Wahyu 3:18 - Allah Wene Hurumbik Keron

¹⁸ Ari halug, hiren suruk amag ulug yig hisamin-o, hina­harek epmano wereg amag ulug emas olohore fanowon etno onggo bal simiek-o. Eke hinebe hineabie-at wilil hinenggali haruk ahebon etno eleg amag ulug hinasum huluon onggo bal salug wan simiek-o. Eke hinilanggen buhon ari fenggen amag ulug, minyak ambusu etno onggo bal salug are simiek-o.

Wahyu 3:18 ပူးပေါင်းရင်းမြစ်များ

Matius 13:44

At Yesus etnowen yig isaruk wilil, “At Allah weregmen sukon etno hag, ebe yaha suon misig kweanma heraho welapag-o. Weregma, ap misihen sega fam yuloko heaharuk apareg, dahagsoho kweanma epmano herahapfebag-o. Herahapfuruk apareg, at etno indi ahien suruk wilil, aharek yi angge di angge werehon epmano obog onggo og isebag-o. Og isaruk apareg, uang anggen og isebahon etno fam wen ari onggo balfag-o,” ulug At Yesusen yig isebag.

Matius 25:9

ulug yig isaruk apagma, eke it holani inindi enggaron epmanowen yig isaruk wilil, ‘Eleg-o, hit lilinggat hiseheg nit ombateheg sul halug, arat eleg arikon-o. Ari halug, hit onggo hundutuk ambeg epmano onggo hunsa aliek-o,’ ulug yig isebag-o.

Lukas 12:21

Yig epahon etno At Yesusen yig isaruk wilil, “Ari halug, it aphe At Allah il fam inaharek eleg neken werehon epmano inonggarehen yi angge di angge anggolo ombataruk oke, ariroho-at waratuk-o,” ulug At Yesusen yig isebag.

2 Korintus 5:3

Eke ninibam boholmon epmano arat og nisaruk halug, ninebe elehon neken welamuhuk fug-o.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

1 Timotius 6:18

Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.

Wahyu 19:8

Eke it At udaki epmano yi angge di angge fanoroho surusa ulug inasum huluon-at wantehesa,” ulug urusa-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Wahyu 3:17

eke hiren uruk wilil, ‘Nit ninaharek anggolo welahe ari fam fano welahe-o,’ ulug uruk ahebon oke, hit hinabua hisaruk-o. Ari halug, hit hag hinaharek eleg, eke hineabie-at wilil, hinilanggen buhon neken-at wela­hep-o.

Wahyu 4:4

Mase surukmu, eke At horie uruk ambeg etno horogsoho it penatua epmano inasum huluon yiko inunggulasum emas fam sehon epmano wanteg wilil, inebe dua puluh empat it horie urukon epmano fam dahagsoho horieg weregma isarikik-o.

Wahyu 7:13

Uruk atusama, at penatua misig etnowen yig nituk wilil, “lt aphe inasum huluon wantehon du inebe kemen waharusa-o? Eke inebe sandeg-o?” ulug yig nituk atisimu,