Wahyu 2:9 - Allah Wene Hurumbik Keron

⁹ Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.

Wahyu 2:9 ပူးပေါင်းရင်းမြစ်များ

Matius 4:10

ulug yig ituk apagma, eke At Yesusen yig ituk wilil, “Hat iblis hebe lag-o. Ninikni Allah-at sembahy­ang obam uruk am fano-o. Nit At akeleg-at andu­ananggeroho welam ari fano-o, ulug wene baleg ari wereg-o,” ulug yig ituk apag­ma,

Lukas 12:21

Yig epahon etno At Yesusen yig isaruk wilil, “Ari halug, it aphe At Allah il fam inaharek eleg neken werehon epmano inonggarehen yi angge di angge anggolo ombataruk oke, ariroho-at waratuk-o,” ulug At Yesusen yig isebag.

Lukas 22:65

yi wene di wene dahon obog-at obam embebag.

Lukas 4:18

“An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

Lukas 6:20

Eke fobik At Yesusen omini epmano yet isaruk apareg, yig isaruk wilil, “Hit kidia hinaharek elehon halug, wa. At Allah weregmen hiren angge ulug og hisahu-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 26:11

Yig isaruk atikikseg, eke fobik it o Allah wene uruk ambeg etno kuruk atikikseg, iren Yesus wene ninambit ukag ulug yikangge anggolo waroko wilip isarikik. Wilip isaruk atikikseg, eke fobik mondog nasine atuken o yatma inim heako war inabil nuruk atikik,” ulug at Paulus etnowen yig isarisi.

Roma 12:12

Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.

Roma 2:17

Eke hat hag, an Yahudi ap welahi ulug uruk ahen du, wene duroho suruk amuk eke duroho suruk am fug ulug ebahon etno hiluk wilil, At Allah Ninikni-at wereg ulug suontepfuruk ahen-o.

Roma 5:3

Eke dahon ninobam umburuk nisalug, ninahientoho welahe-o. Eke dahon ninobam umburuk ari fam ninindi bugsoho welamon etno og nisaruk-o.

Roma 8:35

Eke ari halug, At Kristus ninim hunduhuk welaheon etno ap sen heal ninabuhu-o? Eke it ninen dahon ninobam umburukon etno inim, eke ninebe seberep nisaharukon etno inim, eke muko wilip nisaharukon etno inim, eke orom obok hawon etno inim, eke yi angge di angge ninaharek eleg amon epmano inim, eke dag am nowen ulug ninakol haruk aheon etno inim, eke waramon etno inim, alem obog epmanowen nit At Kristus ninim heal ninabuhu buruk ahep ano? Ari eleg-o.

Roma 9:6

Eke anden ihion ari, At Allahen hurumbik yig isebahon etno hai apag ulug yig hisaruk ahi fug-o. Eke it Israel aphe epmano it nin inobabut At Allahen udaki imig inapahon neken welapag fug-o.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

2 Korintus 8:2

Eke it epmano inindi kahaluog ulug dahon anggolo inobam umburuson oke, inahien anggolo haruk wilil, Allah ake ulug yi angge di angge anggolo umburusa-o. Ariroho umburusa ari, it inaharek dorat werehon oke,

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

1 Tesalonika 3:4

Eke nit ninebe bilin ninim wilil, dahon etno ninobam umbuhup-o, ulug hurumbik yig hisarukukseg fam, kidia ilitoho dahon hinobam umburuk etno hiniluk-o.

1 Timotius 1:13

Eke anden At Yesus nune dahon yig ereheg, eke At udaki muko wilip iseheg suruk atikikon epmano At Yesusen hindi wereg atuk halug, an nanggimbu welaruhun-o, ulug sohorep naharisi fug-o. Eke an bilin Allah wene napelegma dag suruk nealug, At Allahen nabua nearisi-o.

1 Timotius 6:18

Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.

Wahyu 2:2

hiren suruk atikibon epmano inim, eke yabuk anggolo sirikibon epmano inim, eke hinindi oag weregsoho welatikibon epmano inim, obogsoho An niluk-o. Eke hiren it ap dag surukon hinambit isaruk ahebon epmano inim, eke it ninen An Yesusen mondep nahabahon-at welahi-o, ulug yamin­tal-at urukmu, hiren ap du Yesusen mondep nahabag uruk du eng­gal-at uruk-o, ulug inaren baltikibon epmano inim, An niluk-o.

Wahyu 2:24

Eke hit aphe nin Tiatiraon halug, dag wene etno hinesanggo holtuk eleg wilil, At iblisen wene heako ebahon etno warikip fug-o. Weheg eleg welatikip ari fam Anden angginon epmano hinobam umbuhuk fug-o.

Wahyu 3:9

Eke it iblis udaki epmanowen nit Yahudi ap-at ulug inenggal-at urukon etno, Anden hinolohotma imbisahukmu, inolohore wandukso­ho wereg iseheg, suontep hisahakup-o. Suontep hisaharuk wilil, hit hinebe An ninim nindi hunduhuk welahion epmano iniluk aru­hu-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.