Wahyu 3:7 - Allah Wene Hurumbik Keron

⁷ Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.

Wahyu 3:7 ပူးပေါင်းရင်းမြစ်များ

Matius 16:19

Ariroho weregma, At Allah wereg ambeg sok hobog neken og hituk ahi-o ari, hat kweanmen winimug yig isahun halug, boholmen winimug yig isahu-o. Eke hat kweanma fano yig isahun halug ari, fobik boholmen fano yig isahu-o,” ulug yig epag.

Matius 24:35

Eke bohol inim, kwean inim ari eleg aruhu oke eke An nune etno hag eleg aruhu fug-o,” ulug yig isebag.

Markus 1:24

une suon uruk wilil, “Yesus, Nazaret ap du wai. Hat keroho siog ulug wahen-o? Hat ninusiog ulug wahen ano?” ulug yig ituk apareg, eke fobik yig ituk wilil, “Hat hebe At Allah Amloho fano mondog suruk ahenon hiyihi-o. Eke Hat hebe etno an niluk-o,” ulug yig ituk apagma,

Lukas 1:32

Soaltuk aruhunmu, At ebe ap suon-at welaruhu-o. Suon weregma, eke it apheyen ap du Allah boholmon Amloho ulug yig ituk amuhup-o. Eke bilin at etamu Daud inowe suon welapag etno hag,

Lukas 4:34

une suon uruk apag, “Yesus Nazaret ap du wai. Keroho seko ninombisahiog ulug wahen-o? Hat ninusiog ulug wahen ano? Eke Hat At Allah Amloho dag suruk ahen fuhon etno-at hiyihi-o. Hat hebe an niluk-o” ulug yig ituk apagma,

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Kisah Para Rasul 3:14

Eke At ebe obabut mondog fanowon etno at niron eleg ulug uruk atikipseg, at Pilatus yig ituk wilil, ‘At ap watukon etno At Yesus ubulukmu hele hibiloko og nisimin-o,’ ulug yig ituk atikipseg,

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 1:18

An nebe bilin nowapahon oke, niluk atuk seyahon An at-o. An niluk nitog mondog-at welaruhuk-o. Eke waratukon alem etno Anden napma umburuk seyareg fam, o it ap warehon wereg ambeg unde etno An at-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 15:3

Og isaruk atisimu, eke it epmanowen at Musa Allah anggimbu etno inim, eke At Wam Domba Udag etno inimen di uruson etno iren uruk wilil, “Ninikni suon Allah wai. Haren sukfuganggeroho suruk ahen etno fanowon demat suruk ahen-o. Ari halug, it yi aphe di aphe Inowe suon Hat-at welahen-o, Ninowe.

Wahyu 16:7

eke At Allah ake umbu­ruk ambeg epmanowen une misig uruk wilil, “Nikni Allah suon wa. Haren aphe inoag del inaptuk ahen du, fano-at suruk ahen-o,” ulug urukmu nesanggo holtikik-o.

Wahyu 19:11

Eke fobik boholma sok husig weregma nilanggen lahap haruk atikik­mu, wam kuda huluon misig waharisi-o. Waharukmu, wam etno amboloag fam ap misig waharisi-o. At ap waharision etno inuk Demat urukon soaleg welatisi-o. Inuk Demat soalehon etnowen aphe fano­roho-at inoag deloko imbisaruk wilil, yuhun-at o dagma imbisa­ruk atisi fug-o.

Wahyu 19:2

Eke Aren demat aphe inoag deloko imbisaruk-o. Eke o suon Babel kweanmen yi dag di dag suruk atision etno mialoko embehek-o. Eke at anggimbu war inap­tisi halug, At Allahen mialoko embehek-o,” ulug uruk atusareg,

Wahyu 2:1

Eke fobik an yig nituk wilil, “At it jemaat o Efesus aphe inaso werehon etno og emag ulug holal duroho imbimihin-o: Eke At Ninowe etno soholo­al sabiren angge inggik bikit filen senetuk wilil, eral fisako umburuk ambeg emas fam sehon inebe sabiren angge epmano inanggelegma bulmu werehon etnowen yig hisaruk wilil,

Wahyu 21:5

Holtuk atikikseg, eke At horie uruk ambeg horieg werehon etnowen yig nituk wilil, “Anden yi angge di angge obog-at ketoho imbisaruk ahi-o. An wene motoho yig hirihion du demat halug, holal imbin-o,” ulug yig nitisireg,

Wahyu 3:14

Eke fobik an yig nituk wilil, “At it jemaat o Laodikia aphe inaso werehon etno og emag ulug holal duroho imbimihin-o: At inuk Amin soaleg wilil, At Allahen wal hebahon etno obog alem unde neken werehon etnowen demat ulug yig hisaruk wilil,

Wahyu 4:8

Eke it inebe empat iniluk werehon epmano sue ilitoho inaherabul enggalimen angge weregma, femag femag anduhunmu apma inilanggen wereg harikik-o. Eke it epmanowen ilikia hupmu di uruk wilil, “At Ninikni Allah suon alon wereg-o. At ebe etno bilin welapag, kidia wereg, fobik welaruhuon at-o,” ulug di urusa-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.

Wahyu 6:10

Isaruk atikik­mu, it epmanowen inune suon yig ituk wilil, “Ninikni suon hoag werehon du wai. It aphe o kweanmen war inaptuk apahon epmano oke iren surukon etno inaren baloko o dagma imbisahun-o?” ulug uruk atusama, it obog inasum huluon og isarusa-o.