Wahyu 7:12 - Allah Wene Hurumbik Keron

¹² “Ninikni wa. Hat hoag werehon wilil hakeleg-at suon welahen-o. Eke Hat yi angge di angge obog hiluk wilil, sukfugangge elalintoho suruk ahenon ari fam Hat hinuk-at nintul nantul suontepfuruk amuhuk-o, ulug nit demat uruk ahe-o,” ulug di etno urusa-o.

Wahyu 7:12 ပူးပေါင်းရင်းမြစ်များ

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Roma 11:36

Eke yi angge di angge epmano obog bilin At Allahen-at wal hebareg fam, kidia inebe werehep isaruk-o. Eke yi angge di angge epmano At inuk su amag ulug-at wereg-o. Ari halug, niren nintul nantul Allah inuk-at suontepfuruk amuk-o.

1 Korintus 14:16

Eke hit Roh Kudus hinim wilil, inune werlekon fam wa ulug sembahyang uruk hisalug, it aphe nin inune yion dion inapelehon epmanowen inindimuen inesanggo holtug eleg-at keroho famen uhup-o?

2 Korintus 4:15

Eke yi wene di wene ihion ari, hit hinake-at ariroho seg atuk-o. Eke ari ilitoho At Allahen ninabua nisarukon wene etno it aphe obohen nin bilin weheg, it aphe nin fobik weheg eberoko waruk amuhupseg, At Allah inuk suontepfuruk wilil, wa ulug uruk amuhup-o.

Kolose 2:7

Eke hiren nit Kristus inggik enggangga-at welahe-o, ulug hinahla buruk wilil, Ninikni Allah wa ulug At awene waruk wilil welamuhup-o.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.

Yudas 1:25

At Allah ninili warukon etno, At Ninowe Yesus Kristus inim ininuk suontepfuhuk-o. It etno suon-at weregma, inoag weregsoho wilil, inalon werehon-at initog mondog welamuhup-o. Demat yig hisihi-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.

Wahyu 19:4

Ariroho uruk atusama, eke it penatua inebe dua puluh empat etano inim, eke it inebe empat ini­luk werehon etano inim inut wanduk uruk atusareg, At Allah horie uruk ambeg etano weregma, il fam sembahyang uruk wilil, “Hat Allah hinuk-at suontepfukag ulug nit demat uruk ahe-o,” ulug urusa-o.