Wahyu 6:2 - Allah Wene Hurumbik Keron

² Nilanggen haruk neyeheg, at wam kuda huluon misig waharisi-o. Waharuk atisimu, at ap misig wam ambo­loag fam larukon etno sehen inggikmu weregma, unggulasum fano­won etno og itusa-o. Og ituk atusa­ma wim inim abuog ulug wilip atisi-o.

Wahyu 6:2 ပူးပေါင်းရင်းမြစ်များ

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

1 Korintus 15:25

Eke At inim healeg werehon obog-at iog apma imbisiog ulug suruk aruhureg, At Kristus etno suon wilil, akelehen-at wene sumbut nisaruk aruhu-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 11:18

Eke it aphe o ahik ya da inungguluag dombog inasine haruk atusama, eke kidia Hat hasine isaruk ahen-o. It waratuson epmano oag del inabukon etno arat fanggog ehek-o. Hat hanggimbu epmano, it nabi ap epmano inim, it inindi fanowon epmano inim, it Hat hobam ebe­tukon epmano inim, inebe doron suon inim onggo fanowon og isawon etno arat fanggog ehek-o. Eke it kweanma duma dahapsebahon epmano elehap inabuhunon etno arat fanggog ehek-o,” ulug urusa-o.

Wahyu 14:14

Nin eke hena huluon etno fam At misig aphe inahudag hahon etno horieg weregma, nilanggen harikik-o. At etno unggulasum emas fam sehon etno wanteg wilil, inggikmu karog maserohon enggat werehon etno seneg weregma harikik-o.

Wahyu 15:2

Ariroho suruk atusama, eke fobik ik laut ikma, hondok ambulpul inim eke ik inim dahagsoho weregma isarikik-o. Nilanggen isaruk atikikseg, eke fobik it aphe walo iblis inim, eke walo ilitoho ebe suruson epmano inim, eke at misig aholal enam ratus enam puluh enam werehon etno inim ininuk warusa fuhon epmano ik ayegma epmano minduhuk weregma isarikik-o. Nilanggen isaruk heheg, At Allahen inambinggon gitar hahon etno og isarisi-o.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 19:14

Ariroho weregma, it ap boholmon etno At ombolim waharuk wilil, inasum huluon wantoho inanggom kuda huluon etno inam­boloag fam waharusa-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.

Wahyu 9:7

Ariroho yig isaruk atusama, eke horen bulue nilanggen isarikikon epmano wam kuda wim abuog ulug surukon etno hag inolohore seg atusa-o. Ariroho wilil, it inunggulasum emas fam sehon etno ilitoho wanteg wilil, inolohore aphe neken welatusa-o.