Wahyu 3:17 - Allah Wene Hurumbik Keron

¹⁷ eke hiren uruk wilil, ‘Nit ninaharek anggolo welahe ari fam fano welahe-o,’ ulug uruk ahebon oke, hit hinabua hisaruk-o. Ari halug, hit hag hinaharek eleg, eke hineabie-at wilil, hinilanggen buhon neken-at wela­hep-o.

Wahyu 3:17 ပူးပေါင်းရင်းမြစ်များ

Matius 5:3

“Hit hinindi sebero­hon halug, wa. Boholma At Allah weregma hiren angge ulug og hisahu-o.

Matius 9:12

Yig isaruk apagma, At Yesus etno esanggo holtuk apareg, yig isaruk wilil, “It aphe uk wareg eleg isalug, it ap fano inaptukon epmano inambeg laruk eleg-o. Eke it uk warehon epmano at fano ninabukag ulug inambeg lao ari fano-o.

Lukas 1:53

Ariroho suruk wilil, eke it orom obok angge harukon halug, yi angge di angge fanowon og iseheg, eke it inaharek anggolo werehon halug og isao sohorep isalug, wilip iseheg suruk-o.

Lukas 6:24

Eke hit kidia hinaharek anggolo werehon halug, eleg aruhu ari, hinabua-o.

Roma 11:20

Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

Roma 11:25

Nomini-o, hit wene herahowon misig du hinapeleg welam ari haien yig hisamin-o. Ariroho yig hisamin ari hiren nit-at ninindi enggaron welahe-o, ulug hinahla buruk am nowen ulug yig hisamin-o. Ari halug, wene ebe yig hisaminon du at-o, it Israel ap inindi arikepataruson ari mondog mondog-at inindi arikepatarusa fug-o. Eke fobik it aphe bilin Allah wene inapeleg welatuson epmano demat ulug eberoko waruk amuhupmu, it Israel aphe obog-at inili wahu-o.

Roma 12:3

Eke At Allahen nabua nearisireg og nitisi etno fam anden hit obog yig hisamin-o. Hiren an hag yi angge di angge nindimuen obog niluk-at welahi-o, eke it nin hag inapelegsoho wereg-o, ulug ariroho suontepata fug-o. Eke hiren suontepatawon etno sohorep isalug, At Allahen hinindi demat ebebukon og hisarisi etno ilitoho an niluk welahi ulug uruk amuk-o.

Roma 7:24

Eke an nebe etno fanoroho welahi fug-o. Eke an nebe etnowen waramon etno-at huliog ulug suruk oke, at sen nili wahu-o?

2 Petrus 1:9

Eke holahuk ulug ihion etno holaruk eleg nisalug, At Ninowe Yesus Kristus ninapeleg wilil, niren dag suruk atukukon epmano sohorep isalug at apma ninombisahukon etno weheg eleg-at welamuhuk-o.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Wahyu 3:16

Eke hit kidia holon eleg olokon eleg we yuhun-at enahan welahep ari fam, An nelmen sup­soho hinombisahiug ulug suruk ahi oke,