk atikikmu, eke boholmen une misig yig nituk wilil, “Serlemban une ehekon ari holal imbimihin fug-o, heraho-at welamag-o,” ulug yig nitisi-o.

Wahyu 16:12

Sohorep iseheg eleg-at weregma, eke at malaikat misig etno larisireg, ahik oag fam honanggowon etno ik suon Efrat etno ikma deloko bela­bik waharisi-o. Belabik waharuk atisimu, it inowesi mo lahik waha­ruk filen waharuson etno wamag ulug ik etno firig atisi-o.

Wahyu 5:2

Haruk atikikseg, eke fobik it malaikat inowe misig etnowen une suon uruk wilil, “Holal baleg hele homahowon du ap sen oag weregsoho hele hibiloko umbuk-o?” ulug uruk atisimu,

Wahyu 8:3

Og isaruk atusama, eke at malaikat misig ik oag emas fam halehon kemenyan umburukon etno inggikmu senoko waharuk atisireg, o Allah ake umburuk ambeg At horie uruk ambeg etno horogsoho etano waharisi-o. Waharuk atisi­mu, it Allah udaki epmanowen sembahyang urukon obam seberoho umbukag ulug kemenyan anggolo og ituk atusama, At Allah ake umburuk ambeg etnowen hondok yaltisi-o.

Wahyu 9:14

Une uruk atisireg, eke fobik une etnowen malaikat ambinggon senehon etno yig ituk wilil, “It malaikat inebe empat ik suon inuk Efrat etno ayegma hele ware­hon epmano hibilin-o,” ulug yig itisi-o.

Wahyu 9:4

Ariroho umburusa famen, isinggangge inim, e inim, engga werehon epmano inim naruk am fug-o; eke it aphe duma At Allahen angge ulug inilaho­ag fam holal elehon halug hinayeg bal inaptuk amiek-o, ulug yig isarusa-o.