Wahyu 3:2 - Allah Wene Hurumbik Keron

² Ari halug, hiren eberoko waruk ahebon etno mondog eleg am nowen ulug hinoag weregsoho minduhuk welamiek-o. Eke hiren suruk atikibon epmano At Allah il fam dahan fahan surukmu hisarikik-o.

Wahyu 3:2 ပူးပေါင်းရင်းမြစ်များ

Matius 23:5

It epmano hag apheyen inilanggen nisawag ulug-at suruk-o. Eke inungguluag fam inim, eke ininggik so fam inim Allah wene obog-at wene baleg wereg oke, inilahoagma hele angge­on fam homahakeg, eke inasum atog yaron wanteheg suruk-o.

Matius 25:13

ulug At Yesusen yig isaruk apareg, eke fobik yig isaruk wilil, “Eke hit o ari fam waruhu, eke mo eta fam waruhu ulug hinapeleg halug, fikfag aso welamuk-o,” ulug yig isebag.

Matius 25:7

it holani inebe nomalo epmano iniluk atuk apareg, inaheral epmano horog nangguk ariog ulug suruken kwea kwea lebag-o.

Kisah Para Rasul 18:23

Laruk atisireg, o epma inggik anggolo welatisireg, sohorep isalug o Galatia inim, Frigia inim ya keheg suruk wilil, it aphe Allah wene warukon epmano inindi oag wereg amag ulug yig isil waharisi.

1 Petrus 4:7

Nin eke wene misig du yig hisamin-o. Yi angge di angge ketoho imbisawon epmano horog fanggog uhu halug, sembahyang mondog uruk wilil welamuhuken ulug, hinobabut surukon epmano fanoroho yaha welamuk-o.

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.

Wahyu 2:4

Ariroho sirikip ari fano-at oke, eke alem misig du fam hinesanggo warik-o. Wene ebe ari, hit bilin An ninim hinindi hunduhuk welatikibon oke, kidia dorat neken ninim ninindi hunduhuk welahe-o.

Wahyu 3:1

Eke fobik an yig nituk wilil, “At it jemaat o Sardis aphe inaso werehon etno og emag ulug holal duroho imbimihin-o: At Allah weregma Allah ahurangge inebe sabiren angge epmano inim, eke soholoal inebe sabiren angge epmano inim senetukon etnowen yig hisaruk wilil, hiren suruk ahebon epmano An niluk-o. Eke misig, hit hinebe wareg wilil oke, nit niniluk-at welahe-o, ulug uruk ahebon etno An niluk-o.

Wahyu 3:3

Ari halug, bilin iren yanggul hisarukmu, hinesanggo holtiki­bon etno hinindi ebetuk wilil, ilitoho suruk amuhuben dag suruk atikibon epmano sohorep isiek-o. Eke hinebe hiniluksoho minatuk eleg hiseheg, it ap inalomnangge herahuog ulug herako laruk etno hag, An nebe hetnogsoho hinambeg waharukon etno mo ari fam waruhu ulug hinapeleg-at welamuhup-o.