Wahyu 5:9 - Allah Wene Hurumbik Keron

⁹ Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.

Wahyu 5:9 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Matius 26:28

An namep it yi aphe di aphe anggolo epmanowen dag surukon etno inobam inapelegsoho sohorep isalug At Allah inim fanoroho welamag ulug dambuk hinaptuk ariog ulug An namep deloko wilip aruhuon etno ilitoho du at-o.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

1 Korintus 6:20

Eke hinebe ari hinonggareg unde welahep fug-o. At Kristus hinonggo anggolo embebag etno fam, hit hinebe ari At Allah-at unde wereg-o. Eke ari halug, hit hinebe inim, eke hinindi inim etnowen At Allah inuk-at suontepfuruk amuk-o.

1 Korintus 7:23

Eke hit hinebe hinonggo anggolo balfareg fam, aphe inanggimbu welamuog ulug suk fug-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 5:19

Eke hit hit wilil, mazmur alem inim, enggangga inim eke i-u inim fanoroho uruk amuk-o. Eke hinindimuen Ninowe wa ulug At ake di etno uruk amuk-o.

Kolose 1:14

At Amloho indi hunduhukon etno ninili wawag ulug og nisebareg fam, Aren nit dag suruk aheon epmano sohorep isalug ninapelegsoho apma seberoho imbisarisi-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 11:14

Eke it etno o kweanma duma huso neken welahe ulug demat uruk isalug, etno fam inibam keron-at heahil sil nuruk ulug niniluk atuk-o.

2 Petrus 2:1

Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

Wahyu 10:11

Sig atuk atisimu, nin eke fobik iren yig nituk wilil, “It yi aphe di aphe inungguluag dombog inune yion dion urukon inowesi yi ap di ap werehon epmano At Allahen duroho imbisahu ulug hurum­bik wene etno misihim inim yig isahun-o,” ulug yig nitisi-o.

Wahyu 11:9

Ariroho soaleg weregma, eke it aphe o ahik ya da epmano inungguluag dombog inim, eke inune yion dion urukon epmano inim ininggik tiga setengah fam wilil inebe warohon epmano bik isaruk atusareg, kweanma salepfuk sohorep isarusa-o.

Wahyu 13:7

Umbu­ruk atisireg it Allah udaki inim, eke it o ahik ya da inune yion dion urukon inim war in­abiug ulug sirisi-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 14:6

Eke fobik at malaikat misig boholma anduhunmu leng­galtug larukmu, nilanggen harikik-o. Nilanggen lahap haruk atikikmu, at malaikat etnowen it o ahik ya da inune yion dion obog-at urukon epmano wene fano wene etno une oag weregsoho yig isa­ruk wilil,

Wahyu 15:3

Og isaruk atisimu, eke it epmanowen at Musa Allah anggimbu etno inim, eke At Wam Domba Udag etno inimen di uruson etno iren uruk wilil, “Ninikni suon Allah wai. Haren sukfuganggeroho suruk ahen etno fanowon demat suruk ahen-o. Ari halug, it yi aphe di aphe Inowe suon Hat-at welahen-o, Ninowe.

Wahyu 17:15

Yig nituk atisireg, eke fobik at malaikat etnowen yig nituk wilil, “Ik anggenma o ahik suon inibam anggolo faleg hehe­non etno ari, it o ahik ya da inungguluag dombog, inune yion dion urukon epmano ilitoho-at wereg-o.

Wahyu 4:11

Umburuk atusareg, di watuk wilil, “Ninikni Allah wa. It aphe obohen Hat hebe wa ulug suontep hahu­kag-o. Eke Haren yi angge di angge obog wal haruk senag etno fam, hahla bulug yi angge di angge obog iniluksoho imbisaruk senag-o,” ulug di misig urukmu isarikik-o.

Wahyu 5:12

di misig inune suon uruk wilil, “Wam Domba Udag etno waroko embebahon oke, niren kidia At oag werehon etno inuk suontepfuk-o. At ebe etno yi angge di angge obog-at unde wilil, indimu ilukon etno niren Ninowe suon ulug inuk suontepfuk-o,” ulug di etno uruk atusama,

Wahyu 5:6

Yig nituk atisimu, Wam Domba Udag neken horie uruk ambeg bulmu minduhuk wereg heheg, it inebe empat iniluk werehon epmano inim, eke it penatua epmano inim dahagsoho weregma isarikik-o. Isaruk wilil, eke Wam Domba Udag etno warapahon neken wereg harikik-o. Haruk wilil, Wam Domba Udag etno ungguluagma ayeg sabiren angge lahabehon etno inim, eke At Allahen angge ahurangge inebe sabiren angge o kweanma lahabik waharision epmano ilitoho ulug ilanggen sabiren angge epmano inim weregma harikik-o.