Wahyu 22:14 - Allah Wene Hurumbik Keron

¹⁴ Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.

Wahyu 22:14 ပူးပေါင်းရင်းမြစ်များ

Yohanes 10:7

Ariroho weregma, eke At Yesusen fobik dahagsoho yig isaruk wilil, “Ari halug, Anden wene demat uruk amon etno yig hisamin-o. It wam domba kuruk ambeg inasok etno ilitoho An-at welahi-o.

Yohanes 10:9

Eke sok ebe etno ilitoho An-at welahi-o. It inebe sok etno fam kuruk isalug, inili wahuk-o. Eke it ariroho waharukon halug, keheg wilip aheg suruk wilil, iren isinggangge fanowon epmano heag sahup-o.

Yohanes 14:15

Eke fobik At Yesusen yig isaruk wilil, “Hiren An nebe hinindi hunduhuk welahep halug, An nawene etno hiniluk wilil, ilitoho suruk amuhup-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 4:12

Eke amuk at ninetamu Yakub etnowen ik du hulilip nisahabareg, at ebe inim, udaki inim, anggom inim ik du-at nebag-o. Ariroho nebahon oke, eke Haren at Yakub doron, An suon ulug uruk ahen ano?” ulug yig epag.

1 Korintus 7:19

Eke alem iniyunggul ambilik baltukon etno inim, baltuk elehon etno inim ebe mondog eleg-o. At Allahen wene duroho suruk amuk eke duroho suruk am fug ulug yig nisebahon etno ilitoho sukon ari alem suon-at wereg-o.

1 Korintus 8:9

Eke hiren yuhun-at suruk ahebon etno it aphe inindi oag elehon epmanowen inilanggen hisalug, ari fam it dag suk nowen ulug hinilanggen yaharoho welamiek-o.

1 Korintus 9:5

Eke it nin wene yig isil nuruk amag ulug mondep isebahon epmano inim, eke At Ninowe osi epmano inim, eke at Kefas etno inimen inuhwesi Allah wene warukon holalug sil nuruk epmano ilitoho anden ariroho holalug sil laruk am hai buruk ahep ano?

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.

1 Yohanes 5:3

Eke At Allah ninindi hunduhuk welahe ari, aren komo yig nisarukon etno suruk nisalug, we ari fam niniluk atuk-o. At Allahen komo yig nisarukon etno abutseon-at yig nisaruk-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 21:12

Eke o keron etno lehet suon faleg weregma, kembat dua belas etno it malaikat inebe dua ­belas etnowen aso welatusa-o. It etno aso weregma, it Israel aphe inungguluag ininuk etno kembat dua belas etno fam holal baleg welatisi-o.

Wahyu 21:27

yi angge di angge sabele werehon inim, eke yi aphe di aphe dag suruk wilil ineng­gal urukon inim o etno kurusa fug-o. It dag surukon ari o keron etno fam keheg eleg weregma, it iniluk welamon holal baleg At Wam Domba Udahen angge etno fam ininuk werehon halug o etno kuruk atusa-o.

Wahyu 22:2

Ik etno o bulke amburukmu, femag femag e iniluk welamon etno yaho weregma heag nitisi-o. E etno bikalem dua bel­as fam anggen misig misig-at yihirukon heag nitisi-o. E etno engga fam it yi aphe di aphe inungguluag obog fano inabukag ulug weregma heag nitisi-o.

Wahyu 22:7

Yig nituk atisimu, eke At Yesusen uruk wilil, “Hit hinesanggo fanoroho holtuk amiek-o. An fobik wamon etno horog fanggog ehek-o. Anden holal baleg du fam hurumbik yig hisarikikon etno inesanggo holtukon halug, inahien hahup-o,” ulug irisi-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.