Wahyu 3:15 - Allah Wene Hurumbik Keron

¹⁵ hiren suruk ahebon epmano An niluk-o. Eke hit hinebe ik holon neken eleg, eke ik olokon neken eleg, we yuhun-at welahep ari An niluk-o. Eke hit holon halug holon-at, eke olokon halug olo­kon-at welatlepmen ari fano-o.

Wahyu 3:15 ပူးပေါင်းရင်းမြစ်များ

Matius 10:37

Eke ap misihen An nebe indi hunduhuk welam sohorep isalug, ikni isina-at indi hunduhuk wereg halug ari, An ninim welam hai aruhu-o. Eke ap misihen An nebe indi hunduhuk welam sohorep isalug, amloho ahaloho-at indi hunduhuk wereg halug ari, An ninim welam hai aruhu-o.

Matius 24:12

Eke it yi aphe di aphe obohen dag suruk amuhup epmano fam, it apheyen inindi hunduhuk welamon epmano inapeleg neken aruhu-o.

Matius 6:24

At Yesusen yig isaruk wilil, ”Ap misihen ap biren inanggimbu welam ari hai-o. Misig nindi misig nambit-o, ulug misig ahengga senetuk wilil, misig sohorep isahu-o. Ari halug, At Allah inim, at Mamon ari uang anggen ulug werehon etno inim, it biren inanggimbu welam ari hai-o.

Roma 12:11

Eke yabuk hinaboraliroho suruk am sohorep isalug, hinarug fanoroho suruk amuk-o. Eke hinindi hinahientoho wilil, Allah yabuk fanoroho suruk amuk-o.

1 Korintus 16:22

Eke at misig At Ninowe etno obam indi hunduhuk elehon halug, wene homali etno obam welamag-o. Eke At Ninowe wamon etno aso welamuk-o!

2 Korintus 12:20

Eke fobik hinambeg waruhukseg, hit an nune hinesanggo holtuk ahep fuhon etno nilanggen hisahuk ari an nambit-o. Eke hiren at Paulus obabut ninambit haruk aheon etno-at waha ulug hiren ariroho yig num ari an nambit-o. Eke hit winimug abeheg, eke hinindi hinasine aheg, eke hinune fanggogsoho eheg, eke an-at suon aruhuken ulug eheg, eke aphe inobam denggeleheg, eke aik dahog eheg, eke hinonggarehen suontepateheg, eke narlog harlog seheg, hiren ariroho surukmu an nilanggen hisaruk ari nambit-o.

Filipi 1:9

Eke an hit hinake sembahyang uruk wilil, duroho uruk ahi-o, hit hinindi hunduhuk welamon etno inim, eke yi wene di wene obog-at hiniluk amon etno inim, eke du fano du dag ulug hinindimuen ebebukon etno inim, obog-at su amag ulug hinake sembahyang uruk ahi-o.

2 Tesalonika 1:3

Nomini-o, hit farim nintul nantul Allah wa ulug yig ituk am ari fano-o. Eke hit bilin wene demat ulug ebetuk atikipseg, fobik mondog suon-at ebetuk ahebon etno inim, eke bilin hinomini hinindi hunduhuk welatikipseg fobik mondog hinindi hunduhuk welahebon etno inim, ariroho welahep etno fam nit Allah wa ulug yig ituk am ari fano-o. Eke hit ariroho welahep etno fam, niren At Allah udaki o ahik ya da yig isaruk wilil,

Yakobus 1:8

Ap ariroho ahla burukon etno indi eleg neken wilil, “Keroho sik, niog kema imbik,” ulug indi seneni ebetuk wilil sil nuruk-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

Wahyu 2:2

hiren suruk atikibon epmano inim, eke yabuk anggolo sirikibon epmano inim, eke hinindi oag weregsoho welatikibon epmano inim, obogsoho An niluk-o. Eke hiren it ap dag surukon hinambit isaruk ahebon epmano inim, eke it ninen An Yesusen mondep nahabahon-at welahi-o, ulug yamin­tal-at urukmu, hiren ap du Yesusen mondep nahabag uruk du eng­gal-at uruk-o, ulug inaren baltikibon epmano inim, An niluk-o.

Wahyu 2:4

Ariroho sirikip ari fano-at oke, eke alem misig du fam hinesanggo warik-o. Wene ebe ari, hit bilin An ninim hinindi hunduhuk welatikibon oke, kidia dorat neken ninim ninindi hunduhuk welahe-o.

Wahyu 3:1

Eke fobik an yig nituk wilil, “At it jemaat o Sardis aphe inaso werehon etno og emag ulug holal duroho imbimihin-o: At Allah weregma Allah ahurangge inebe sabiren angge epmano inim, eke soholoal inebe sabiren angge epmano inim senetukon etnowen yig hisaruk wilil, hiren suruk ahebon epmano An niluk-o. Eke misig, hit hinebe wareg wilil oke, nit niniluk-at welahe-o, ulug uruk ahebon etno An niluk-o.

Wahyu 3:16

Eke hit kidia holon eleg olokon eleg we yuhun-at enahan welahep ari fam, An nelmen sup­soho hinombisahiug ulug suruk ahi oke,