Wahyu 22:16 - Allah Wene Hurumbik Keron

¹⁶ An Yesusen yi angge di angge aphe jemaat Allah wene urukon epmano yig isiug ulug nomalaikat etno belabik waharikik-o. Eke An nebe etno at Daud etamu wilil, soholoal wap etno ilitoho-at welahi-o,” ulug irisi-o.

Wahyu 22:16 ပူးပေါင်းရင်းမြစ်များ

Matius 1:1

At Yesus Kristus, Abraham Daud etamu etno, At etamuki umbiasi welapahon ininuk du at-o.

Matius 2:2

Waharuk apareg, it etnowen hinog uruk wilil, “It Yahu­di ap inowe suon misig endag atision etno kema endoho we­reg-o? Aren angge soholoal wap etno iliko fil yet harukukseg, ebe heahi wabu­len ulug wahe-o,” ulug ebag.

Matius 22:42

“Hit At Kristus etno farim keroho hinahla buruk ahep-o? Eke At ebe etno sa etamu wereg ulug hinahla buruk ahep-o?” ulug yig isaruk apagma, eke it epmanowen yig ituk wilil, “At ebe Daud etamu-at wereg ulug ninahla buruk ahe-o,” ulug yig epag.

Matius 22:45

ulug At Allahen An Nowe etno yig erehek,’ ulug at Daud etnowen Kristus farim Nowe ebahon oke, eke hiren At ebe Daud etamu wereg ulug ninahla buruk ahe ehep ari, keroho ulug ehep-o?” ulug yig isaruk apagma,

Lukas 1:78

Eke At Allahen yonggonoko neken yig nisaruk etno ninabuen-at yig nisaruk-o. Eke o witaruk wilil monggik ninobam waharuk etno hag, ninili wawon etno ariroho-at og nisahu-o.

Lukas 20:44

ulug At Allahen An Nowe etno yig erehek ulug at Daud etnowen At Kristus farim Nowe ebahon oke, eke it ninen At Kristus ari Daud etamu at-o ulug uruk du, keroho ulug uruk behep-o?” ulug At Yesusen yig isebag.

Roma 15:12

eke fobik at Yesaya etnowen yig nisaruk wilil, “At Isai etamu misig etno lahik waharuk aruhumu, it ap bilin Allah wene inapeleg welatuson epmano Inowe welamag ulug minduhupfuhu-o. Minduhupfuruk aruhumu, it epmanowen Aren fano ninabuhu-o ulug inahla buhup-o,” ulug wene holal embebag-o.

Roma 9:5

Eke it inetamuki bilin it Abraham, Ishak, Yakub welapahon etno hag, eke fobik At Kristus etno ebe ap ilitoho it inungguluahon-at endag apag-o. Eke At Allah yi aphe di aphe Inikni etno inuk nintul nantul suontepfuruk amuk-o, ulug an demat yig hisaruk ahi-o.

2 Petrus 1:19

Ariroho holtuk atukukseg, it nabien bilin hurumbik ebahon epmano ninindimu waruk ahe-o. Ninindimu waruk nisalug, hit ariroho-at waruk amuk-o. It nabi aben hurumbik ebahon epmano o seleg suon neken weregma, o hikmu seleg atuk etno ilitoho hinindimu selehap hinaptuk-o.

Wahyu 1:1

Wahyu wene du fam At Yesus Kristus etnowen bukaloko yig epahon etno wereg-o. Ariroho embebag ari, fobik suhuon wene etno it Allah anggimbu obog iniluk amag ulug, At Allahen Yesus Kristus yig ituk apagma, At Kristus etnowen anggimbu Yohanes etno yig emag ulug omalaikat misig ambeg belabik wapag-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.

Wahyu 2:11

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho welamuhubon halug, birenam waramon etno inobam umbuhu fug-o,” ulug yig nitisi-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.

Wahyu 22:11

Eke it aphe dag surukon epmanowen dag seheg, eke it inenggal urukon epmanowen inenggal eheg, eke it fano surukon epmanowen fano seheg, eke it Allah wene warukon epmanowen demat ulug ebereheg suruk amag-o,” ulug at malaikat etnowen yig nitisi-o.

Wahyu 22:20

Eke At yi wene di wene obog yangguloko yig nisarukon etnowen “An dulum-at waruhuk,” ulug yig nisaruk-o. Ariroho yig nisaruk halug, niren, “Demat, dulum manu-o, Ninowe Yesus,” ulug uruk ahe-o.

Wahyu 22:6

Eke fobik at malaikat etnowen yig nituk wilil, “Anden yig hirihion etno demat yig hirihi-o. Eke At Inikni Allahen Roh Kudus it nabi ap bilin og isebag etno hag, ariroho hurumbik suhuon etno At anggimbu yig isawag ulug At omalaikat etno laha­bik waharisi-o,” ulug ariroho hurumbik yig nitisi-o.

Wahyu 3:13

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 3:22

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 3:6

Eke hinesanggo wereg ha­lug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 5:5

Ioba yatuk atikikmu, eke it penatua misig etnowen yig nituk wilil, “Hat ioba yabuk imbi­salug, hilanggen yet himin-o. At Daud etamu suon ungguluag Yehuda ap oag wam singa neken werehon etno anduhunmu suon atisireg fam, holal baleg du hele homahowon sabiren angge etno yumbuksoho hibiluk oag wereg-o,” ulug yig nitisi-o.