Wahyu 22:2 - Allah Wene Hurumbik Keron

² Ik etno o bulke amburukmu, femag femag e iniluk welamon etno yaho weregma heag nitisi-o. E etno bikalem dua bel­as fam anggen misig misig-at yihirukon heag nitisi-o. E etno engga fam it yi aphe di aphe inungguluag obog fano inabukag ulug weregma heag nitisi-o.

Wahyu 22:2 ပူးပေါင်းရင်းမြစ်များ

Lukas 4:18

“An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 21:21

Eke helep suon inuk muti­ara etno fam kembat dua belas etno baleg weregma harikik-o. Eke kwalem o keron laru­kon etno emas fam dalegma, olohore wukahi il fanowon etno ilito­ho harikik-o.

Wahyu 21:24

Eke At Allahen-at seleg og isarisireg fam, it aphe o kweanmon obog seleg etno fam laru­sa-o. Eke it yi aphe di aphe inowesi suon obohen o etno inaha­rek anggolo umburusa-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.

Wahyu 22:14

Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.

Wahyu 22:19

Eke at misihen hurumbik wene holal du fam wereg heheg, wene misig heraharuk halug, ap etno o suon keron kuruk atlug e ilu­kon anggen na nowen ulug At Allahen buku iniluk welamon etno fam inuk lolepfuhu-o.