Wahyu 20:5 - Allah Wene Hurumbik Keron

⁵ It inebe ariroho weregma, eke seribu tahun etno awan suruk heheg, it aphe nin bilin waratuson epmano iniluk aheg eleg wilil, bilin iniluksoho minatukon epmano fam minatusa fug-o.

Wahyu 20:5 ပူးပေါင်းရင်းမြစ်များ

Lukas 14:14

Eke it aphe epmanowen onggo esag humon oke, inaharek elegma, At Allah ahien hinobam umbuhu-o. Eke At Allahen it aphe fanowon iniluksoho minduhup isahu ari sambit onggo fanowon epmano og hisahu-o,” ulug At Yesusen yig isebag.

Roma 11:15

Eke it hag ambit isarisireg fam, it ap kweanma obog o ahik ya da werehon epmano At Allahen fanoroho ninim welamuhuken ulug dambuk inaptisi-o. Eke ari fam, Aren it Yahudi ap inebe epmano ahmu isaruk halug, it aphe warehon inilukep isaruk etno hag inilukep isahu-o.

Filipi 3:11

eke At ebe warapag etno hag, nindi dahon waramon etno inim, huliog ulug nahla buruk ahi-o. Ariroho nahla buruk wilil, eke niluk atlug nindi fanowon minamon etno inim huliog ulug nahla buruk ahi-o.

1 Tesalonika 4:16

Eke aren duroho suhu-o, at malaikat inowe etnowen une suon uruk aruhumu, eke Allah ambinggon etno une uruk heheg, At Ninowe etno ambik waruhu-o. Ambik waharuk aruhureg, it At Kristus obam ebetuk wilil waratuson etno bilin iniluksoho minduhup isahu-o.

Wahyu 11:11

Suruk atusareg, ininggik tiga setengah weregma, At Allahen iniluk inaptu­kon ele ahahe etno inobam fu haruk atisimu minatusa-o. It biren epmano minatusama, eke it aphe obohen inilanggen isaruk atusareg, inakol anggolo haru­sa-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.