Wahyu 6:10 - Allah Wene Hurumbik Keron

¹⁰ Isaruk atikik­mu, it epmanowen inune suon yig ituk wilil, “Ninikni suon hoag werehon du wai. It aphe o kweanmen war inaptuk apahon epmano oke iren surukon etno inaren baloko o dagma imbisahun-o?” ulug uruk atusama, it obog inasum huluon og isarusa-o.

Wahyu 6:10 ပူးပေါင်းရင်းမြစ်များ

Lukas 2:29

“Nikni-o, wene yig nitikinon etno fam nindi wereg ahama, Hat hanggimbu welaruhuken kidia mondep nahin-o.

Lukas 21:22

Eke bilin hurumbik ebahon Alkitab fam wereg etno hag, war inabuhu ari sambit demat seg aruhu-o.

Roma 12:19

Eke yiroho diroho suruk isalug, hiren onggo ulug sukon etno sohorep isalug, fobik At Allahen-at onggo war inabuhu ulug hinahla buruk amuk-o. Eke alem ari fam Alkitab wene holal baleg etnowen yig nisaruk wilil, “At Allahen onggo fobik Anden-at war inabuhuk ulug uruk-o,” ulug yig nisaruk-o. Ariroho yig nisaruk etno hag, eke alem misig du yig nisaruk wilil,

Ibrani 12:24

Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

2 Petrus 2:1

Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

Wahyu 11:18

Eke it aphe o ahik ya da inungguluag dombog inasine haruk atusama, eke kidia Hat hasine isaruk ahen-o. It waratuson epmano oag del inabukon etno arat fanggog ehek-o. Hat hanggimbu epmano, it nabi ap epmano inim, it inindi fanowon epmano inim, it Hat hobam ebe­tukon epmano inim, inebe doron suon inim onggo fanowon og isawon etno arat fanggog ehek-o. Eke it kweanma duma dahapsebahon epmano elehap inabuhunon etno arat fanggog ehek-o,” ulug urusa-o.

Wahyu 18:20

Ariroho uruk atuson oke, eke hat bohol inim, hit At Allah udaki inim, eke hit mondep hisahabahon etno inim, eke hit nabi ap Allah wene yig isaruk ahebon etno inim, hit obog hinahien haruk amiek-o. Eke o Babel etno mialtuk wi­lil, “aren dahon hinobam hinombisaharision etno onggo At Allahen oag deloko dahon etno obam embehek-o. Ari halug, hit hinahien haruk amiek-o,” ulug uruk atusa-o.

Wahyu 18:24

Ariroho uruk atisi­mu, eke it nabi ap inim, it Allah udaki inim, eke it yi aphe di aphe kweanmen war inaptuson epmano inim, o Babel etnowen war inaptu­sa halug, At Allahen o etno mialoko imbirisi-o.

Wahyu 19:2

Eke Aren demat aphe inoag deloko imbisaruk-o. Eke o suon Babel kweanmen yi dag di dag suruk atision etno mialoko embehek-o. Eke at anggimbu war inap­tisi halug, At Allahen mialoko embehek-o,” ulug uruk atusareg,

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.