Wahyu 4:4 - Allah Wene Hurumbik Keron

⁴ Mase surukmu, eke At horie uruk ambeg etno horogsoho it penatua epmano inasum huluon yiko inunggulasum emas fam sehon epmano wanteg wilil, inebe dua puluh empat it horie urukon epmano fam dahagsoho horieg weregma isarikik-o.

Wahyu 4:4 ပူးပေါင်းရင်းမြစ်များ

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Lukas 22:30

An Hinowe suon nibamen esoho etno ninim naruk amuhuk-o. Naruk amuhukseg, it Israel aphe inungguluag dua belas epmano inaren balukag ulug minduhup hisahakuk-o,” ulug yig isebag.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Wahyu 11:16

Ariroho urusama, eke it penatua inebe dua puluh empat At Allah olohotma horie uruk ambeg epmano inolohore wanduksoho kweanma sebe urusareg, At Allah obam sem­bahyang uruk wilil,

Wahyu 14:3

Nilanggen yet haruk atikikmu, it epmano At horie uruk ambeg epmano inim, eke it inebe empat iniluk werehon epmano inim, it penatua epmano inim inolohotma minduhuk wilil, di keron misig urusa-o. Di uruson etno it inebe seratus empat puluh empat ribu o kweanmen inili waruson epmano-at di ebe ini­luk wilil urusa-o.

Wahyu 19:14

Ariroho weregma, it ap boholmon etno At ombolim waharuk wilil, inasum huluon wantoho inanggom kuda huluon etno inam­boloag fam waharusa-o.

Wahyu 19:4

Ariroho uruk atusama, eke it penatua inebe dua puluh empat etano inim, eke it inebe empat ini­luk werehon etano inim inut wanduk uruk atusareg, At Allah horie uruk ambeg etano weregma, il fam sembahyang uruk wilil, “Hat Allah hinuk-at suontepfukag ulug nit demat uruk ahe-o,” ulug urusa-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.

Wahyu 20:4

At iblis hele wareg weregma, it aphe anggolo horie uruk ambeg epmano weregma isarikik-o. Nilanggen isarikikon epmano inebe suon welamag ulug minduhup isarusa-o. Minduhup isarusareg weregma, eke it aphe Allah wene inim, eke At Yesusen yanggul isebahon etno inim aphe yig isebareg fam war inapahon epmano inahurangge inim weregma isarikik-o. Ariroho weregma nilanggen isarikikon epmano walo suon ebe etno inim, eke ebe ilitoho sehon etno inim inobam sembahyang eheg eleg wilil, walo suon inuk inilaho­ag fam ininggik fam holal baleg eleg welatuson etno At Kristus inim wilil, inebe seribu tahun fam suon-at welatusa-o.

Wahyu 3:18

Ari halug, hiren suruk amag ulug yig hisamin-o, hina­harek epmano wereg amag ulug emas olohore fanowon etno onggo bal simiek-o. Eke hinebe hineabie-at wilil hinenggali haruk ahebon etno eleg amag ulug hinasum huluon onggo bal salug wan simiek-o. Eke hinilanggen buhon ari fenggen amag ulug, minyak ambusu etno onggo bal salug are simiek-o.

Wahyu 4:10

it penatua inebe dua puluh empat epmanowen At horie uruk ambeg werehon etno olohotma inolohore wanduksoho ying atuk wilil, At itog mondog wereg etno inuk suontepfurusa-o. Suontepfuruk wilil, it inunggulasum etno At horie uruk ambeg etano olohot fil koroko umburusa-o.

Wahyu 4:6

Eke misig, At etno horie uruk ambeg olohotmen ik namut il fanowon neken weregma harikik-o. Eke misig, At horie uruk ambeg enggat­gat femag femahen it inebe empat iniluk werehon epmano inilanggen inungguluagma obog dahagsoho weregma isarikik-o.

Wahyu 5:11

Uruk atusama, eke fobik it ma­laikat inebe anggolo beribu-ribu, sepuluh ribu neken waharuk atus­areg, At horie uruk ambeg werehon etno inim eke it inebe empat iniluk werehon epmano inim, eke it penatua inebe dua puluh empat epmano inim dahagsoho minatuk atusareg,

Wahyu 5:14

eke it inebe empat iniluk werehon etanowen, “Amin, demat-o,” ulug urusa-o. Uruk atusama, it penatua inebe dua­puluh empat epmano inolohore wanduksoho sembahyang uruk atusa-o. Urukmu an nesanggo holtikikseg, obog holal ari imbirikik-o.

Wahyu 5:6

Yig nituk atisimu, Wam Domba Udag neken horie uruk ambeg bulmu minduhuk wereg heheg, it inebe empat iniluk werehon epmano inim, eke it penatua epmano inim dahagsoho weregma isarikik-o. Isaruk wilil, eke Wam Domba Udag etno warapahon neken wereg harikik-o. Haruk wilil, Wam Domba Udag etno ungguluagma ayeg sabiren angge lahabehon etno inim, eke At Allahen angge ahurangge inebe sabiren angge o kweanma lahabik waharision epmano ilitoho ulug ilanggen sabiren angge epmano inim weregma harikik-o.

Wahyu 5:8

At Wam Domba Udag etnowen hola­ruk atisimu, it inebe empat iniluk werehon epmano inim, eke it penatua inebe dua puluh empat epmano inim At Wam Domba Udag etno ambeg inindibahal yungguksoho horie uruk wilil, binggon inuk kecapi etno inim, eke At Allah udakien sembahyang urukon epmano ilitoho ulug ik oag emas fam sehon etno inim ininggikmu senetu­sa-o.

Wahyu 6:11

Og isaruk atusareg, yig isaruk wilil, “Hit war hinapag epmano hag hinomini nin awan war inabukon etno aso wilil, sat kelsaruk amuhup-o,” ulug yig isarusa-o.

Wahyu 7:11

Uruk weregma, it malaikat obog epmanowen At horie uruk ambeg etno inim, it penatua epmano inim, eke it inebe empat iniluk were­hon epmano inim dahagsoho minduhuk wilil, inolohore wanduksoho At horie uruk ambeg epmano olohotma ying atuk atusareg, At Allah obam sembahyang uruk wilil,

Wahyu 7:9

Eke fobik an nilanggen haruk heheg, it aphe obog wanereg eleg wonggaleg welatusa-o. Wonggaleg welatusa ari, o ahik ya da inune urukon inim, o kweanma inungguluag obog inim wonggaleg welatusa-o. Ariroho wilil, At horie uruk ambeg etno inim, At Wam Domba Udag etno inim inolohotma minatuk atusareg, inasum huluon wanteg wilil, ininggikmu werale engga hahon etno dikiksoho seneg welatusa-o.

Wahyu 9:7

Ariroho yig isaruk atusama, eke horen bulue nilanggen isarikikon epmano wam kuda wim abuog ulug surukon etno hag inolohore seg atusa-o. Ariroho wilil, it inunggulasum emas fam sehon etno ilitoho wanteg wilil, inolohore aphe neken welatusa-o.