Wahyu 21:12 - Allah Wene Hurumbik Keron

¹² Eke o keron etno lehet suon faleg weregma, kembat dua belas etno it malaikat inebe dua ­belas etnowen aso welatusa-o. It etno aso weregma, it Israel aphe inungguluag ininuk etno kembat dua belas etno fam holal baleg welatisi-o.

Wahyu 21:12 ပူးပေါင်းရင်းမြစ်များ

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 16:22

Naruk iseheg, at Lazarus etno bok welapareg, fobik waratuk apagma, it malaikaren walug, esoho etno nawag ulug At Allah ambeg imbik lahabag-o. Imbik lahabagma, boholma epmano wereg heheg, eke fobik at ap aharek werehon etno warapag-o. Waratuk apagma, ebe kweanma salepfebag-o.

Kisah Para Rasul 26:7

Eke it ninetamuki inungguluag dua belas epmanowen At Allah inuk nintul nantul suontepfuruk wilil, At Allahen hurumbik ebahon etno eberoko waruk atikikmu, it Yahudi aben inune dahon epmano nobam denggeltusa-o, nikni.

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Wahyu 21:13

Ariroho holal baleg weregma, kembat hena­han oholuk fil, eke kembat henahan iliko fil, eke kembat hena­han femag fil, eke kembat henahan femag fil ariroho baleg welatisi-o.

Wahyu 21:15

Ariroho segma nilanggen haruk weregma, at malaikat yanggul nitision etnowen walangge surukon emas fam sehon etno fam o ebe inim, lehet inim, kembat inim walangge sirisi-o.

Wahyu 21:25

Ariroho umburus­areg weregma, o keron etno hik atuk eleg heheg, kembat sok ilikia hupmu laraheg eleg husig-at welatisi-o.

Wahyu 22:14

Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.