Wahyu 21:1 - Allah Wene Hurumbik Keron

¹ Eke fobik bohol amukon etno inim, kwean amukon etno inim, ik suon etno inim eleg atusama, bohol keron kwean keron etno harikik-o.

Wahyu 21:1 ပူးပေါင်းရင်းမြစ်များ

Roma 8:21

Ariroho wereg oke, eke it yi angge di angge wal hebahon etnowen o ari sambit ninebe waratuk aheon alem etno elegsoho imbisahu-o. Eke o ari sambit it Allah udaki epmano inebe suontep isahureg, nit inim-at suontep nisahaku-o, ulug inahla buruk-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

2 Petrus 3:13

Ariroho suhu oke, eke fobik bohol keron, kwean keron wal hahuk ulug At Allahen hurumbik yig nisebag etno fam, epma ninim ilitoho welamuhuken ulug aso welamuk-o.

Wahyu 13:1

Eke fobik walo suon misig ik laut ikmen lahik waharuk­mu nil harikik-o. An nilanggen haruk heheg, walo etno ayeg unggu­luagmen lahabehon nomaloen angge etno inim, eke ungguluag sabiren angge werehon etno inim, eke ungguluag sabiren angge etno fam inuk dahon holal balehon inim welatisi-o.

Wahyu 20:11

Eke fobik At misig horie uruk ambeg suon huluon etno fam horieg weregma nilanggen harikik-o. At etno olohotmen kwean inim, bohol inim inebe eleg atukmu, nilanggen harikik-o.

Wahyu 21:5

Holtuk atikikseg, eke At horie uruk ambeg horieg werehon etnowen yig nituk wilil, “Anden yi angge di angge obog-at ketoho imbisaruk ahi-o. An wene motoho yig hirihion du demat halug, holal imbin-o,” ulug yig nitisireg,

Wahyu 6:14

Ambik waha­ruk atusama, eke sum yinggiloko umburuk etno hag, bohol ebe eleg atisi-o. Eleg atuk wilil, dom inim, o ik anggenma werehon inim obog akeleg sik ya umbulug da umbulug seg atisi-o.