Wahyu 3:1 - Allah Wene Hurumbik Keron

¹ Eke fobik an yig nituk wilil, “At it jemaat o Sardis aphe inaso werehon etno og emag ulug holal duroho imbimihin-o: At Allah weregma Allah ahurangge inebe sabiren angge epmano inim, eke soholoal inebe sabiren angge epmano inim senetukon etnowen yig hisaruk wilil, hiren suruk ahebon epmano An niluk-o. Eke misig, hit hinebe wareg wilil oke, nit niniluk-at welahe-o, ulug uruk ahebon etno An niluk-o.

Wahyu 3:1 ပူးပေါင်းရင်းမြစ်များ

Lukas 15:24

Eke an namloho du bilin nuk atision ebe wareg neken eleg welatisireg, kidia iluk ahama, heag sihi-o,’ ulug yig isaruk atisimu, darlo suon etno narusa-o.

Lukas 15:32

Ari halug kidia ninahien haruk wilil, darlo suon nul-o. Eke hat hot bilin nuk atision etno ebe wareg neken eleg welatisireg, kidia kik wahama, heag sehe-o,’ ulug at ikni etnowen amloho manggia etno yig itisi-o,” ulug At Yesusen yig isebag.

Yohanes 1:16

Ariroho yig isebareg fam, At etnowen ninabua haruk wilil, nit obog nintul nantul ahien ninobam umburuk-o.

Yohanes 1:33

Nilanggen hihireg oke, At ebe du-o ulug napeleg heheg, At Allahen aphe ikma belap inabuhunen ulug lahap nabik waharision etnowen yig nituk wilil, ‘At fobik Roh Kudus inobam belabik waruhuon etno ungguluagma Roh Kudus etno ambik waharukmu hilanggen hamihin-o,’ ulug At Allahen yig nerehekma, nilanggen hihi-o.

Yohanes 20:22

ele ahahe inobam fu haruk wilil, “Hit Roh Kudus etno hulimiek-o. Holaruk atlihipseg, it aphe alem dahon inobam werehon epmano hiren inobam inapelegsoho elehep isaruk hisalug, At Allahen-at elehep isaruk-o.

Yohanes 3:34

Eke it At Allahen lahap isa waharukon epmano, At Allahen Roh Kudus suroho og isaruk etno fam At Allah awene etno-at yig isaruk-o.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Efesus 2:1

Eke hiren bilin yi dag di dag suruk wilil, hinebe warehon neken-at welatikip-o.

Efesus 2:5

Eke nit ariroho Allah wene ninesanggo holtuk eleg wilil ninebe warehon neken welatukukon oke, At Allah nit ninobam indi hunduhuk wilil ahmu nisaruk apareg fam, At Kristus ninim niniluksoho minduhup nisaharisi-o. Eke At Allahen hinabua hisaruk etno fam hinili warisi-o.

Kolose 2:13

Eke hit amuk dag suruk wilil, ap warehon ilitoho welatikip-o. Eke hit amuk selema neken welatikibon epmanowen dag suruk atikibon epmano At Allahen hinapelegsoho apma hinombisaharisi etno fam, At Kristus hinim hiniluksoho minduhup hisaharisi-o.

1 Timotius 5:6

Ariroho uruk amuhubon oke, at hwe suhweon indien bulug-at dahan fahan suruk wilil, ebe ilukon oke, warehon neken wereg-o.

Yakobus 2:26

Eke ap misig ebe wereg oke, ahut eleg halug, warehon neken wereg etno hag, eke ap misig Allah wene warukon oke, wene atog ilitoho suruk eleg halug, warehon neken wereg-o.

1 Petrus 1:11

Hurumbik etno uruk wilil, “O maram waruhureg, og hisahu-o,” ulug inahla burukmu, At Kristus Roh Kudus etnowen yig isebag, “Fobik At Kristus wabuhup oke, iluksoho suon-at minduhupfuhu-o”, ulug hurumbik yig isebag.

Yudas 1:12

It ap epmano inenggali halug eleg hit hinim wilil esoho naruk-o. Epma hinim wilil, nit fano-at welahe-o, ulug inahla buruk-o. Ari it ap epmano orom buron hik isarukon etno ilitoho wereg-o; eke helak me ase aben di surukon etno ilitoho wereg-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 1:16

Eke soholoal sabiren angge inggik bikit filen senere­heg eke elmen karog enggat femag femag werehon wilipfeheg suruk wilil, At olohore mo yatukon etno ilitoho abikag surukmu ni­langgen harikik-o.

Wahyu 1:20

Eke soholoal inebe sabiren angge ninggik bikit filen seneg welahion epmano ari, it aphe jemaat sabiren angge epmano ap inaso werehon neken wereg-o. Eke eral umburuk ambeg emas fam sehon inebe sabiren angge werehon epmano it aphe jemaat sabiren angge epmano neken wereg-o,’ ulug wene herahowon etno bukaloko yig hirihi-o, ulug yig nitukmu nesanggo holtikik-o,” ulug holal balfag.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.

Wahyu 2:19

hiren suruk ahebon epmano An niluk-o. Eke aphe hinindi hunduhuk welahebon epmano inim, eke hiren nobam eberoko waruk ahebon epmano inim, eke Allah yabuk fanoroho suruk ahebon epmano inim, eke hinindi oag weregsoho welahebon epmano inim obog An niluk-o. Eke bilin dorat suruk atikipseg oke, kidia anggolo suruk ahebon epmano inim, An niluk-o.

Wahyu 2:2

hiren suruk atikibon epmano inim, eke yabuk anggolo sirikibon epmano inim, eke hinindi oag weregsoho welatikibon epmano inim, obogsoho An niluk-o. Eke hiren it ap dag surukon hinambit isaruk ahebon epmano inim, eke it ninen An Yesusen mondep nahabahon-at welahi-o, ulug yamin­tal-at urukmu, hiren ap du Yesusen mondep nahabag uruk du eng­gal-at uruk-o, ulug inaren baltikibon epmano inim, An niluk-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Wahyu 3:15

hiren suruk ahebon epmano An niluk-o. Eke hit hinebe ik holon neken eleg, eke ik olokon neken eleg, we yuhun-at welahep ari An niluk-o. Eke hit holon halug holon-at, eke olokon halug olo­kon-at welatlepmen ari fano-o.

Wahyu 3:2

Ari halug, hiren eberoko waruk ahebon etno mondog eleg am nowen ulug hinoag weregsoho minduhuk welamiek-o. Eke hiren suruk atikibon epmano At Allah il fam dahan fahan surukmu hisarikik-o.

Wahyu 3:8

Eke hiren suruk ahebon etno An niluk-o. Eke hit dorat hinoag wereg ari An niluk-o. Eke hit Anden yig hisaruk seahon etno hinesanggo holtikipseg, nobam eberoko warikip-o. Eke it apheyen larep hisahuk haion oke, Anden sok etno husep hisaharikik-o.

Wahyu 4:5

Eke At misig etno horie uruk ambeg ho­rogsoho etanowen sehenyabog yibareheg, eke yi une di une eheg, eke serlemban suon subuleheg surukmu nilanggen harikik-o. Eke misig, At etno horie uruk ambeg etanowen At Allahen Ahurangge inebe sabiren angge etno eral neken fisaho weregma isarikik-o.

Wahyu 5:6

Yig nituk atisimu, Wam Domba Udag neken horie uruk ambeg bulmu minduhuk wereg heheg, it inebe empat iniluk werehon epmano inim, eke it penatua epmano inim dahagsoho weregma isarikik-o. Isaruk wilil, eke Wam Domba Udag etno warapahon neken wereg harikik-o. Haruk wilil, Wam Domba Udag etno ungguluagma ayeg sabiren angge lahabehon etno inim, eke At Allahen angge ahurangge inebe sabiren angge o kweanma lahabik waharision epmano ilitoho ulug ilanggen sabiren angge epmano inim weregma harikik-o.