Wahyu 22:9 - Allah Wene Hurumbik Keron

⁹ Nut kunuk uruk atikikmu, eke aren yig nituk wilil, “Eleg-o. An hag, hat homini it nabi ap inim, it Allah wene inesanggo holtukon inim, nit obog Allah anggimbu-at wela­he-o. Allah akeleg-at obam sembahyang uruk amuk-o,” ulug yig nitisi-o.

Wahyu 22:9 ပူးပေါင်းရင်းမြစ်များ

Matius 4:9

Laha­bareg, o kwe­anma o ahik ya da o faleg fanowon heag ituk wilil, “Hat hi­langgen hehenon ari obog-at og hipminen, kunuk ulug an nobam sembahyang in-o,”

Lukas 4:7

Eke Hat hindibahal yungguksoho napma kunuk ulug heahi war naptuk healug, Hat-at og hipmin-o,” ulug yig epag.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Wahyu 1:1

Wahyu wene du fam At Yesus Kristus etnowen bukaloko yig epahon etno wereg-o. Ariroho embebag ari, fobik suhuon wene etno it Allah anggimbu obog iniluk amag ulug, At Allahen Yesus Kristus yig ituk apagma, At Kristus etnowen anggimbu Yohanes etno yig emag ulug omalaikat misig ambeg belabik wapag-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 14:7

“Hit At Allah hinakoltoho wilil, At inuk-at suontep­furuk amiek-o. Kidia Aren aphe inaren balukon etno horog fang­gog ehek-o. Ari halug, At Allahen bohol inim, kwean inim, ik inim obog-at wal hebahon epmano olohotma wilil, hinut wanduk­soho sembahyang uruk amiek-o,” ulug at malaikat etnowen irisi-o.

Wahyu 15:4

Eke Hat akol hearuk elehon misig wereg ano? Eke Hat hinuk suontepfuruk elehon misig wereg ano? Hat hebe suon hoag werehon-at welahen-o. Eke it yi aphe di aphe inungguluag dombohen Hat fanowon suruk ahenon etno inilanggen hearuk atusareg fam, Hat hambeg waharuk amuhupseg, Hat holohotmen hinuk fam sembahyang uhup-o,” ulug di etno urusa-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.

Wahyu 22:10

Ariroho yig nituk atisireg, eke fobik yig nituk wilil, “Hurumbik holal baleg du fam imbirikinon etno herahoma umbuk fug-o. Hurumbik suhuon etno fanggog ehek-o.

Wahyu 22:18

An Yohanesen wene misig yig hisik-o. Hit hurumbik wene holal baleg du hinesanggo holtuk ahebon etno, wene misig obam seberoho yig isahup halug, At Allahen holal baleg du fam inusu­kon wene etno yig hisarision oke, obam seberoho hinusu­hu-o.

Wahyu 22:7

Yig nituk atisimu, eke At Yesusen uruk wilil, “Hit hinesanggo fanoroho holtuk amiek-o. An fobik wamon etno horog fanggog ehek-o. Anden holal baleg du fam hurumbik yig hisarikikon etno inesanggo holtukon halug, inahien hahup-o,” ulug irisi-o.

Wahyu 4:10

it penatua inebe dua puluh empat epmanowen At horie uruk ambeg werehon etno olohotma inolohore wanduksoho ying atuk wilil, At itog mondog wereg etno inuk suontepfurusa-o. Suontepfuruk wilil, it inunggulasum etno At horie uruk ambeg etano olohot fil koroko umburusa-o.

Wahyu 9:20

Waratuk atusama, eke it nin iniluk welatuson epmanowen du Allah ilitoho ulug ininggi­ken haloko umburuson etno sohorep isarusa fug-o. Sohorep iseheg eleg wilil, iblis iren angge emas, perak inim, eke helep e inim fam halehon etno inilanggen wereg oke, yet isaruk elehon, ine­sanggo wereg oke holtuk elehon, iniog wereg oke laruk elehon epmano-at obam inindi ebetusa-o.