Wahyu 21:3 - Allah Wene Hurumbik Keron

³ Nilanggen harikikseg weregma, une suon misig At horie uruk ambehen urukmu holtikik-o. Holtikikseg weregma, une etno­wen uruk wilil, “At Allah ibam aphe inanggelegma epmano ambehekseg fam, it inim inibam misig-at neken welamuhup-o. At udaki-at welamuhup-o. At Allah ebe it inim wilil, it Inikni-at welaruhu-o.

Wahyu 21:3 ပူးပေါင်းရင်းမြစ်များ

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 14:23

At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.

2 Korintus 6:16

Eke At Allah ibam etno kwanangge umbuk ari hai-o. Eke nit hag, At Allah ilukon etno ibam neken welahe-o. Eke At Allahen bilin yig isaruk wilil, “It wereg ambeg epma nibam falsaruk aruhukseg, inanggelegma ninim welamuhuk-o. Eke iren Ninikni Allah yig nituk isalug, it inebe An nudaki-at welamuhup-o,” ulug yig isaruk apareg, eke fobik yig isaruk wilil,

2 Korintus 6:18

Endag hinaptuk aruhukseg, nebe Hinikni neken weregma, hit nudaki naholani neken welamuhup-o,” ulug An Allah noag werehon etnowen yig hisaruk ahi-o, ulug abug yig isebag ari, nit-at yig nisebag-o, nomini.

1 Tesalonika 3:11

Eke At Ninikni Allah inim, At Ninowe Yesus inim nit hit hinambeg wamon ninonggalem yahap nisahukag ulug sembahyang uruk ahe-o.

Ibrani 11:16

Ariroho lelebon oke, it inibam boholmon fanowon etno-at heag suog ulug sebag-o. Ariroho heag suog ulug suruk apagma, At Allahen Hinikni an at-o, ulug yig isaruk wilil, ambit isebag fug-o. Aren it inibam suon etno-at fal inaptuk apag-o.

Ibrani 8:10

Yig isaruk wilil, “Fobik it Israel aphe ninim wene ariroho baltuk amuhukseg, ninim dambuluhuk-o. Eke Anden wene duroho suruk amuk eke duroho suruk am fug ulug yig isahukon etno inindimu holal neken baloko umbuhuk-o. Eke it epmano An nudaki wereg iseheg, Inikni Allah An-at welaruhuk-o.

Ibrani 8:2

Eke At etno Allah unde suon wilil, o akeleg neken alon wereg ambeg etno eyabuk suruk-o. Ariroho suruk ari, it aben bilin o sum fam falfag ambeg epmanowen suruk eleg-o. O suon alon werehon At Allahen falfag ambeg epmanowen-at suruk-o.

Wahyu 10:4

Uruk atisimu, serlemban etnowen irision etno an holal imbiug ulug suruk atikikmu, eke boholmen une misig yig nituk wilil, “Serlemban une ehekon ari holal imbimihin fug-o, heraho-at welamag-o,” ulug yig nitisi-o.

Wahyu 10:8

Uruk atisimu, eke fobik une bohol­men urukmu nesanggo holtikikon etnowen nin yig nituk wilil, “At malaikat etno laut ikma inim, kweanma inim minduhuk wilil, holal baleg seneg werehon etno wamihinen ulug ambeg lag-o,” ulug yig nitisi-o.

Wahyu 12:10

Belap inabik waharuk atusama, eke fobik boholmen une suon urukmu holtikik-o. Nesanggo holeg weregma, une etnowen uruk wilil, “At Allahen aphe inili wawon epmano kidia fanggog ehek-o. Eke At Allah inim, At Amloho Kristus etno inim suon ahesa-o. Suon ahesareg fam, At Allah olohotma ninomini nintul nantul inambolma dahaltukon epmano boholmen hik isehesa-o.

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.

Wahyu 22:3

Ariroho heag nitisireg weregma, eke yi angge di angge inim, aphe inim At Allahen wene homali neken inobam umburuson halug o epma welamuhup fug-o. At Allah inim, At Wam Domba Udag etno inim horie uruk ambeg etno weregma, At anggimbu etno eyabuk suruk wilil, o epma welamu­hup-o.

Wahyu 7:15

Are­repfuruk atusareg, it etno At Allah horie uruk ambeg olohot­ma minduhuk wilil, nintul nantul At ibam eyabuk suruk-o. Eke At horieg werehon etno inim wilil, inili waruk aruhu-o.