Wahyu 20:2 - Allah Wene Hurumbik Keron

² Ariroho nilang­gen harikikseg weregma, eke fobik at malaikat etnowen walo amukon inuk misig Iblis, eke inuk misig Setan soalehon etno ebe inggik senetuk atisireg, seribu tahun welamag ulug hele waroko imbirisi-o.

Wahyu 20:2 ပူးပေါင်းရင်းမြစ်များ

Matius 19:29

Eke hiren An ninuk su amag ulug hinifaleg inim, eke hinowe not inim, eke hiniknisi hinisasi inim eke hinudaki inim, eke hineyabuk inim obog-at sohorep isahup halug, Anden kidia-at inubulukmu obam seberoho obog-at og hisaruk ahi ari, fobik hiniluk mondog welamon etno-at og hisahuk-o.

Matius 8:29

Eke it etno At Yesus inune suon yig ituk wilil, “Hat Allah Amloho wai, keroho seko ninombisahiog ulug wahen-o? War ninabuk sambit etno awan waharuk eleg heheg, war ninabiog ulug wahen ano?” ulug yig epag.

Markus 4:15

Eke i kwalema belabil lebag etno hag ari, it nin wene fano wene yig isil lebahon etno inesanggo fano holfahon oke, at iblis etno waharuk wilil, wene inindimu werehon lisoko waruk-o.

Markus 5:7

Heahi watuk apareg, une suon yig ituk wilil, “Hat Yesus Allah boholmon Amloho wai. An keroho seko nombahiog ulug wahen-o? Haren an nowabuk nowen ulug At Allah inuk fam yig hirihi-o,” ulug yig epag.

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Yohanes 16:11

Eke alem At Allahen inoag deloko imbisawon etno yanggul isahu ari, at iblis o kweanma inikni suon neken welatision etno arat oag deloko imbirisi-o ulug yanggul isahu-o.

Roma 16:20

Eke At Allah nit dambuk ninaptukon etnowen at iblis etno hiniog hendan bisalukag ulug dulum-at hinapma umbuhu-o. Eke At Ninowe Yesus etnowen hinabua hisaruk wilil hinim welamag ulug yig hisihi-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

2 Petrus 2:4

Eke o amuk it malaikat dahon epmano At Allah sohorep isalug, inakeleg lebahon etno At Allahen fobik oag del inabuhuken ulug hele waroko o dagma imbisebag-o.

Yudas 1:6

Eke misig du wereg-o. It malaikat epmano At Allah inuk sohorep isalug, it inibam wilip apagma, At Allah oag deloko imbisahuk ulug hele waroko o hikmu imbisebahon wereg-o.

Wahyu 12:13

Une etnowen uruk atisimu, eke at walo iblis etnowen kweanma belap nabik wahesa ari nambit-o, ulug ahla birisireg, hwe udag ende­tision etno mutlug larisi-o.

Wahyu 12:15

Lenggaliog ulug suruk atisi­mu, at walo elmen ik suon misig larukon etnowen hwe etno walug lawag ulug wilipfirisi-o.

Wahyu 12:17

Ik etno amburuk atisimu, at walo etnowen hwe etno obam asine haruk wilil, at udaki etno obog war inabiug ulug larisi-o. At hwe etno udaki ari, it Allahen wene duroho suruk amuk eke duroho suruk am fug ulug ebahon etno inesanggo holtuk wilil, Yesusen yig isebahon etno eberoko warukon welatusa-o.

Wahyu 12:3

Nilanggen haruk heheg, eke fobik walo sabilik hahon misig suon etno olohore mebon wahari­si-o. Waharuk wilil, ungguluag sabiren angge werehon etno, ayeg ungguluag famen lahabehon epmano nomaloen angge welatisi-o. Ariro­ho wilil, ungguluag obog epmano fam unggulasum wanteg wilil wahari­si-o.

Wahyu 12:4

Waharuk atisireg, boholmen ahe silug watuk wilil, soho­loal anggolo kweanma belabik waharisi-o. Belabik waharuk atisi­reg, at hwe udag enderiug ulug surukon etno olohotmen minatisi­reg, epma welatisi-o. Minduhuk wilil, udag endag atuk halug, naminen ulug welatisi-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:2

Ariroho wilil, walo etno ebe wam harimau etno hahon, at iog wam beruang etno ha­hon, at ambilik wam singa hahon weregma harikik-o. Nil haruk atikikmu, at walo iblis etnowen walo suon etno ilitoho oag wereg amag ulug inggikmu imbirisi-o.

Wahyu 13:4

Mutlug laruk atusareg, it obog epmano­wen uruk wilil, “At walo iblis etnowen eke walo suon etno oag weregsoho minduhupfirisi-o,” ulug iblis etno inuk suontepfuru­sa-o. Suontepfuruk atusareg, at walo suon etno farim uruk wi­lil, “Walo suon etno ap sa ilitoho weregma, sa inim wim abukon-o?” ulug uruk atusareg, inuk suon­tepfurusa-o.

Wahyu 20:10

Ariroho war inaptuk atisi­reg, at iblis enggal wene urukon etno o hondok olokma hik hari­si-o. Hik haruk atisimu, at iblis etno inim, at walo suon etno inim, at nabi enggal wene yig isarukon etno inim o hondok olok­ma weregma, it etano nintul nantul hondoken inaruk aruhu-o.

Wahyu 20:7

Eke fobik seribu tahun etno arat sirisimu, at iblis hele warehon etno elamna-at hele hibiltuk atusama,

Wahyu 9:11

Bal inaptuk heheg, at kwean kahaleg ambeg unde werehon etno inowe welatisi-o. Inowe werehon etno inuk it Ibrani inune fam Abadon, ari it Yunani inune fam Apoli­on, ari nit ninune fam Mialtukon ulug soaleg welatisi-o.