Wahyu 2:7 - Allah Wene Hurumbik Keron

⁷ Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 2:7 ပူးပေါင်းရင်းမြစ်များ

Matius 11:15

Eke hinesanggo wereg halug, wene du fanoroho holtuk amiek-o.

Matius 13:43

Epma imbisaruk amuhupmu, eke it Allah udaki etno inolohore mo neken yatuk wilil, Inikni wereg ambeg epma inim wilil initog mondog welamuhup-o. Eke hit hinesanggo wereg halug, wene ari fanoroho holtuk amiek-o,” ulug At Yesusen yig isebag.

Matius 13:9

eke fobik At Yesusen yig isaruk wilil, “Hit hinesanggo wereg halug, fanoroho holtuk amiek-o,” ulug yig isebag.

Markus 4:9

ulug yig isaruk apareg, eke fobik yig isaruk wilil, “Hit hinesanggo wereg halug, fanoroho holtuk amiek-o,” ulug yig isebag.

Markus 7:15

Yig isaruk apareg, eke fobik yig isaruk wilil, “Orom inim, yi angge di angge inim naruk aheon etnowen dag seko ninombisaharuk eleg-o. Eke ninindimuen wilip atukon etnowen-at dag seko ninombisaharuk-o.

Markus 7:16

Eke hit hinesanggo wereg halug, fanoroho holtuk amiek-o,” ulug yig isebag.

Lukas 23:43

Yig ituk apagma, eke At Yesusen yig ituk wilil, “O yoho hat ninim At Allah weregma kulen ulug demat yig hituk ahi-o,” ulug yig epag.

Lukas 8:8

Eke i misig kwean sinon fam kililepfebahon etno unggum lahabareg, su apag-o. Su atuk apareg, anggen seratus yihebag-o,” ulug yig isaruk apareg, eke fobik yig isaruk wilil, “Eke hinesanggo wereg halug, fanoroho holtuk amiek-o,” ulug yig isebag.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

1 Korintus 2:10

Ariroho ninombisaharuk apareg, fobik At Roh Kudus etno fam yanggul nisebag. Eke At Roh Kudusen yi angge di angge obog alem heaharuk wilil, At Allah indi undamen ahla burukon etno inim-at alem heaharuk wereg-o.

2 Korintus 12:4

Eke ariroho walug lahabagma, eke yi angge di angge inune aphe inambiliken uk haion-at oke esanggo holfag-o.

1 Yohanes 2:13

Niknisi-o, hit At o amuk welapareg, kidia werehon etno inuk fam, anden holal du bal hisihi-o. Nomini-o, hit elege wilil, iblis dahon etno apmarepfirikip ari famen, anden holal du bal hisihi-o.

Wahyu 13:9

Eke hit hinesanggo wereg halug, fanoroho holtuk amiek-o.

Wahyu 14:13

Uruk atisimu, eke fobik boholmen une misig uruk wilil, “It At Ninowe eyabuk suruk atlug war amuhubon epmano fobik inahien hahup-o,” ulug at une etnowen yig nituk atisimu, eke At Roh Kudus etnowen uruk wilil, “Demat-o, it Allah yabuk fanoroho suruson halug, onggo og isaruk aruhumu, fanoroho wilil, kelsaruk amuhup-o,” ulug yig nitukmu, nesanggo holtikik-o.

Wahyu 15:2

Ariroho suruk atusama, eke fobik ik laut ikma, hondok ambulpul inim eke ik inim dahagsoho weregma isarikik-o. Nilanggen isaruk atikikseg, eke fobik it aphe walo iblis inim, eke walo ilitoho ebe suruson epmano inim, eke at misig aholal enam ratus enam puluh enam werehon etno inim ininuk warusa fuhon epmano ik ayegma epmano minduhuk weregma isarikik-o. Nilanggen isaruk heheg, At Allahen inambinggon gitar hahon etno og isarisi-o.

Wahyu 2:11

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho welamuhubon halug, birenam waramon etno inobam umbuhu fug-o,” ulug yig nitisi-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.

Wahyu 22:14

Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.

Wahyu 22:2

Ik etno o bulke amburukmu, femag femag e iniluk welamon etno yaho weregma heag nitisi-o. E etno bikalem dua bel­as fam anggen misig misig-at yihirukon heag nitisi-o. E etno engga fam it yi aphe di aphe inungguluag obog fano inabukag ulug weregma heag nitisi-o.