Wahyu 3:8 - Allah Wene Hurumbik Keron

⁸ Eke hiren suruk ahebon etno An niluk-o. Eke hit dorat hinoag wereg ari An niluk-o. Eke hit Anden yig hisaruk seahon etno hinesanggo holtikipseg, nobam eberoko warikip-o. Eke it apheyen larep hisahuk haion oke, Anden sok etno husep hisaharikik-o.

Wahyu 3:8 ပူးပေါင်းရင်းမြစ်များ

Lukas 12:9

Eke it obohen an Yesus napeleg-o, ulug selegmaroho urukon halug, An Allahen minduhup naharision etno it Allah malaikat inil fam ap du napeleg-o, ulug ariroho uhuk-o.

Yohanes 15:20

Eke Anden hit bilin yig hisaruk wilil, ‘Ap misig anggimbu etno suon neken, eke ikni etno doron neken wereg eleg-o,’ ulug yig hisarikikon etno hinindi eberiek-o. Iren An nebe muko wilip nabuog ulug surusa etno hag, hit ariroho at muko wilip hinabuog ulug suhup-o. Eke iren An nawene etno inesanggo holtusa fug etno hag, hit hinawene epmano ariroho-at inesanggo holtuk amuhup fug-o.

Yohanes 17:6

Eke it yi aphe di aphe kweanma duma werehon epmano An nudaki welamag ulug fuloko og nitikon epmano Hat hebe iniluk amag ulug yig isarikik-o. Eke it inebe bilin Haren angge-at welatuson oke, fobik An og nitikin-o. Og nituk atikinmu, iren Hat hawene etno eberoko waruk atusareg,

Kisah Para Rasul 14:27

Laruk apareg, o Antiokhia epma it Allah wene warukon epmano obog-at wonggal inaptuk apareg, it etanowen At Allah inim wilil sil nuruk apahon epmano dindiloko yig isaruk apag. Yig isaruk wilil, “At Allahen it aphe At awene inapelehon epmano eberoko wawag ulug og isarisi-o,” ulug dindiloko yig isaruk apareg,

1 Korintus 16:9

Eke it aphe duma ninen wene ninambit-o ulug urukon oke, anden yig isarukmu it obohen inesanggo holukag ulug yanggul isahuk-o.

2 Korintus 2:12

Eke an hag o Troas epma Kristus awene fanowon etno yig isiog ulug arat larikikseg wilil, At Ninowe etnowen it etno wene inesanggo holukag ulug inindi fam sok husirisimu, harikik-o.

Filipi 4:13

Ariroho nahla buruk wilil, o ahik ya da epmano sil nuruk neyeheg, At Kristusen oag werehon etno og nitukmu, yi seheg di seheg noag weregsoho-at suruk ahi-o.

Kolose 4:3

Hit ariroho sembahyang uruk wilil, At Paulusen it aphe Allah wene fanoroho yig isaruk amag ulug hinindi ebetuk wilil, nake sembahyang uruk amiek-o.

1 Timotius 5:8

Eke ap misig at omini inim, owe not inim inaso fanoroho wereg eleg halug, Allah wene demat ulug ebetukon etno seberoho imbisaruk wilil, it Allah wene inapelehon inapma neken wereg-o.

2 Timotius 4:7

Eke it aben onggo huluog ulug buahen laruk etno hag, an nebe wene demat urukon etno nintul nantul eberoko waruk wilil, neyabuk og nitision etno obog-at suruk atikikseg, kidia onggo fanowon etno huliog ulug suruk ahi-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.

Wahyu 2:2

hiren suruk atikibon epmano inim, eke yabuk anggolo sirikibon epmano inim, eke hinindi oag weregsoho welatikibon epmano inim, obogsoho An niluk-o. Eke hiren it ap dag surukon hinambit isaruk ahebon epmano inim, eke it ninen An Yesusen mondep nahabahon-at welahi-o, ulug yamin­tal-at urukmu, hiren ap du Yesusen mondep nahabag uruk du eng­gal-at uruk-o, ulug inaren baltikibon epmano inim, An niluk-o.

Wahyu 22:7

Yig nituk atisimu, eke At Yesusen uruk wilil, “Hit hinesanggo fanoroho holtuk amiek-o. An fobik wamon etno horog fanggog ehek-o. Anden holal baleg du fam hurumbik yig hisarikikon etno inesanggo holtukon halug, inahien hahup-o,” ulug irisi-o.

Wahyu 3:1

Eke fobik an yig nituk wilil, “At it jemaat o Sardis aphe inaso werehon etno og emag ulug holal duroho imbimihin-o: At Allah weregma Allah ahurangge inebe sabiren angge epmano inim, eke soholoal inebe sabiren angge epmano inim senetukon etnowen yig hisaruk wilil, hiren suruk ahebon epmano An niluk-o. Eke misig, hit hinebe wareg wilil oke, nit niniluk-at welahe-o, ulug uruk ahebon etno An niluk-o.

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.

Wahyu 3:15

hiren suruk ahebon epmano An niluk-o. Eke hit hinebe ik holon neken eleg, eke ik olokon neken eleg, we yuhun-at welahep ari An niluk-o. Eke hit holon halug holon-at, eke olokon halug olo­kon-at welatlepmen ari fano-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.