Wahyu 5:5 - Allah Wene Hurumbik Keron

⁵ Ioba yatuk atikikmu, eke it penatua misig etnowen yig nituk wilil, “Hat ioba yabuk imbi­salug, hilanggen yet himin-o. At Daud etamu suon ungguluag Yehuda ap oag wam singa neken werehon etno anduhunmu suon atisireg fam, holal baleg du hele homahowon sabiren angge etno yumbuksoho hibiluk oag wereg-o,” ulug yig nitisi-o.

Wahyu 5:5 ပူးပေါင်းရင်းမြစ်များ

Lukas 23:28

Obok yatil larukmu, At Yesus etno olohore dahagsoho yet isaruk apareg, yig isaruk wilil, “Hit hweap Yerusalemon du wai. An nobok yatuk sohorep isalug, hinonggareg hinudaki inobok yatuk amiek-o.

Lukas 7:13

At Yesus etno ilanggen haruk apareg, indimuen ahmu atuk apagma, udag warapahon isina etno yig ituk wilil, “Hat ioba yabuk fug-o,” ulug yig epag. Yig ituk apareg, At ebe it ap warehon walug wapahon epmano inambeg lebag.

Lukas 8:52

Yig isaruk apareg, it aphe obohen hole warapahon etno abuen ioba yatukmu, At Yesusen yig isaruk wilil, “Hit ioba yatuk sohorep isiek-o. Hole du waraha fug-o. Ebe nohoruk-o,” ulug yig isaruk apagma,

Yohanes 20:13

Ilanggen isaruk apagma, it malaikat etanowen yig ituk wilil, “Hwe du, hat nulug ioba yatuk ahen-o?” ulug yig epag. Yig ituk apagma, at etnowen yig isaruk wilil, “An Nowe etno walug wilip ahesa ari, epma imbik lahesa ulug an napelehen ioba yatuk ahi-o,” ulug yig isebag.

Roma 1:3

Ari, wene fano wene etno At Allah Amloho Ninowe Yesus Kristus etno at Daud etamu neken endag apahon oke,

Roma 15:12

eke fobik at Yesaya etnowen yig nisaruk wilil, “At Isai etamu misig etno lahik waharuk aruhumu, it ap bilin Allah wene inapeleg welatuson epmano Inowe welamag ulug minduhupfuhu-o. Minduhupfuruk aruhumu, it epmanowen Aren fano ninabuhu-o ulug inahla buhup-o,” ulug wene holal embebag-o.

Ibrani 7:14

Eke At Ninowe etno ungguluag Yehuda ap neken endag apag ari nit niniluk-o. Eke at Musa etnowen it ap nin Allah unde welamon inawene baltuk wilil, ap misig ungguluag Yehudaon inim welaruhu ulug ebag fug-o.

Wahyu 1:1

Wahyu wene du fam At Yesus Kristus etnowen bukaloko yig epahon etno wereg-o. Ariroho embebag ari, fobik suhuon wene etno it Allah anggimbu obog iniluk amag ulug, At Allahen Yesus Kristus yig ituk apagma, At Kristus etnowen anggimbu Yohanes etno yig emag ulug omalaikat misig ambeg belabik wapag-o.

Wahyu 22:16

An Yesusen yi angge di angge aphe jemaat Allah wene urukon epmano yig isiug ulug nomalaikat etno belabik waharikik-o. Eke An nebe etno at Daud etamu wilil, soholoal wap etno ilitoho-at welahi-o,” ulug irisi-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.

Wahyu 4:10

it penatua inebe dua puluh empat epmanowen At horie uruk ambeg werehon etno olohotma inolohore wanduksoho ying atuk wilil, At itog mondog wereg etno inuk suontepfurusa-o. Suontepfuruk wilil, it inunggulasum etno At horie uruk ambeg etano olohot fil koroko umburusa-o.

Wahyu 4:4

Mase surukmu, eke At horie uruk ambeg etno horogsoho it penatua epmano inasum huluon yiko inunggulasum emas fam sehon epmano wanteg wilil, inebe dua puluh empat it horie urukon epmano fam dahagsoho horieg weregma isarikik-o.

Wahyu 5:4

Ebe heaharusa fugmu, an ioba anggolo yatikik-o.

Wahyu 6:1

Eke fobik nilanggen haruk neyeheg, At Wam Domba Udag etno holal baleg hele homahowon etno misig yumbuk suruk atisimu, it inebe empat iniluk werehon etano at misihen une suon o serlemban neken yig nituk wilil, “Hat hebe ma-o,” ulug yig nituk atisimu, nilanggen harikik-o.

Wahyu 7:13

Uruk atusama, at penatua misig etnowen yig nituk wilil, “lt aphe inasum huluon wantehon du inebe kemen waharusa-o? Eke inebe sandeg-o?” ulug yig nituk atisimu,