Wahyu 20:4 - Allah Wene Hurumbik Keron

⁴ At iblis hele wareg weregma, it aphe anggolo horie uruk ambeg epmano weregma isarikik-o. Nilanggen isarikikon epmano inebe suon welamag ulug minduhup isarusa-o. Minduhup isarusareg weregma, eke it aphe Allah wene inim, eke At Yesusen yanggul isebahon etno inim aphe yig isebareg fam war inapahon epmano inahurangge inim weregma isarikik-o. Ariroho weregma nilanggen isarikikon epmano walo suon ebe etno inim, eke ebe ilitoho sehon etno inim inobam sembahyang eheg eleg wilil, walo suon inuk inilaho­ag fam ininggik fam holal baleg eleg welatuson etno At Kristus inim wilil, inebe seribu tahun fam suon-at welatusa-o.

Wahyu 20:4 ပူးပေါင်းရင်းမြစ်များ

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 24:10

Eke o ari sambit it aphe nin inindi demat ulug ebebuhubon epmano sohorep isahup-o. Sohorep isaruk amuhupseg, irit at misihen at misig hele wabukag ulug abug baleheg, eke at misihen at misig hele wabukag ulug abug baleheg, eke irit nambit hambit eheg suruk amuhup-o.

Markus 6:16

ulug uruk apahon etno at Herodes esanggo holtuk apareg, yig isaruk wilil, “Eleg-o, at Yohanes anggolop baloko imbirikikon etno iluk atlug minatuk atisireg, ariroho suruk-o,” ulug yig isebag.

Markus 6:27

at ap karog unde misig etno yig ituk wilil, “At Yohanes etno anggolop baloko ungguluag walug ma-o,” ulug lahapfuruk apagma, at etno laruk apareg, aphe hele waroko imbisaruk ambeg epmano kebag.

Markus 9:11

Ariroho uruk apareg, At Yesus etno yig ituk wilil, “It wene baleg unde epmanowen at Elia bilin-at waruhu ulug uruk ari, keroho ulug yig nisaruk-o?” ulug At etno hinog webag.

Lukas 1:17

Waharuk aruhureg, bilin at nabi Elia etnowen oag weregsoho yig isil lebag etno ilitoho, at Yohanes etno ariroho-at Allah wene yig isil nuruk aruhu-o. Ariroho sil nuruk wilil, iniknisi, inudaki inim dambul inabeheg, eke it aphe inesanggo holtuk elehon epmano At Allahen ebahon epmano ilitoho sukag ulug yig iseheg, eke At Ninowe wamon etno udaki neken wilil aso welamag ulug yig iseheg suruk aruhu-o,” ulug at malaikat etnowen Zakharia yig epag.

Lukas 14:14

Eke it aphe epmanowen onggo esag humon oke, inaharek elegma, At Allah ahien hinobam umbuhu-o. Eke At Allahen it aphe fanowon iniluksoho minduhup isahu ari sambit onggo fanowon epmano og hisahu-o,” ulug At Yesusen yig isebag.

Lukas 22:30

An Hinowe suon nibamen esoho etno ninim naruk amuhuk-o. Naruk amuhukseg, it Israel aphe inungguluag dua belas epmano inaren balukag ulug minduhup hisahakuk-o,” ulug yig isebag.

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Roma 11:15

Eke it hag ambit isarisireg fam, it ap kweanma obog o ahik ya da werehon epmano At Allahen fanoroho ninim welamuhuken ulug dambuk inaptisi-o. Eke ari fam, Aren it Yahudi ap inebe epmano ahmu isaruk halug, it aphe warehon inilukep isaruk etno hag inilukep isahu-o.

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

2 Timotius 2:12

Eke it ninen dahon etno ninobam umburukmu, ninahla bugsoho welamuhuk halug, At ninim-at suon welamuhuk-o. Eke At ebe ninapeleg uruk nisalug, Aren hit hinebe an napeleg ulug yig nisahu-o.

Wahyu 1:2

Belabik waharuk apareg, yig ituk apagma, at Yohanesen ilanggen hebahon etno aphe obog iniluk amag ulug buku du fam wene holal embe­bag-o. Ari halug, At Allahen ebahon inim, eke At Yesus Kristu­sen wene demat urukon ebahon etno inim, obog-at buku du fam weregma,

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.

Wahyu 11:11

Suruk atusareg, ininggik tiga setengah weregma, At Allahen iniluk inaptu­kon ele ahahe etno inobam fu haruk atisimu minatusa-o. It biren epmano minatusama, eke it aphe obohen inilanggen isaruk atusareg, inakol anggolo haru­sa-o.

Wahyu 11:15

Eke fobik at malaikat sabiron etno ambinggon une suon irisimu, o boholmen inune amitmit uruk wilil, “It aphe kweanma inungguluag dombog Inikni aruhuon etno, At Allah inim, eke Amloho Kristus inimen ombatarusa-o. At Inowe suon Raja itog mondog-at welaruhu-o,” ulug urusa-o.

Wahyu 11:3

Eke it ap biren An nawene yig isaru­kon epmano lahap isahuk-o. Lahap isaruk aruhukmu it ap epmano sum ahe hahon supnig wilil, Allahen hurumbik fobik suhuon etno ininggik seri­bu dua ratus enam puluh fam wilil yig isaruk amuhup-o,” ulug yig nitisi-o.

Wahyu 11:7

Minduhup isarisimu, eke iren At Allahen hurumbik suhuon etno aphe obog yig isarusa-o. Yig isaruk atusa­ma, eke fobik kwean kahaleg ambeg epmanowen walo etno lahik waharisireg, inim wim aptusa-o. Inim wim aptuk atusama, at walo etnowen war inaptisi-o.

Wahyu 12:11

Eke At Wam Domba Udag etnowen amep inake delfag halug, it ninomini epmanowen at setan etno seberepfehesa-o. Eke it epmanowen wene demat urukon etno yig isaruk wi­lil, nit waram fano at-o, ulug uruk atusa-o.

Wahyu 14:11

Epma weregma, it hondok inaruk aruhuon epmano ambulpul nintul nantul laharuk aruhu-o. Ariroho suruk heheg, it dag suruson epmano misihim kelsahup fug-o,” ulug at malaikat etnowen irisi-o.

Wahyu 15:2

Ariroho suruk atusama, eke fobik ik laut ikma, hondok ambulpul inim eke ik inim dahagsoho weregma isarikik-o. Nilanggen isaruk atikikseg, eke fobik it aphe walo iblis inim, eke walo ilitoho ebe suruson epmano inim, eke at misig aholal enam ratus enam puluh enam werehon etno inim ininuk warusa fuhon epmano ik ayegma epmano minduhuk weregma isarikik-o. Nilanggen isaruk heheg, At Allahen inambinggon gitar hahon etno og isarisi-o.

Wahyu 17:8

Walo ebe hehe­non ari, bilin iluk welatisireg, waratisi-o. Waratision oke, kwean kahaleg ambehen lahik waha­ruk arikonma, fobik mondog warepfikon-o. Eke it aphe o kweanmon buku iniluk welamon etno fam ininuk holal baleg elehon etnowen walo suon etno ebe inil hukonteg, inakol hukon-o. Inakol hukon ari, walo suon etno bilin iluk welatisireg, eke fobik waratisi­on etno iluk ahareg warikon etno fam inakol hukon-o.

Wahyu 2:26

Eke it inoag weregsoho anduhunmu neken welamuhubon epmanowen Anden yig isaruk seyahon etno mondog ilitoho suruk isalug, An Niknien suon noag weregsoho welamon og nepag etno hag og isahuk-o.

Wahyu 20:6

It nin ari bilin minaheg eleg wereg iseheg, eke it bilin minatuson epmano inindien suruk wilil, inahien anggolo harusa-o. Ariroho inahien haruk atusareg, birenam waratusa fug-o. Eke it etnowen uruk wilil, “Birenam waramuhuk fug-o,” ulug uruk atusareg, At Allah Amloho Kristus etno inim inanggimbu wilil, seribu tahun fam inebe suon welatusa-o.

Wahyu 22:5

o epma hubang­go aruhu fug-o. Eke eral inim, mo yatukon etno inimen o yangguk am hai aruhumu, At Ninikni Allah-at o yangguk etno og isahu-o. Eke iniluk mondog welamon etno og isaruk aruhu ari fam, inebe suon wilil, raja neken-at initog mondog welamuhup-o, ulug heag niti­si-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.

Wahyu 4:4

Mase surukmu, eke At horie uruk ambeg etno horogsoho it penatua epmano inasum huluon yiko inunggulasum emas fam sehon epmano wanteg wilil, inebe dua puluh empat it horie urukon epmano fam dahagsoho horieg weregma isarikik-o.

Wahyu 6:9

Lahap isaruk atusama, eke At Wam Domba Udag etnowen holal baleg hele homahowon misig yumbuk sirisi-o. Yumbuk suruk atisimu, eke At Allah ake umburuk ambeg apma epmano it aphe Allah wene eberoko waruk wilil demat ulug yig isaruk apagma war inapahon epmano inahut weregma isarikik-o.

Wahyu 7:3

“It Allah anggimbu etno niren du Allahen angge-at ulug awan inilahoag fam holal umburuk eleg niseheg, hiren o kweanma inim, ikma inim onggama inim dahapsuk fug-o,” ulug yig isari­si-o.