Wahyu 3:3 - Allah Wene Hurumbik Keron

³ Ari halug, bilin iren yanggul hisarukmu, hinesanggo holtiki­bon etno hinindi ebetuk wilil, ilitoho suruk amuhuben dag suruk atikibon epmano sohorep isiek-o. Eke hinebe hiniluksoho minatuk eleg hiseheg, it ap inalomnangge herahuog ulug herako laruk etno hag, An nebe hetnogsoho hinambeg waharukon etno mo ari fam waruhu ulug hinapeleg-at welamuhup-o.

Wahyu 3:3 ပူးပေါင်းရင်းမြစ်များ

Matius 25:13

ulug At Yesusen yig isaruk apareg, eke fobik yig isaruk wilil, “Eke hit o ari fam waruhu, eke mo eta fam waruhu ulug hinapeleg halug, fikfag aso welamuk-o,” ulug yig isebag.

Markus 13:33

Ariroho sukon etno o ari sambit suhu ulug hinapeleg atma, fanoroho aso wilil sembahyang-at uruk amuk-o.

Markus 13:36

Eke At etno hetnogsoho waharuk aruhureg, hit hinebe nohoruk ilanggen hisa nowen, kwalema hinilanggen yaha fanoroho welamuk-o,

1 Tesalonika 5:2

At Ninowe wamon etno ap inalomnangge herahuog ulug o hubanggo laruk etno hag hetnogsoho waruhu ulug hit bilin arat hiniluk atisi-o.

1 Timotius 6:20

Timotius wai, yi wene di wene hat unde welamag ulug yig hitikikon epmano fanoroho hat seneg welaruhun-o. Eke it aben inune suon uruk wilil, inenggal urukon etno inim, eke it Allah wene inapeleg wilil nit wene keron etno niniluk at-o, ulug yamintal neken urukon etno inim, obog-at sohorep isin-o.

2 Timotius 1:13

Eke wene demat ulug yanggul hitikikon etno ilitoho suruk ariog ulug seneg welaruhun-o. Ariroho At Yesus Kristus hinim wilil, wene du demat ulug eberoko weheg, eke At Yesus inim, it aphe inim hindi hunduhuk welaheg suruk aruhun-o.

Ibrani 2:1

Wene ariroho yig nisaruk apagma, niren wene du demat ulug eberoko waruk sowahon etno ninapeleg ahe ha nowen ulug fanoroho seneg welamuk-o.

2 Petrus 1:13

Yig hisa fano bihion oke, At Nowe Yesus Kristusen bilin yig nepag etno hag, horog kidia nebe wararuhuk-o.

2 Petrus 3:1

Ari halug nomini-o, hit hinahla burukon eleg amag ulug, yi wene di wene obog-at holal birenam bal hisihion du fam yig hisihi-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.

Wahyu 2:25

Ari halug, hiren An wamon etno naso wilil, hinindi oag weregsoho welamiek-o.

Wahyu 2:5

Eke hit hinebe dag sirikibon epmano hinin­di eberiek-o. Ari halug, hiren dag suruk ahebon epmano sohorep isalug, bilin suruk atikip epmano ilitoho suruk amiek-o. Eke hiren dag suruk ahebon epmano sohorep isaruk eleg hisalug, An fobik hinambeg waharuk aruhukseg, hiren eral fisako umburuk ahep ambeg etno walug o werlekma umbuhuk-o.

Wahyu 22:7

Yig nituk atisimu, eke At Yesusen uruk wilil, “Hit hinesanggo fanoroho holtuk amiek-o. An fobik wamon etno horog fanggog ehek-o. Anden holal baleg du fam hurumbik yig hisarikikon etno inesanggo holtukon halug, inahien hahup-o,” ulug irisi-o.

Wahyu 3:11

Eke An nebe hag, horog fanggog ik wariug ulug suruk ahi-o. Eke hit Anden og hisahukon etno aben diloko hola nowen ulug, fikfag eberoko waruk wilil seneriek-o.

Wahyu 3:19

Eke it aphe obog nindi hunduhukon epmano inonggalem mot amag ulug winimug yig iseheg, inesanggo wareheg suruk ahi-o. Ari halug, hinobabut fano amag ulug hiren dag suruk ahebon epmano sohorep isiek-o.

Wahyu 3:2

Ari halug, hiren eberoko waruk ahebon etno mondog eleg am nowen ulug hinoag weregsoho minduhuk welamiek-o. Eke hiren suruk atikibon epmano At Allah il fam dahan fahan surukmu hisarikik-o.