Wahyu 4:8 - Allah Wene Hurumbik Keron

⁸ Eke it inebe empat iniluk werehon epmano sue ilitoho inaherabul enggalimen angge weregma, femag femag anduhunmu apma inilanggen wereg harikik-o. Eke it epmanowen ilikia hupmu di uruk wilil, “At Ninikni Allah suon alon wereg-o. At ebe etno bilin welapag, kidia wereg, fobik welaruhuon at-o,” ulug di urusa-o.

Wahyu 4:8 ပူးပေါင်းရင်းမြစ်များ

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

2 Korintus 6:18

Endag hinaptuk aruhukseg, nebe Hinikni neken weregma, hit nudaki naholani neken welamuhup-o,” ulug An Allah noag werehon etnowen yig hisaruk ahi-o, ulug abug yig isebag ari, nit-at yig nisebag-o, nomini.

1 Tesalonika 2:9

Eke hit hineyabuk sat anggolo suruk atukukon etno hinindi ebetuk ahep-o. Eke wene fanowon At Allahen yig nisarukon etno yig hisaruk wilil, hiren uang onggo og nisa nowen ulug ilikia hupmu nininggiken yabuk suruk atukuk-o.

1 Timotius 4:16

Eke hat hag, aphe wene yanggul isaruk wilil, fano-at yanggul isaruk ahi ano, ulug honggarehen hindimu ebet saruk amin-o. Ariroho suruk wilil, hat hili holeheg, eke it hat hune inesanggo holtukon epmano inili weheg suruk aruhun-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Ibrani 13:8

Eke At Yesus Kristus etno bilin welapareg oke, kidia wereg at-o, eke fobik itog mondog-at welaruhu-o.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.

Wahyu 1:8

Eke At Ninikni suon Allah etnowen uruk wilil, ‘An nebe alem neken enggabuk neken an-at welahi-o,’ ulug yig nisaruk ari, At bilin welapahon etno inim, kidia werehon etno inim, fobik welaruhuon etno inim At ebe misig-at wilil yig nisaruk-o,” ulug at Yohanes etnowen holal embebag.

Wahyu 11:17

“Ninikni Allah wa. Hat walhan hoag were­hon-at welahen-o. Amuk welahenag etno hag, fobikoho welaruhun at-o. Ari halug, Haren hoag werehon suontepatarikinteg fam, Inikni suon Raja-at welahen-o. Nit wa ulug yig hituk ahe-o.

Wahyu 14:11

Epma weregma, it hondok inaruk aruhuon epmano ambulpul nintul nantul laharuk aruhu-o. Ariroho suruk heheg, it dag suruson epmano misihim kelsahup fug-o,” ulug at malaikat etnowen irisi-o.

Wahyu 14:3

Nilanggen yet haruk atikikmu, it epmano At horie uruk ambeg epmano inim, eke it inebe empat iniluk werehon epmano inim, it penatua epmano inim inolohotma minduhuk wilil, di keron misig urusa-o. Di uruson etno it inebe seratus empat puluh empat ribu o kweanmen inili waruson epmano-at di ebe ini­luk wilil urusa-o.

Wahyu 15:3

Og isaruk atisimu, eke it epmanowen at Musa Allah anggimbu etno inim, eke At Wam Domba Udag etno inimen di uruson etno iren uruk wilil, “Ninikni suon Allah wai. Haren sukfuganggeroho suruk ahen etno fanowon demat suruk ahen-o. Ari halug, it yi aphe di aphe Inowe suon Hat-at welahen-o, Ninowe.

Wahyu 15:7

Ariroho weregma, it inebe empat iniluk werehon epmano at misihen it malaikat inahik oag seneg weregma, At Allah itog mondog werehon etnowen aphe war inabukon ulug ambusu sihon etno deltisi-o.

Wahyu 16:14

Ariroho suruk isarikikon etno, it inebe henahan wilil, sukfugangge suog ulug it aphe kweanmon inowesi suon inambeg epmano larusa-o. Laruk atusareg, eke it epmanowen it inowesi suon epmano wene wim sukag ulug At Allahen inoag delu­hu ambeg epmano wonggal inabuog ulug surusa-o.

Wahyu 16:7

eke At Allah ake umbu­ruk ambeg epmanowen une misig uruk wilil, “Nikni Allah suon wa. Haren aphe inoag del inaptuk ahen du, fano-at suruk ahen-o,” ulug urukmu nesanggo holtikik-o.

Wahyu 19:15

Waharuk atusama, At etno elmen karog engga­ron misig wilik waharuk atisimu, etno fam it yi aphe di aphe inungguluag dombog apmarep isiug ulug sirisi-o. Ariroho suruk atisireg, ahla buruk wilil, “Sega fam napmarep isa­ruk aruhukseg, e anggur anggen bisaltuk ambeg epmanowen At Allah inuk fam bisaltuk aruhuk-o,” ulug ahla birisi-o.

Wahyu 19:4

Ariroho uruk atusama, eke it penatua inebe dua puluh empat etano inim, eke it inebe empat ini­luk werehon etano inim inut wanduk uruk atusareg, At Allah horie uruk ambeg etano weregma, il fam sembahyang uruk wilil, “Hat Allah hinuk-at suontepfukag ulug nit demat uruk ahe-o,” ulug urusa-o.

Wahyu 21:22

Nin eke At Ninikni Allah inim, At Amloho Wam Domba Udag etno inim o keron etno weregma, o Allah ibam etno nilanggen harikik fug-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.

Wahyu 4:4

Mase surukmu, eke At horie uruk ambeg etno horogsoho it penatua epmano inasum huluon yiko inunggulasum emas fam sehon epmano wanteg wilil, inebe dua puluh empat it horie urukon epmano fam dahagsoho horieg weregma isarikik-o.

Wahyu 4:6

Eke misig, At etno horie uruk ambeg olohotmen ik namut il fanowon neken weregma harikik-o. Eke misig, At horie uruk ambeg enggat­gat femag femahen it inebe empat iniluk werehon epmano inilanggen inungguluagma obog dahagsoho weregma isarikik-o.

Wahyu 4:9

Eke it inebe empat iniluk werehon epmanowen At horie uruk ambeg etno fam wilil, itog mondog werehon etno wa ulug inuk suontep­furuk iseheg,

Wahyu 5:6

Yig nituk atisimu, Wam Domba Udag neken horie uruk ambeg bulmu minduhuk wereg heheg, it inebe empat iniluk werehon epmano inim, eke it penatua epmano inim dahagsoho weregma isarikik-o. Isaruk wilil, eke Wam Domba Udag etno warapahon neken wereg harikik-o. Haruk wilil, Wam Domba Udag etno ungguluagma ayeg sabiren angge lahabehon etno inim, eke At Allahen angge ahurangge inebe sabiren angge o kweanma lahabik waharision epmano ilitoho ulug ilanggen sabiren angge epmano inim weregma harikik-o.

Wahyu 6:1

Eke fobik nilanggen haruk neyeheg, At Wam Domba Udag etno holal baleg hele homahowon etno misig yumbuk suruk atisimu, it inebe empat iniluk werehon etano at misihen une suon o serlemban neken yig nituk wilil, “Hat hebe ma-o,” ulug yig nituk atisimu, nilanggen harikik-o.

Wahyu 6:6

Haruk atikikseg, nesanggo holtuk neyeheg, it inebe empat iniluk werehon inanggelegmen une misig uruk wilil, “Uang anggolo fam wirlin gandum dorat onggo balukon wereg-o. Eke e anggen ambusu etno inim, eke anggur ambusu etno inim dahapsuk fug-o,” ulug irisi-o.

Wahyu 7:11

Uruk weregma, it malaikat obog epmanowen At horie uruk ambeg etno inim, it penatua epmano inim, eke it inebe empat iniluk were­hon epmano inim dahagsoho minduhuk wilil, inolohore wanduksoho At horie uruk ambeg epmano olohotma ying atuk atusareg, At Allah obam sembahyang uruk wilil,

Wahyu 7:15

Are­repfuruk atusareg, it etno At Allah horie uruk ambeg olohot­ma minduhuk wilil, nintul nantul At ibam eyabuk suruk-o. Eke At horieg werehon etno inim wilil, inili waruk aruhu-o.