Wahyu 6:11 - Allah Wene Hurumbik Keron

¹¹ Og isaruk atusareg, yig isaruk wilil, “Hit war hinapag epmano hag hinomini nin awan war inabukon etno aso wilil, sat kelsaruk amuhup-o,” ulug yig isarusa-o.

Wahyu 6:11 ပူးပေါင်းရင်းမြစ်များ

Matius 10:21

Eke fobik hinomin misihen omin misig wabukag ulug inggik senoko og iseheg, eke at iknien udaki war inabukag ulug ininggik senoko og iseheg, eke inudakien iniknisi war inabukag ulug ininggik senoko og iseheg suruk amuhup-o.

Lukas 15:22

eke at ikni etnowen it anggimbu epmano wol isaruk wilil, ‘Hit hinebe dulum lalihipseg, sum fanowon etno walug, an namloho du wantepfeheg, senggan inggikmu wantepfeheg, eke eset iogmu wantepfeheg silihip-o.

Yohanes 16:2

Eke hit hinebe epmano fobik o Allah wene uruk ambeg epmanowen muko wilip hisahup-o. Eke hit hinebe warep hisaharuk amuhupseg, niren war inabehe ari, Allah yabuk-at sehe-o, ulug inahla buruk amuhup-o.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

2 Tesalonika 1:7

Eke o fanoma ninombisahiog ulug wereg heheg, At Ninowe Yesus boholmen omalaikat oag werehon epmano inim ambik wamuhup-o.

2 Timotius 4:7

Eke it aben onggo huluog ulug buahen laruk etno hag, an nebe wene demat urukon etno nintul nantul eberoko waruk wilil, neyabuk og nitision etno obog-at suruk atikikseg, kidia onggo fanowon etno huliog ulug suruk ahi-o.

Ibrani 11:40

Eke At Allahen at misig ahurumbik yig isebahon etno nit kidia welahe du fam lawag ulug ahla bebag-o. Ariroho ahla bebareg fam, it aphe bilin hurumbik yig isebahon epmano atog neken nit-at welahe-o.

Ibrani 12:23

Ariroho waharikip ari, At Allah udaki manggia endohowon, boholma ininuk holal baleg werehon epmano inahien haruk wilil wonggalik waharuk ambeg etno-at waharikip-o. Eke misig, At Allah it yi aphe di aphe inoag del inaptukon epmano inim, eke it aphe fanowon inobabut fano inapahon inahurangge epmano inim wereg ambeg epmano-at waharikip-o.

Ibrani 4:10

Eke At Allahen yabuk suruk apahon etno sohorep isalug, kelsebag etno hag, it yi aphe di aphe At Allah inim kelsaruk amuhubon etno ariroho-at ineyabuk sohorep isalug, kelsaruk amuhup-o.

Wahyu 10:6

at etnowen uruk wilil, “At Allah itog mondog wereg-o. Eke Aren bilin bohol inim, eke boholma werehon epmano inim, eke kwean inim, eke kweanma werehon epmano inim, eke ik inim, eke ikma werehon epmano inim obog wal heba­hon epmano inuk fam yig hisaruk ahi-o. Aren sukon etno kidia fanggog ehek-o.

Wahyu 13:15

Suruk atusama, at walo etnowen walo suon neken ebe ilitoho suruson etno obam fu haruk wilil, ilukap siog ulug sirisi-o. Ariroho suruk atisimu, at walo suon neken ebe ilitoho suruson etnowen une uruk wilil, it aphe at inuk suon­tep­furuk elehon halug, war inabu­kag ulug minduhupfirisi-o.

Wahyu 14:13

Uruk atisimu, eke fobik boholmen une misig uruk wilil, “It At Ninowe eyabuk suruk atlug war amuhubon epmano fobik inahien hahup-o,” ulug at une etnowen yig nituk atisimu, eke At Roh Kudus etnowen uruk wilil, “Demat-o, it Allah yabuk fanoroho suruson halug, onggo og isaruk aruhumu, fanoroho wilil, kelsaruk amuhup-o,” ulug yig nitukmu, nesanggo holtikik-o.

Wahyu 17:6

Eke nin at hwe etnowen At Allah udaki inim, eke At Yesus une waru­kon epmano inim anggolo war inaptisireg inamep at inggikmu weregma harikik-o. Ariroho weregma haruk atikikseg, nakol hari­kik-o. Nakol haruk neyeheg, at malaikat etnowen yig nituk wi­lil,

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.

Wahyu 7:9

Eke fobik an nilanggen haruk heheg, it aphe obog wanereg eleg wonggaleg welatusa-o. Wonggaleg welatusa ari, o ahik ya da inune urukon inim, o kweanma inungguluag obog inim wonggaleg welatusa-o. Ariroho wilil, At horie uruk ambeg etno inim, At Wam Domba Udag etno inim inolohotma minatuk atusareg, inasum huluon wanteg wilil, ininggikmu werale engga hahon etno dikiksoho seneg welatusa-o.